УИХ-ын гишүүн Х.Ганхуяг тун ажил хэрэгч бас нээлттэй хүн ажээ. Тэрбээр хийсэн ажлуудаа өдөр бүр шахам тоймлон өөрийн цахим хуудсандаа оруулдаг юм байна. Түүнийг юу хийж, хэрхэн ажиллаж байгааг онцлон хүргэхэд илүү хялбар байлаа.

1.Хэний ч биш өөрийнхөө дуу хоолойг хүргэх

Бодит боломж Та бүхэнд байна

Намайг Хассуурийн Ганхуяг гэдэг

Надад зүтгэл, танд сонголт бий.

Баянголчууд аа #Баярлалаа…

Тэрбээр ийн хэлж, сонгогчидтойгоо ойрсон, дотноссон.

2. Хорвоод мэндлээд 43 жил болжээ. Яг одоо төрж өссөн байрныхаа гадаа суугаад төрүүлж өсгөсөн ээж, аав руугаа очих гээд тэсч, ядан сууж байна.

Энэ л амьдралын эхлэл, төгсгөл адил тэнцүү байдаг ч хэн байснаа, хаанаас эхэлснээ хэзээ ч мартаж боломгүй. Хүүхэд насныхаа хөгтэй, хөгжилтэй хэзээ ч мартагдашгүй хүүхэд насны дурсамжууд хөвөрч байна. Төрж өссөн газартаа ажиллахад урамтай өдрүүд үргэлжилж байна…

Ингэж бичсэн түүний дурсамж олон хүний сэтгэлд нийцжээ. Яагаад гэвэл тэрбээр хэн байснаа, хэрхэн өсч өндийснөө ил гаргасан.

3.Ялалт хэзээ ч нэг хүнийх байдаггүй.

Өнгөрсөн хугацаанд бүхий л сэтгэл зүтгэлээрээ хамтран ажилласан баг хамт олон, сурталчилгааны ажилд идэвхтэй оролцсон залуустаа маш их баярлалаа.

Та бүхний уйгагүй зүтгэл, хүн нэг бүрийн оролцоо өнөөдрийн ялалтыг авчирсан юм шүү… Маргаашийн төлөө хамтдаа урагшилъя.

УИХ-ын сонгуульд ялсан нэр дэвшигчийн талархлын үг энэ. Иртэй бас эрчтэй гэдэг нь Х.Ганхуягийн үг бүхнээс харагддаг.

4.Сонгуулийн ерөнхий хорооноос УИХ-ын гишүүний үнэмлэх, тогтоолоо гардан авлаа.

“УИХ-ын гишүүн бол ард түмний элч бөгөөд нийт иргэн, улсын ашиг сонирхлыг эрхэмлэн баримтална” хэмээжээ.

Сонгогч Та бүхнийхээ итгэлийг дээдлэн, хичээн ажиллах болно оо. Энэ бол түүнийг төрийн хүн болсныг гэрчлэх сайхан мөч.

5.Төрт ёс, түүх соёлынхоо уламжлалыг хүндэтгэн, нийт иргэн, улсын ашиг сонирхлыг эрхэмлэн ажиллахаа илэрхийлэн түмэн олныхоо өмнө тангараг өргөх мөч түүний амьдралд торгон дурсамж үлдээсэн нь дамжиггүй.

6. Дэлхийн Банкны Монгол Улс дахь суурин төлөөлөгч Андрей Михневтэй уулзлаа.

Уулзалтаар Монгол Улсад банк санхүүгийн реформ хийхэд шаардлагатай богино болон урт хугацааны зөвлөмжүүд, Дэлхийн банкны Монгол Улстай түншлэх стратегийн бичиг баримтийг шинэчлэн байгуулах талаар болон манай улсад хэрэгжүүлж буй боловсролын чанарыг сайжруулах, агаарын бохирдлыг бууруулах, нийтийн тээврийн үйлчилгээг шинэчлэх зэрэг төслийг эрчимжүүлэх шаардлагатай байгаа зэрэг асуудлуудаар санал солилцлоо.

Мөн уулзалтын төгсгөлд Дэлхийн банкны зүгээс Гандан тэгчилэн хийдийг соёлын өв болгон авч үлдэх үүднээс дэд бүтцийн тал дээр дэмжлэг үзүүлэхээ илэрхийлсэн нь онцлууштай байлаа. Тойргоо, тойргийнхоо сонгогчдыг гэх чин сэтгэл түүнд байгааг эндээс харж болно.

