Connect with us
https://24barimt.mn/wp-content/uploads/2022/11/mik15.jpg

Нийгэм

Монгол хүн гэгдэхийн түүхэн хийгээд логик учир, холбогдол

Нийтэлсэн

-

“Уулын мод урттай богинотой, олон хүн сайнтай муутай”, “Хүн бүр адилгүй, хүлэг бүр жолоогүй” гэдэг. Хүмүүс (хар, цагаан, шар, халтар арьстан хэн боловч) гадаад төрхөөрөө адилхан, эрхтэн, мөчүүд, нугалмаараа ч адилхан билээ. Тэдний оюун ухааны хөгжил, хэмжээ, түвшин ч үндсэндээ адилавтар. Боловсрол, туршлага, хуримтлуулсан мэдлэг, мэдээллээрээ л өөр өөр. Гэвч тэдэнд үндэстэн, угсаатны нь хамаарлыг илтгэн үзүүлдэг нэгэн чухал цогцолбор шинж бас бий. Хувь хүний угсаа, гарваль, үндэсний түүхийн мэдлэгт суурилсан “бие хүний түүхийн ухамсар” тухайн хүний чухам хэн болохыг илтгэн харуулдаг. Хүний ухамсар бол мэдээж олон талтай, олон бүрэлдэхүүн хэсэгтэй. Гэвч ухамсрын хамгийн гол, тодорхойлогч тал бол эх түүхийн нь мэдлэгт суурилсан үзэл бодол, хүсэл, эрмэлзэл юм. Энэ үзэл бодол, хүсэл, эрмэлзэл нь ямар байна, уг хүн өөрөө тийм л хүн байдаг.

Боловсролтой, оюунлаг гэр бүлд төрж өссөн, оюунлаг сэхээтнүүдийн хүрээлэл дунд амьдарч хэрсүүжсэн хүү, охин хэн боловч тухайн угсаатан, үндэстнийхээ нэгэн идэвхтэй гишүүн, эх оронч сэтгэлгээтэй иргэн болж хүмүүждэг.

Хувь хүнийг нэгэн багаж (жишээ нь сүх) гэвээс түүнийг ирлэж, бас ишилж өгөх ёстой. Ингэхлээр хувь хүн ч тэр, ард түмэн ч тэр эх түүхээрээ ишлэгдсэн, ирлэгдсэн байх учиртай. Чухам тэгж байж л тэр хүн, жишээ нь Монгол хүн болох ёстой. “Би Монгол хүн” гэж хэлэхийн тулд Монголынхоо төлөө цохилох зүрхтэй байх ёстой гэдэг дээ…

Байгаль-цаг уурын нөхцөл, шахаа, дарамт, хүндрэл нь хүн дүрст мичийг хэдэн сая жилийн туршид ухаажуулсаар байгаад бусад бүх амьтнаас ялгаруулаад, оюун ухаант хүн болгож чаджээ. Хүмүүс өсөж олшроод, тарж нүүдэллээд, манай дэлхийн гадаргууг арал, хойг, олтриг үлдээлгүй шахам эзэгнэн амьдрах болжээ. Тэгэхдээ бүр бүлэг бүлгээрээ салж, ондоосож, өөр өөр ард түмэн гэгдэж, өөр өөр хэл, соёлтой болж, өөр өөр эх түүхтэй өөр өөр үндэстнүүд болж хувирчээ. Өсөж олширсоор 200 гаруй бие даасан тусгаар улс болцгоожээ. Улсууд хоорондоо харилцахдаа дагаж мөрддөг хууль-эрхийн орчинтой ч болж, бас олон улсын харилцааг авч үздэг шүүхтэй, Нэгдсэн үндэстний байгууллагатай ч болсон байна.

