Нийгэм

Windows 7 үйлдлийн системийн шинэчлэлийг зогсоолоо

Нийтэлсэн

5 жил өмнө

2020-02-06

Нийтэлч

Микрософт компаниас Windows 7 үйлдлийн системийн анхны хувилбарыг гаргаснаас хойш арваад жилийн дараа буюу 2020 оны 1 сарын 14-ний өдрөөс программ хангамж, аюулгүй байдлын шинэчлэл, засварыг зогсоож байгаагаа мэдэгдлээ. Ингэснээр үйлдвэрлэгч байгууллагын хувьд уг бүтээгдэхүүнд илэрсэн асуудал, шинээр олдсон эмзэг байдлыг арилгах техникийн дэмжлэг үзүүлэхээ зогсоох юм.

Windows 7 үйлдлийн системийн дэлгэцэнд 1 дүгээр сарын 15-ны өдрөөс Windows 10 үйлдлийн системийн хамгийн сүүлийн хувилбар руу шилжихийг анхааруулсан мэдэгдэл гарч эхэлсэн ба хортой код, цахим халдлагад өртөхөөс сэргийлэн Windows 10 руу шилжих нь хамгийн аюулгүй алхам болохыг зөвлөж байна. Микрософт компани 2016 оны 7 дугаар сарын 29-нийг хүртэл Windows 10-ыг үнэгүй олгож байсан бол харин одоо уг үйлдлийн системийг эсхүл шинэ компьютер худалдаж авахыг уриалж байна.

Google компаниас Windows 7 дээрх Google chrome хөтчийг 2021 оны 7 дугаар сарын 15-ныг хүртэл дэмжихээ мэдэгдсэн ба үүнийг дагаад Микрософт компаниас мөн адил хугацаанд Microsoft Edge хөтчийн шинэчлэлтийг өгөх бөгөөд үйлдлийн системээ шинэ хувилбар руу шилжүүлэх хугацаа олгож байгаа юм.

Үйлдлийн системээ шинэчлэхэд тодорхой хугацаа шаардлагатай албан байгууллага, хэрэглэгчдийн хувьд ESU /Extended Security Updates/ буюу өргөтгөсөн аюулгүй байдлын шинэчлэл программыг төлбөр (Жишээ нь: Windows 7 рго хувилбарын хувьд эхний жилд 50 ам.доллар, дараагийн жилд 100 ам.доллар, сүүлийн жилд 200 ам.доллар) төлж ашиглах боломжтой ба энэ нь хугацаа дууссанаас хойш 3 жилийн хугацаанд шинэ функц, дизайны өөрчлөлт бус зөвхөн аюулгүй байдлын шинэчлэлтийг өгдөг.

Windows үйлдлийн систем нь зах зээлийн 77 хувийг эзэлдэг, үүний 26 хувь буюу нэг тэрбум орчим хүн Windows 7 ашигладаг ба Windows 10-ийг сайшаадаггүй бөгөөд шинэчлэл зогссон үеэс Linux үйлдлийн систем рүү шилжих хандлага ажиглагдаж байна.

Дээрх систем шинэчлэх аргуудаас сонгон хэрэгжүүлж ашиглаж буй компьютер тоног төхөөрөмжийн үйлдлийн системийн аюулгүй байдлыг хангаж, хувийн болон албаны нууц мэдээллээ хамгаалахыг зөвлөж байна.

Эх сурвалж: Тагнуулын ерөнхий газар

Сэдвүүд:онцлох

Дэлгэрэнгүй ...

Нийгэм

Авто замын салбарын өвөлжилтийн бэлтгэл 100 хувь хангагджээ

Нийтэлсэн

6 цаг өмнө

2024-11-29

Нийтэлч

24barimt

Зам, тээврийн хөгжлийн төв ТӨҮГ-аас 2024-2025 оны өвөлжилтийн бэлтгэл ажлыг хангах 11 арга хэмжээ төлөвлөснөө 100 хувь бүрэн хангалаа.

Улсын чанартай авто замын халтиргаа гулгаа үүсдэг хэсэг, зам, даваанд ашиглах хуурай элс, үнс, давсыг нөөцлүүлэх, шуурхай ажлын хэсэгт ажиллах машин механизмын засвар үйлчилгээг хийлгэж, бэлтгэж, хэрэгжилтэд нь хяналт тавин ажиллаж байна гэж Зам, тээврийн яамнаас мэдээллээ.

Дэлгэрэнгүй ...