7. Бид УИХ гишүүн буюу ард иргэдийн төлөөлөл учраас та бүхнийхээ санал бодлыг сонсч, цаашдын ажил хэрэгтээ тусгах нь хамгаас чухал гэж харж, олон улсын болон төрийн бус байгууллагууд, бизнес эрхлэгчид, ард иргэдтэй хийх уулзалтаар ажлаа эхлүүлж байгаа билээ.Монголын бизнесийн зөвлөл”-ийн удирдлагуудыг хүлээн авч уулзлаа.Уулзалтын үеэр COVID 19-тэй холбоотой бизнес эрхлэгчдэд тулгамдаад буй асуудлуудыг гишүүн байгууллагуудаас авч нэгтгэх, төрийн зүгээс дэмжлэг үзүүлэх боломж нөхцлийг судлах, мөн уул уурхайн салбарт Монгол компаниудын оролцоог нэмэгдүүлэх тал дээр хамтран ажиллах зэрэг цөөнгүй асуудлаар ярилцаж, мэдээлэл солилцлоо. Төрийн хүн болсон түүнд хүлээх үүрэг тун их.
8. . Европын Холбооны төлөөлөгчийн газрын Элчин сайд Траян Лауренцю Христеатай уулзлаа.Уулзалтын үеэр:1.Сэргээгдэх эрчим хүчний салбарт хийж буй төслүүдийг эрчимжүүлэх.
   2. Уул уурхайн бус эдийн засаг (хөдөө аж ахуй, аялал жуулчлал зэрэг)-ийн суурийг тэлж эдийн засгийн диверсификаци хийх/олон салбарт эзийн засагтай болох чиглэлээр ЖДҮ эрхлэгчдийг дэмжих
   3. Сайн засаглал болон авилгалын эсрэг механизмыг жигдрүүлэх замаар авилгалын эсрэг төсөл хөтөлбөрийг дэмжих
   4. Дэд бүтцэд хөрөнгө оруулах, орон сууцны барилга барих ажлыг тэлэх замаар гэр хорооллын оршин суугчдын амжиргааны нөхцлийг сайжруулах зэрэг асуудлаар санал солилцож, ярилцлаа. Хаана ч, хэзээ ч, хэнтэй ч уулзсан эрхэм гишүүний эх оронч сэтгэл харагддаг шүү.
      9. УИХ-ын гишүүний үүрэгт ажлаа хүлээж авснаас хойш иргэд сонгогчдын зүгээс цөөнгүй санал хүсэлт ирүүлсний нэг Баянгол дүүргийн “Сэтгэмж” цогцолбор сургуулийн барилгын ажлын гүйцэтгэл удаашралтай байгаа ажлын явцтай биечлэн танилцаж, холбогдох албаны хүмүүсээс тодруулга авлаа. Гүйцэтгэгч компанийн зүгээс төсвийн санхүүжилттай холбоотойгоор ажил үндсэндээ зогсоод байна гэсэн тайлбарыг өгсөн бөгөөд үүсээд буй нөхцөл байдлыг хариуцсан яам, холбогдох байгууллагуудад хүргүүлж, яаралтай шийдвэрлэх тал дээр дэмжин ажиллахаар боллоо. Төрийн төлөөлөл тэрбээр асуудлыг газар дээр шийдэж, сонгогч олныхоотөлөө ажиллаж байгаа.

         

      10.  Улсын хэмжээнд эхний ээлжинд ерөнхий боловсролын сургуулийн арван хувийг Кембрижийн хөтөлбөртэй болгох талаар Засгийн газрын 2020-2024 оны үйл ажиллагааны хөтөлбөрт оруулахаар санал орууллаа.

          Нийгэм дэх баян, хоосны ялгааг арилгах, ядуурлыг бууруулах гол арга зам бол боловсролыг шинэчлэх гэж дүгнэж байна.