Улс үндэстэн бүхэн олон улсын харилцаанд биеэ даасан нэгэн цогцолбор субъект болон оролцож өөрийн гэсэн үзэл бодолтой, өвөрмөц нүүр царайтай, өөрийн гэсэн эх түүх, соёлтой, оноож онцолсон нутаг дэвсгэр, хил хязгаартай, өмнөө тавьсан зорилго, ашиг сонирхолтой байх болжээ. Хүн нэгбүр хүүхэд, хөгшид гэхгүйгээр аль нэгэн улс орны иргэд гэгдэж эрх эдэлж, үүрэг хүлээдэг. Улс орон бүр иргэдээ эх түүхээр нь ишилж, цэнэглэж, өөр өөрийн эх орончдоо тусгайлан бэлтгэж иржээ. Энэ уламжлал хэзээ ч, хаана ч ер тасалдаж, орхигдож байсангүй. Жинхэнэ эх орончид л жинхэнэ цэрэг, жинхэнэ хилчин, жинхэнэ төрийн түшээ, жинхэнэ ерөнхий сайд, жинхэнэ ерөнхийлөгч болдог хэмээн тооцсоор иржээ. Үнэндээ ч тийм байсныг эх түүх нь нотолдог, үзүүлдэг ажээ. Өмнө өгүүлснээс улбаалан бодохул XXI зууны эхэн үеийн Монгол улсад байдал ямар байна вэ? 2001 оноос хойших баримт, материалаас үзвэл УИХ-ын гишүүд, засгийн газрын гишүүдийн 70-80 хувь нь Дэлхий дахины түүх болон Монголын түүхийг их, дээд сургуульд үзэж судлаагүй хүмүүс байв. Монголын төрийн түүхийг судалсан, Монголын төр ёсны уламжлалыг мэддэг, төрийн хар хайрцагны бодлогын талаар зохих хэмжээний мэдээлэл, төсөөлөлтэй гэх аваас тийм хүн хэд гуравхан байх ажээ. Монголын төр эн тэргүүнээ чухам юуг чухалчилж, түүнээ ямар ямар үзүүлэлт, хэмжүүрээр дэнсэлж, шалгаж байх ёстой болохыг хатуу тогтоож, сахиж, мөрдөж байхыг хуульчилсан нууц, харьцангуй нууц бичиг, баримт ч эдүгээ байдаггүй бололтой. Нийслэл, хот, аймгийн хурлын төлөөлөгчид, засаг дарга нарын хувьд ч гэсэн Монголын төр ёсны түүх, уламжлал, нутаг орны онцлогт тохирсон өвөрмөц бодлого, өөрийн гэх нүүр царай, заншил, зан үйлийн холбогдолтой үнэт зүйлсийн өвлөл, залгамжлалын сан хөмрөг алга шахуу байна. Бид чухам юу юугаараа бахархаж, алдаршиж, бусдад үнэлэгдэж, хүндлэгдэж явсан юм бэ? гэдгийгээ аймаг бүр, сум бүр мэддэг, одоо ч гэсэн тэр хэмжээ, чанараа хадгалдаг, тэр үнэт зүйлсээрээ их орлого, өндөр ашиг олдог байх ёстой. Бусдыг татдаг, дур хүслийг нь булаадаг, аялагчдын зорьж очдог нэг газар нутаг байх ёстой.

Монголын түүх, уламжлалаар суурилсан оюун санааны амьдралтай, шинжлэх ухааны олон салбарын мэдлэгт түшиглэсэн үзэл бодод, ухамсартай, монголоороо байх хүсэл эрмэлзэлтэй, Монголоо, монголчуудаа гэх эх оронч сэтгэлтэй тийм хүмүүс болж хөвгүүд, охид маань хүмүүжиж боловсрох учиртай. Монгол угсаатны эх түүх, соёл, зан заншил, ёс суртахуунаар “ишлэгдсэн” бие хүн бол монгол хүн мөн болно.

Өөрсдийгөө “хүн” гэдэг үгээр нэрлэж, өвөг монгол хэлээр ярилцаж, нүүдэллэн аж төрж байсан язгуурын монгол аймгууд яван нэгдэж томорсоор Хүннү улсыг байгуулжээ. Төв Азийн олон хэлний нүүдэлчдийг өөргөө татаж нэгтгэсээр Хүннү улс аажимдаа эзэнт гүрэн болж дэгжиж томорчээ. Энэ эзэнт гүрэн задарч хуваагдах үед мөн л монгол угсааны аймгуудаар цөм хийсэн Сүмбэ гүрэн, хожуу нь Их Нирун буй болжээ. Өмнө этгээддээ орших Хятадын эзэнт улсуудтай сүр хүчээр эгнэж, чацуурч, эрх тэгш гэрээ хэлэлцээр хийж, төрийнхөө бүрэн эрх, тусгаар тогтнол, хэл, соёлоо хадгалж, хамгаалж явсан эртний баялаг түүх монголчууд бидэнд ийнхүү бий юм.