Нийгэм

Улаанбаатар хотын Ерөнхий менежерийн 23 дугаар шуурхай зөвлөгөөн боллоо

Нийтэлсэн

8 цаг өмнө

2024-11-29

Нийтэлч

24barimt

Улаанбаатар хотын Ерөнхий менежерийн 23 дугаар шуурхай зөвлөгөөн өнөөдөр болж, Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг зөвлөгөөнийг удирдан явууллаа.

Шуурхай зөвлөгөөнөөр Улаанбаатар хотын Ерөнхий менежерийн 22 дугаар шуурхай хуралдаанаар өгсөн үүрэг даалгаврын хэрэгжилтийн явцыг Хяналт, үнэлгээний газрын дарга Ц.Рэгзэдмаа танилцууллаа.

Хуралдааны дэгийн дагуу өвөлжилтийн бэлтгэл, давс бодисын нөөцлөлт болон хадгалалт хамгаалалтын нөхцөлийг сайжруулах хүрээнд авч хэрэгжүүлсэн арга хэмжээний талаарх мэдээлэл, инженерийн хангамжийн байгууллагуудын бэлэн байдлыг хангах команд штабын дадлага сургуулилтын үр дүн, ус хангамж, ариутгах татуурга, инженерийн шугам сүлжээний өргөтгөл шинэчлэл, төсөл хөтөлбөрүүдийн хүрээнд 2025 онд хэрэгжүүлэх ажлын төлөвлөлт, сургууль цэцэрлэгүүдийн халаалт, нүүрсний нөөцлөлт, бэлэн байдалд явуулсан үзлэг, нөхцөл байдлын талаарх мэдээлэл, хяналтын камерыг нэмэгдүүлэх, удирдлагын төвийг бий болгох чиглэлээр хэрэгжүүлж буй үйл ажиллагааны талаарх мэдээллийг холбогдох газрын удирдлагууд танилцуулж авч хэрэгжүүлэх арга хэмжээг хэлэлцлээ.

Улаанбаатар хотын Ерөнхий менежер Г.Батзориг дүүрэг бүр хүлээсэн үүргийн дагуу цэвэрлэгээ үйлчилгээний ажлыг эрчимжүүлж дүүргийн харьяанд байгаа үйлчилгээний байгууллага, төлбөртэй зогсоолууд, томоохон зах худалдааны төвүүдэд хяналт хийж 50 метрийн цэвэрлэгээ үйлчилгээг байнга хийх дадлыг бий болгоход анхаарч, хариуцлагагүй, зөвшөөрөлгүй үйл ажиллагаа явуулж буй аж ахуй нэгжийн хяналтыг сайжруулахыг анхаарууллаа.

Мөн хот нийтийн аж ахуй чиглэлээр ажиллаж байгаа техникийн хяналтыг сайжруулахад технологийн шийдлийг ашиглаж ажиллахыг чиглэл болгож, инженер хангамжийн чиглэлээр 3, хог хаягдал, менежментийг сайжруулах чиглэлээр 7, тохижилт ногоон байгууламжийн чиглэлээр 2, нийт 12 үүрэг даалгаврыг холбогдох чиг үүргийн байгууллагуудад өгч ажиллалаа гэж Улаанбаатар хотын Захирагчийн ажлын албанаас мэдээллээ.

Дэлгэрэнгүй ...

Нийгэм

Монгол үндэсний бөхийн багийн халз барилдаан болно

Нийтэлсэн

8 цаг өмнө

2024-11-29

Нийтэлч

24barimt

“Хийморь” төслийн хүрээнд зохион байгуулж буй дэлхийн хүчтэнүүд монгол үндэсний бөхөөрөө барилдах “Жүдо бөх болон Чөлөөт бөх”-ийн хоорондох монгол үндэсний бөхийн багийн халз барилдаан зохион байгуулагдах гэж байна.

1999 онд зохион байгуулагдсан тус барилдаан тэнцээгээр өндөрлөсөн бол ийнхүү 25 жилийн дараа энэ цагийн хүчтэнүүд хайнааг хагалах гэж байна.

“Жүдо бөх болон Чөлөөт бөх”-ийн хоорондох монгол үндэсний бөхийн багийн халз барилдаан 2024 оны 12 дугаар сарын 15-ны 13:00 цагт Монгол бөхийн өргөөнд болно гэж Монголын Үндэсний Бөхийн Холбооноос мэдээллээ.

Дэлгэрэнгүй ...