          Өндөр үнэтэй хувийн сургууль, төрийн өмчийн сургууль хоёр ижил хөтөлбөртэй болох боломж буюу Кембрижийн хөтөлбөрийг хэрэгжүүлэх төрийн өмчийн сургуулийн тоог нэмэгдүүлэх нь дэлхийн хэмжээний боловсролыг гэрийн тань хажууд авчрах томоохон алхам болох юм. Ингэж дэлхийн боловсролыг Монголд нутагшуулах гэгээн үйлсэд хувь нэмрээ оруулсан хүн бол яах аргагүй Х.Ганхуяг.

      

11. Ээлжит бус чуулганаар “Эрүүл мэндийн тухай хуульд нэмэлт өөрчлөлт оруулах тухай багц хуулинд өөрчлөлт оруулах асуудлыг хэлэлцэхэд, ард иргэддээ өгсөн амлалтаа биелүүлэх үүднээс нэр бүхий гишүүдийн хамтаар “Ардын эрүүл мэндийг дэмжих” лобби бүлэг байгууллаа. Мөн “Элэг бүтэн Монгол” хөтөлбөрийн үр ашиг, өгөөж далайцыг өсгөн нэмж, элэгний В, С, Д вирусын улмаас өвдөн шаналж буй 100.000 гаруй иргэнээ эмчлэгдэх боломжоор хангах, хорт хавдрын эрт илрүүлгийг олон улсын жишигт хүргэхийн төлөө зорилго тавин ажиллах болно.Эрүүл Монгол хүн л эх орноо хөгжүүлнэ гэдэгт тэр итгэдэг.

12. Урлаг, спорт, оюуны салбарт уран бүтээлчдээ дэмжиж ажиллах, олон нийтэд урлагийн боловсрол олгох, соёлын үйлчилгээ үзүүлэхэд онцгойлон анхаарах нь чухал ач холбогдолтой билээ.

Дэлхий дахинаа Монголын дүрслэх урлагийн нэрийг гаргаж яваа авьяаслаг залуу уран бүтээлчдийн төлөөлөл С.Заяасайхан “Hidden Identity” олон улсын цуврал үзэсгэлэнгээ Монголын Уран зургийн галлерейд нээжээ.

Эртний нүүдэлчдийн амьдрал, түүх соёлоос сэдэвлэн, уламжлалт хийгээд контемпорари арга барилыг хослуулж уран бүтээлээ туурвидаг түүний гайхалтай бүтээлүүдээс хувь хүний сэтгэлгээ, шинэ эрэлхийлэл, шинэ мэдрэмжийг авч чадна гэдэгт итгэлтэй байна. Эрхэм гишүүн урлаг, соёлд сэтгэлээ шингээж явдаг нэгэн гэдгийг эндээс харж болно.

13.Сонгуулийн сурталчилгааны үеэр олон сайхан ахмад буурлуудтайгаа уулзаж, ерөөл дүүрэн үгсийг нь сонсч, итгэлийг нь алдахгүй төрийн түшээ байх хариуцлагатай амлалтыг өгсөн билээ.

Залуу насаа эх орныхоо хөгжил дэвшилд зориулан хөдөлмөрлөж, өдгөө төр нийгмийн аливаа ажилд ч хамгийн сайн идэвх оролцоотой байдаг, үр хүүхэд, ач зээгийнхээ хайр хүндлэлийн дээд нь болсон нийт ахмадууддаа Олон улсын ахмадын баярын мэнд хүргэе! Өнгөрсөн үеэ, өндөр настайн ахмадуудаа дээлэн хүндэлнэ гэдэг хүн бүрийн эрхэмлэх л учиртай заншил. Бас нэгэн томоохон соёл билээ.

14. Дэлхийн багш нарын өдрийг тохиолдуулан Баянгол дүүргийн ахмад багш нарын төлөөллийг хүлээн авч, боловсролын салбарын шинэчлэл сэдвийн хүрээнд санал, зөвлөмжийг сонсож, ярилцлаа.

Урилгыг хүлээн авч хүрэлцэн ирсэн та бүхэндээ баярлалаа.

Нийт эрхэм багш нартаа, багш нарын баярын мэнд хүргэж, сурган хүмүүжүүлэх их үйлст нь амжилт хүсье!

15. Монгол Улсын Ерөнхий сайд У.Хүрэлсүх “3х3” сагсан бөмбөгийн эмэгтэй шигшээ баг, Ур чадварын дэлхийн аварга шалгаруулах тэмцээнд түрүүлсэн баг тамирчид болон дасгалжуулагч, холбооны удирдлагуудыг хүлээн авч уулзан амжилт хүслээ.