Эртний түүхээ ядаж л өмнө өгүүлсэн хэмжээнд, нэмээд Түрэг, Уйгар, Киргизийн үе, Киданы үе, Их Монгол улсын үе гэсэн хэлхээ, холбоонд мэддэг байх нь улстөрчдийн үүрэг билээ. Хүннү гүрэн бол бидний сайн мэдэх ЗСБНХУ (СССР) шиг олон улс, олон үндэстний нэгдэл, холбоо байжээ. Иймд Хүннү гүрний бүрэлдэхүүнд байсан аль ямар ч нүүдэлчид бид хүннүчүүд гэж хэлэх эрхтэй юм. Монголчууд бол хүннүчүүд мөн. Гэхдээ хүннүчүүд бол зөвхөн монголчууд биш болно. Энэ байдлыг мэддэггүй манай нэгэн ерөнхийлөгч радио, телевизээр “Монголчууд бол хүннүчүүд мөн. Хүннүчүүд бол монголчууд мөн” хэмээн өндөр дуугаар тунхаглан зарлаж байлаа. Улсын ерөнхийлөгч, ерөнхий сайдын зиндааны улстөрч хүн яалт ч үгүй, бүр заавал эх түүхээрээ “ишлэгдсэн” байх ёстой. Энэ шаардлагад нийцүүлж бие хүн өөрийгөө бэлдэх учиртай. Сонгогчид ч ийм шаардлага тавьж нэр дэвшиж буй хүнтэй харьцаж, асууж шалгааж байж саналаа өгөх ёстой.

Аль ч улс үндэстний түүхээс үзэхэд эх орончид нь, тэмцэгчид нь, гавъяатай хүмүүс нь, ард түмэндээ эцэг, эх нь болсон ерөнхийлөгч, ерөнхий сайд нар нь бүгд л улс, үндэстнийхээ эх түүхээр “ишлэгдсэн” хүмүүс байжээ. Эх түүхийн мэдлэг, уламжлалт соёлын мэдлэгийн ид увдис эх орончдод нугаршгүй, хугаршгүй хүч эрчим, үл ухрах, үл худалдагдах зан чанарыг олгодог байна. Ингэхлээр эх орончид бол тухайн төр засгийн зорилтот хөтөлбөрийн дагуу хүмүүжиж төлөвшдөг ажээ.

Улс орон бүр энэнийг тооцож, энэ хэрэгт онцгойлон анхаарч, цаг үеийн онцлогтой холбож, нийцүүлж эх орончдоо бэлдэж байх ёстой. Иргэн нэгбүрээ эх оронч болгон төлөвшүүлэх ажлыг хүүхдүүдийн дунд цэцэрлэгийн наснаас нь эхлэн тасралтгүй зохиосоор их, дээд сургүулийн оюутан нас, бүр 25-30 нас хүртэл нь үргэлжлүүлэх шаардлагатай. Нийгэм дэх аливаа хамт олон бүр үйл ажиллагаагаа экологийн хувьд хор хохиролгүй, эдийн засгийн хувьд арвич хямгач, эх орныхоо үйлдвэрлэн бүтээгчдийг эн тэргүүнээ дэмжих эрмэлзэл, хандлагатайгаар зохион байгуулж, өрнүүлж байх үүрэгтэй. Энэнийг “Журамт үүрэг” хэмээн нэрлэж хуульчилж ч болох юм. Хүүхэд, ер хүнд хамгийн үр дүнтэй нөлөөлдөг хүчин зүйл бол орчин, нөхцөл нь, хамт олон нь билээ. Иймд аливаа хамт олны дотоод уур амьсгал, харилцаа өндөр ёс суртахуунтай, архи тамхинаас чөлөөтэй, хүмүүнлэг энэрэнгүй, нөхөрсөг, тусархуу байх ёстой. Орчны сайн нөлөө ямар ч сургалтаас илүү гарах үр дүнтэй байдаг. Орчны сайн нөлөө, шаардлага, зөв дарамт нь хүүхдийг хүн болгон төлөвшүүлэх нь битгий хэл хүн дүрстэй мичийг ч хүн болгож хувиргасан гавъяатай билээ. Бич хүн болж хувирсны гол шалтгаан нь байгаль цаг уурын шахаа, дарамт, хүндрэл юм. Тэр бүхнийг зөвхөн л тасралтгүй хөдөлмөрлөж, хөдөлж, урд хөлөө гар болтол нь, уураг тархиа компьютер болтол нь ажиллуулж байж л даван туулж болох байв. Өдрийн уртыг өлбөрч үхэлгүй өнгөрөөх, шөнийн хүйтнийг хөлдөж үхэлгүй давахын төлөөх амь өрссөн тэмцэл олон зуун мянган жилийн туршид тасралтгүй үргэлжилсний эцсийн үр дүн нь оюун ухаант хүн, бид, хомосапиенс юм. Харин байгаль-цаг уурын нөхцөлийн тийм шахаа, дарамт, хүндрэл эх дэлхийн маань чухам хаана ингэж урт удаанаар үргэлжилсэн юм бэ? Энэ асуултанд “Төв Азийн өндөрлөг” гэх ганц хариулт л өгөгддөг. Тэгэхлээр “Төв Азийн өндөрлөг” гэх энэхүү унаган газар нутаг маань монголчууд биднийг хөдөлмөрч, тусархаг, хүмүүнлэг, зочломтхой, экологич, эх оронч болон төлөвшихөд маань хэдэн зуун мянган жилийн өмнөөс л тасралтгүй нөлөөлсөөр, тусалсаар иржээ дээ?

Судлаач, профессор Д.Чулуунжав

Дэлгэрэнгүй ...

Нийгэм

Улаанбаатар хотын Ерөнхий менежерийн 23 дугаар шуурхай зөвлөгөөн боллоо

Нийтэлсэн

-

Нийтэлч

Улаанбаатар хотын Ерөнхий менежерийн 23 дугаар шуурхай зөвлөгөөн өнөөдөр болж, Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг зөвлөгөөнийг удирдан явууллаа.

Шуурхай зөвлөгөөнөөр Улаанбаатар хотын Ерөнхий менежерийн 22 дугаар шуурхай хуралдаанаар өгсөн үүрэг даалгаврын хэрэгжилтийн явцыг Хяналт, үнэлгээний газрын дарга Ц.Рэгзэдмаа танилцууллаа.

Хуралдааны дэгийн дагуу өвөлжилтийн бэлтгэл, давс бодисын нөөцлөлт болон хадгалалт хамгаалалтын нөхцөлийг сайжруулах хүрээнд авч хэрэгжүүлсэн арга хэмжээний талаарх мэдээлэл, инженерийн хангамжийн байгууллагуудын бэлэн байдлыг хангах команд штабын дадлага сургуулилтын үр дүн, ус хангамж, ариутгах татуурга, инженерийн шугам сүлжээний өргөтгөл шинэчлэл, төсөл хөтөлбөрүүдийн хүрээнд 2025 онд хэрэгжүүлэх ажлын төлөвлөлт, сургууль цэцэрлэгүүдийн халаалт, нүүрсний нөөцлөлт, бэлэн байдалд явуулсан үзлэг, нөхцөл байдлын талаарх мэдээлэл, хяналтын камерыг нэмэгдүүлэх, удирдлагын төвийг бий болгох чиглэлээр хэрэгжүүлж буй үйл ажиллагааны талаарх мэдээллийг холбогдох газрын удирдлагууд танилцуулж авч хэрэгжүүлэх арга хэмжээг хэлэлцлээ.

Улаанбаатар хотын Ерөнхий менежер Г.Батзориг дүүрэг бүр хүлээсэн үүргийн дагуу цэвэрлэгээ үйлчилгээний ажлыг эрчимжүүлж дүүргийн харьяанд байгаа үйлчилгээний байгууллага, төлбөртэй зогсоолууд, томоохон зах худалдааны төвүүдэд хяналт хийж 50 метрийн цэвэрлэгээ үйлчилгээг байнга хийх дадлыг бий болгоход анхаарч, хариуцлагагүй, зөвшөөрөлгүй үйл ажиллагаа явуулж буй аж ахуй нэгжийн хяналтыг сайжруулахыг анхаарууллаа.

Мөн хот нийтийн аж ахуй чиглэлээр ажиллаж байгаа техникийн хяналтыг сайжруулахад технологийн шийдлийг ашиглаж ажиллахыг чиглэл болгож, инженер хангамжийн чиглэлээр 3, хог хаягдал, менежментийг сайжруулах чиглэлээр 7, тохижилт ногоон байгууламжийн чиглэлээр 2, нийт 12 үүрэг даалгаврыг холбогдох чиг үүргийн байгууллагуудад өгч ажиллалаа гэж Улаанбаатар хотын Захирагчийн ажлын албанаас мэдээллээ.  

Дэлгэрэнгүй ...

Нийгэм

Монгол үндэсний бөхийн багийн халз барилдаан болно

Нийтэлсэн

-

Нийтэлч

“Хийморь” төслийн хүрээнд зохион байгуулж буй дэлхийн хүчтэнүүд монгол үндэсний бөхөөрөө барилдах “Жүдо бөх болон Чөлөөт бөх”-ийн хоорондох монгол үндэсний бөхийн багийн халз барилдаан зохион байгуулагдах гэж байна.

1999 онд зохион байгуулагдсан тус барилдаан тэнцээгээр өндөрлөсөн бол ийнхүү 25 жилийн дараа энэ цагийн хүчтэнүүд хайнааг хагалах гэж байна.

“Жүдо бөх болон Чөлөөт бөх”-ийн хоорондох монгол үндэсний бөхийн багийн халз барилдаан 2024 оны 12 дугаар сарын 15-ны 13:00 цагт Монгол бөхийн өргөөнд болно гэж Монголын Үндэсний Бөхийн Холбооноос мэдээллээ. 

Дэлгэрэнгүй ...

Нийгэм

12 дугаар сарын 1-нээс техникийн үзлэг, оношилгоонд ороогүй, татвар төлөөгүй, торгуультай тээврийн хэрэгслийг замын хөдөлгөөнд оролцуулахгүй

Нийтэлсэн

-

Нийтэлч

Энэ оны 11  дүгээр сарын байдлаар техникийн үзлэг, оношилгоонд ороогүй 159.038  тээврийн хэрэгсэл байна. Үүний 99.229 нь Улаанбаатар хотод бүртгэлтэй. Харин татвараа төлөөгүй нийт 408.684 тээврийн хэрэгсэл байгаагаас 231.397 нь Улаанбаатар хотод бүртгэлтэй байна.

Түгжрэлийг бууруулах, авто замын ачааллыг багасгах, зам тээврийн осол, гэмтлийг бууруулах ажлын хүрээнд 12 дугаар сарын 1-нээс техникийн үзлэг, оношилгоонд ороогүй, татвараа төлөөгүй, торгуультай тээврийн хэрэгслийг замын хөдөлгөөнд оролцуулахыг хязгаарлана.

Тодруулбал, Монгол Улсын замын хөдөлгөөний дүрмийн

  • 3.7 зүйлд Жолоочид дараах зүйлийг хориглоно: Зохих журмын дагуу улсын бүртгэлд хамруулаагүй буюу бүртгэлийн дугаарын тэмдэггүй, тэмдгийг буруу байрлуулсан, дугаар нь бүдгэрсэн, арилсан, түүнчлэн тогтоосон хугацаанд техникийн хяналтын үзлэгт оруулаагүй буюу тэнцээгүй тээврийн хэрэгслээр замын хөдөлгөөнд оролцох;
  • 27.2.Замын хөдөлгөөнд оролцогчоос бусад иргэн, хуулийн этгээд дараах үүргийг хүлээнэ: тээврийн хэрэгслийн техникийн байдалд тавих стандартын шаардлага хангаагүй буюу энэ дүрмийн 4 дүгээр хавсралтад заасан эвдрэл, гэмтэл, техникийн зөрчилтэй, эсвэл зохих журмын дагуу улсын бүртгэлд хамруулаагүй буюу бүртгэлийн дугаарын тэмдэггүй, тогтоосон хугацаанд техникийн хяналтын үзлэгт оруулаагүй буюу тэнцээгүй, мөн энэ дүрмийн 3-р хавсралтад заасан шаардлагын дагуу зохих таних тэмдгийг байрлуулаагүй тээврийн хэрэгслийг замын хөдөлгөөнд оролцуулахгүй байх гэж заасан байдаг.

Түүнчлэн, хуулиар оногдуулсан торгуулиа төлөөгүй 355.300 тээврийн хэрэгсэл бий гэсэн тооцоо гарчээ. Энэ нийт тээврийн хэрэгслийн 40 гаруй хувийг эзэлж байгаа юм. Өөрөөр хэлбэл, нийслэлд хөдөлгөөнд оролцож буй гурван машин тутмын нэг нь торгуулиа төлөөгүй гэсэн үг.

Оргил цагийн үед Улаанбаатар хотын тээврийн хэрэгслийн дундаж хурд 7-13 км/цаг байгаа бол түгжрэлийн урт 97.3 км хүрсэн. 2030 он гэхэд Улаанбаатар хотын нийт хүн ам хоёр сая хүртэх тооцоолол гараад буй. Үүнтэй зэрэгцээд Улаанбаатар хотод бүртгэлтэй тээврийн хэрэгслийн тоо өсвөл оргил цагийн үед тээврийн хэрэгслийн дундаж хурд таван км/цаг хүрч, түгжрэлийн урт 200 км хүрэх эрсдэл үүсээд байгаа юм.

Дэлгэрэнгүй ...
Сутралчилгаа
Нийгэм19 мин өмнө

Улаанбаатар хотын Ерөнхий менежерийн 23 дугаар шуурхай зөвлөгөөн боллоо

Улс төр23 мин өмнө

Улс төрийн намын тухай хуулийг дагаж мөрдөх журмын тухай хуульд өөрчлөлт оруулах тухай хуулийн төслийг анхны хэлэлцүүлэгт шилжүүлэв

Нийгэм24 мин өмнө

Монгол үндэсний бөхийн багийн халз барилдаан болно

Нийгэм3 цаг өмнө

12 дугаар сарын 1-нээс техникийн үзлэг, оношилгоонд ороогүй, татвар төлөөгүй, торгуультай тээврийн хэрэгслийг замын хөдөлгөөнд оролцуулахгүй

Улс төр3 цаг өмнө

Хөгжлийн бэрхшээлтэй иргэдэд чиглэсэн бодлого, шийдвэр, үйл ажиллагааг бүх талаар дэмжинэ

Нийгэм4 цаг өмнө

Т.Дүүрэнг нэг сарын хугацаагаар цагдан хорилоо

Улс төр6 цаг өмнө

Ерөнхий сайд Л.Оюун-Эрдэнэ Саудын Арабын Хаант Улс, Арабын Нэгдсэн Эмират Улсад ажлын айлчлал хийнэ

Эдийн засаг6 цаг өмнө

“Тэнгэр даатгал” ХХК-ийн хувьцааны анхдагч зах зээлийн арилжааг нээх цан цохих ёслол боллоо

Нийгэм6 цаг өмнө

ГССҮТ Вьетнам улсын Ханой хотын Анагаах ухааны их сургуультай хамтарч ажиллана

Дэлхий дахинд6 цаг өмнө

Уганда улсад хөрсний гулгалтын улмаас 15 хүн амь насаа алдаж, 100 гаруй иргэн ор сураггүй болжээ

Энтертайнмент6 цаг өмнө

“Тунгалаг тамир” роман франц хэлээр хэвлэгдлээ

Нийгэм7 цаг өмнө

СХД-ийн хэмжээнд 749.5 тонн давсны нөөцтэй байна

Нийгэм7 цаг өмнө

Хүний папиллома вирусийн дархлаажуулалтыг орон даяар эхлүүллээ

Улс төр1 өдөр өмнө

Ерөнхийлөгч У.Хүрэлсүх: Ногоон хөгжлийг эрчимжүүлэхэд үндэсний зөвшилцөл нэн чухал

Энтертайнмент1 өдөр өмнө

“Токио-2024”-гийн их дуулгад Монголын 20 жүдоч өрсөлдөнө

Улс төр1 өдөр өмнө

Европын сэргээн босголт, хөгжлийн банкны Евразийн дэд бүтэц хариуцсан захирлыг хүлээн авч уулзав

Нийгэм1 өдөр өмнө

АТГ: Нийтийн албанд томилогдох 761 иргэний урьдчилсан мэдүүлгийг шалгав

Нийгэм1 өдөр өмнө

Шивээхүрэн-Сэхээ, Цагаандэл Уул-Өлзий боомтод хийж буй бүтээн байгуулалтын талаар мэдээлэл солилцов

Нийгэм1 өдөр өмнө

ЦЕГ: Алба хаагчдын нийгмийн асуудлыг шийдвэрлэх чиглэлээр ажиллаж байна

Дэлхий дахинд1 өдөр өмнө

БНСУ-д 117 жилийн дараа 16.5 см зузаан цас оржээ

Нийгэм1 өдөр өмнө

Монгол Улсаас юникорн “төрүүлэх” суурийг тавилцах үндэсний зөвлөлийн анхдугаар хурал боллоо

Нийгэм1 өдөр өмнө

Б.Одбаяр: Ирэх оноос хотын гол гудамж, замуудын явган замыг стандартын дагуу өргөтгөн шинэчилнэ

Нийгэм1 өдөр өмнө

Хөвсгөл аймгийн Галт суманд газар хөдөлжээ

Нийгэм2 өдөр өмнө

Ажил олгогч, ажилтны хоорондын хөдөлмөр эрхлэлтийн харилцааны зөв соёлыг төлөвшүүлэх 35 мэргэшсэн зөвлөх бэлтгэж байна

Улс төр2 өдөр өмнө

ЗГ: Дөрвөн улирлын турш жуулчин хүлээн авах боломжийг бүрдүүлнэ

Улс төр2 өдөр өмнө

Болзошгүй хүндрэлийг тооцоолон өвөлжилтийн бэлтгэлийг тасралтгүй хангах шаардлагатайг анхаарууллаа

Энтертайнмент3 өдөр өмнө

Улс тунхагласны түүхт ойн барилдаанд залуу заан С.Сүхбат түрүүллээ

Нийгэм3 өдөр өмнө

Нийслэлийн иргэдийн спортын XII наадмын шигшээ тоглолтууд эхэллээ

Улс төр3 өдөр өмнө

Монгол Улсын төрийн далбааг мандуулж, жанжин Д.Сүхбаатарын хөшөөнд цэцэг өргөлөө

Улс төр3 өдөр өмнө

Анхдугаар Үндсэн хууль баталж, Бүгд Найрамдах Улсыг тунхагласны 100 жилийн ойн баярын хурал боллоо

24 баримт6 жил өмнө

“MCS” хэмээх эзэнт гүрний эцэг болсон Ж.Оджаргалын 24 баримт

Эдийн засаг4 жил өмнө

“Гоо брэнд”-ийн онцлох 24

Бусад4 жил өмнө

ХӨГШРӨЛТИЙН ЭСРЭГ ХАМГИЙН ҮР ДҮНТЭЙ ТАРИЛГА ЭМЧИЛГЭЭ БОЛ SMART PRP

24 баримт6 жил өмнө

М.Энхболдын улс төрд сойсон тод од

Бусад6 жил өмнө

Хагасайн өдөр буюу бямба гаригт Улаанбаатарт бороо орно

Улс төр4 жил өмнө

Р.Батжаргал: Анхны жил 23-хан сая төгрөг өгч, нүүр улайлгаж байлаа. Одоо гуйхаа ч больсон

Эдийн засаг5 жил өмнө

ЭТТ ХК: Нэг сая орчим иргэний 1072 хувьцааны ногдол ашгийг шилжүүлээд байна

Энтертайнмент4 жил өмнө

Д.Пүрэвдорж:  Чингис шүлэг

Улс төр6 жил өмнө

М.Энхболд албан тушаалаасаа огцрохоор болжээ

Энтертайнмент6 жил өмнө

Харбины мөсөн баримлын тэмцээнд Монголын баг түрүүлжээ

Энтертайнмент6 жил өмнө

Нүцгэн төрхөө дэлгэцнээ мөнхөлсөн Б.Батмаагийн гэрэл зургаас

24 баримт3 жил өмнө

Тэргүүн хатагтай Баттулга асан Анжелика

Улс төр6 жил өмнө

Гэрлийн хурдаар хөрөнгөжсөн Ж.Мөнхбатын дараагийн нууц байшин

Энтертайнмент6 жил өмнө

Дуучин А.Түмэн-Өлзий нөхрөөсөө салж, ганц бие болсноо зарлалаа

24 баримт6 жил өмнө

Дуучин А.Хишигдалай /24 Фото/

Улс төр6 жил өмнө

С.Эрдэнэ ерөнхий сайд болно…

Дэлхий дахинд5 жил өмнө

Хятад муур, нохой, сарьсан багваахай зардаг захуудаа нээж эхэллээ

Нийгэм6 жил өмнө

Бодь группийн Л.Болдхуяг, Богд банкны гүйцэтгэх захирал Г.Саруул нарын офшор данс ил боллоо

Улс төр6 жил өмнө

Ж.Батзандан амаа барив

24 баримт6 жил өмнө

Жүжигчин Цэрэнболд: “Нэр алдарт хүрлээ гээд эхнэрээ солидог, голдог эр хүн би биш

Улс төр6 жил өмнө

Сахал Бат-Эрдэнэ Дамбын Хишгээд базуулжээ

Бусад6 жил өмнө

Э. Бат-Үүл, М.Сономпил нарын хэрэг шүүхэд шилжжээ

Улс төр6 жил өмнө

У.Хүрэлсүх дөрвөн гишүүнд УИХ-ын дарга болох санал тавьжээ

Улс төр6 жил өмнө

Говь-Алтай аймгийн ИТХ-ын даргын суудлыг булаасан Л.Батжаргал ял сонсох бололтой

Бусад6 жил өмнө

Өнөөдрийн халуухан зургууд… 18+

Нийгэм6 жил өмнө

Ус, дулааны төлбөр дээр хууль бус төлбөр нэмдэг байсныг илрүүлжээ

Нийгэм6 жил өмнө

Засгийн газрын 182 дугаар тогтоолтой холбогдуулан Нийслэлд мөрдөгдөх Хан-Уул дүүргийн Газрын үнэлгээний бүсийн хил хязгаарын санал авч байна

24 баримт5 жил өмнө

Өвгөн партизаны ач хүүд  цулбуураа атгуулсан алтайчууд

Улс төр6 жил өмнө

Б.Чойжилсүрэн гишүүн хувийн бизнестээ 19 тэрбум төгрөг завшсан уу?

Энтертайнмент6 жил өмнө

Маргааш “АЛУНГОО-2018” цомын эздийг өргөмжилнө

Нийгэм3 сар өмнө

“Улаанбаатар хот-Духуа инженеринг дэд бүтцийн хөгжлийн форум” эхэллээ

Нийгэм3 сар өмнө

Багануур дүүрэгт 50 мВт хүчин чадалтай Батарей хураагуурын станц барих ажлыг эхлүүллээ

Нийгэм5 сар өмнө

Уяанаасаа алдуурсан нохой 7-8 насны 2 хүүхдийг хазаж гэмтээсэн байна

Нийгэм5 сар өмнө

74 ширхэг түүх соёлын болон бурхан шашны эд өлгийн зүйл хулгайлсныг илрүүллээ

Бусад6 сар өмнө

Нэр дэвшигчдийн бүртгэл, сонгууль зохион байгуулалтын талаар Сонгуулийн ерөнхий хорооноос мэдээлэл хийлээ

Эдийн засаг7 сар өмнө

Монголбанкнаас Мөнгөний бодлогын шийдвэрийг танилцуулж байна

Нийгэм8 сар өмнө

Гал түймрийн аюулаас сэрэмжлэхийг онцгойлон анхаарууллаа

Эдийн засаг10 сар өмнө

Даатгалын тухай хуулийн төслийг шинэчилж, осол гамшгийн үед төсвийн мөнгөөр хохирол барагдуулдаг байдлыг багасгана

Бусад11 сар өмнө

Хөгжлийн банкны “Самурай” бондын өрийг хугацаанд нь төлж барагдуулахтай холбоотой өрийн дэвтэрт гарын үсэг зурж байна

Бусад12 сар өмнө

Томуу, томуу төст өвчний нөхцөл байдал, эмнэлгийн тусламж үйлчилгээнд тулгарч буй асуудлын талаар

Нийгэм12 сар өмнө

Томуу, томуу төст өвчний нөхцөл байдлыг танилцуулж байна

Бусад1 жил өмнө

Нийслэлийн нийтийн тээвэрт хийсэн парк шинэчлэл, худалдан авалтуудын материалыг АТГ-т шалгуулна

Нийгэм1 жил өмнө

Нийслэлийн Засаг даргад нэр дэвшүүлэх асуудлыг хэлэлцэж байна

Бусад1 жил өмнө

Олон тооны мал хулгайлах гэх хэргийн шүүх хуралдаан болж байна

Нийгэм1 жил өмнө

“Хөгжлийн банк”-ны гэх гэм буруугийн шүүх хурал 45 дахь өдрөө үргэлжилж байна

Нийгэм1 жил өмнө

Хөгжлийн банкны шүүх хурал 40 дэх өдрөө үргэлжилж байна

Улс төр2 жил өмнө

Гэрэгэ бондын төлбөрийг бүрэн төлж барагдууллаа

Нийгэм2 жил өмнө

“Хөгжлийн банк”-ны гэх эрүүгийн хэргийн шүүх хуралдаан /шууд/

Бусад2 жил өмнө

“Хөгжлийн банк”-ны гэх эрүүгийн хэргийн шүүх хуралдаан /шууд/

Улс төр2 жил өмнө

Засгийн газрын ээлжит хуралдаанаас гаргасан шийдвэрийг танилцуулж байна

Бусад2 жил өмнө

“Хөгжлийн банк”-ны гэх эрүүгийн хэргийн шүүх хуралдаан /шууд/

Нийгэм2 жил өмнө

“Хөгжлийн банк”-ны гэх эрүүгийн хэргийн шүүх хуралдаан /ШУУД/

Улс төр2 жил өмнө

Ж.Ганбат: Онцгой дэглэм тогтоосноос хойш нүүрс экспорт 2 дахин борлуулалтын орлого 3,9 дахин өссөн

Бусад2 жил өмнө

Засгийн газрын хуралдаанаас гаргасан шийдвэрийг танилцуулж байна

Улс төр2 жил өмнө

Засгийн газрын хуралдаанаас гаргасан шийдвэрийг танилцуулж байна

Эдийн засаг2 жил өмнө

МОНГОЛБАНК: Бодлогын хүүг хэвээр хадгалах шийдвэр гаргалаа

Улс төр2 жил өмнө

Засгийн газрын хуралдаанаар гаргасан шийдвэрийг танилцуулж байна

Улс төр2 жил өмнө

УИХ-ын 2023 оны Хаврын ээлжит чуулганы нээлт

Нийгэм2 жил өмнө

ШӨХТГ-аас “Олон улсын хэрэглэгчийн өдөр”-т холбогдуулан мэдээдэл хийж байна

Улс төр2 жил өмнө

Засгийн газрын зүгээс байгуулагдсан “Шүгэл” ажиллагааны ажлын хэсгээс мэдээлэл өгч байна

Сав шим