Эмэгтэй шигшээ баг маань “3х3” төрлөөр Токиогийн олимпод оролцох эрхээ авч бэлтгэл сургуулилтаа хийсээр байгаа бөгөөд тун удахгүй багийн спортын төрөлд Олимпийн аваргуудтай болно гэдэгт итгэлтэй байна. Амжилт хүсье! Спорт бол залууст сайн хүмүүжил өгдөг, эх орны минь нэрийн хуудсын нэгээхэн хэсэг гэдгийг эрхэм гишүүн сайн мэднэ.

16. Монгол улсын Ерөнхийлөгчийн зарлигаар жил бүрийн 5,10 дугаар сарын хоёр дахь долоо хоногийн хагас сайн өдрийг “Бүх нийтээр мод тарих өдөр” болгон зарласан билээ.

Миний үүсгэн байгуулсан “Хассуурь сан”-гийн залуучууд “Ногоон Баянгол-1” аян  зохион байгуулж, 8000 гаруй модны суулгацыг иргэдэд үнэгүй түгээж байсан бол энэ удаа “Ногоон Баянгол-2” аяны хүрээнд “Хашаандаа мод тарья” уриатайгаар 1000 ширхэг хоёр настай нарс модны суулгацыг дүүргийнхээ иргэдэд түгээжээ.

#Ногоон_Хөгжил #Ногоон_Баянгол

17. Хүйтний эрч огцом нэмэгдэж байгаа энэ үед Баянгол дүүргийн захын хорооллын, хүнсний талонд хамрагддаггүй боловч нийгмийн халамж үйлчилгээ нэн шаардлагатай 500 гаруй өрхөд нийт 50 тонн түлшийг “Сайжруулсан түлш борлуулах цэг”-үүдэд байршуулан “Хассуурь” сангийн залуучуудынхаа оролцоотойгоор үнэгүй түгээж байна.

Айл бүхний гэр дулаан, хүн бүрийн итгэлийн гал бөхөлгүй, аюулт цар тахлыг хамтын хүчээр даван гарах болтугай.

18. Манай “Хассуурь” сангаас санаачлан хувиараа худалдаа, үйлдвэрлэл болон үйлчилгээ эрхлэгч нарыг дэмжих, тэдний бүтээгдэхүүн үйлчилгээг үнэ төлбөргүй сурталчлан хэрэглэгчдэд хүргэх зорилготой “Бүтээлч 2050” төслийг хэрэгжүүлж эхлээд байна.

Та бүхэн доорх #Бүтээлч2050 хуудсанд нэгдэн, хийж бүтээх хүсэл дүүрэн #Бүтээлчдийг дэмжээрэй.

Залуустаа амжилт хүсье! Эх орноо хөгжүүлэх ирээдүй хойч үедээ анхаарал, халамж тавих нь түүний эн тэргүүний зорилтуудын нэг.

19. 10,000 өрхөд дархлаажуулалтын бүтээгдэхүүний багц үнэгүй олгох “Эрүүл өрх, эрүүл Монгол” аяныг санаачлан хэрэгжүүлж эхэллээ.

Баянгол дүүргийн бүх хорооны иргэд өрхийн эмнэлгээрээ үйлчлүүлэхдээ дээрх багцыг үнэгүй хүлээн авах юм.

“

Тус аяныг хамтран зохион байгуулж буй “Хассуурь сан”, “Тавин-Ус” ХХК, ДИХ-ын төлөөлөгч Ц.Түмэндэмбэрэл, 25 хорооны өрхийн эмнэлгийн эмч ажилтнууддаа баярлалаа.

Өрх бүр эрүүл, дархлаатай байж хүнд цаг үеийг хамтдаа даван туулъя!!!

#Эрүүл_өрх_Эрүүл_Монгол_аян

20. “Хассуурь сан”-гийн зүгээс 12 дугаар сарыг #Талархлын сар” болгон зарлажээ.

Дээрх хугацаанд “Хассуурь хүмүүнлэгийн сан”-гийн 1415109919 дугаарт /Голомт банк/ дансыг нээлттэй байршуулах бөгөөд олон нийтийн зүгээс ирүүлсэн сэтгэлийн хандивыг он солигдохын өмнөх өдрүүдэд хөгжлийн бэрхшээлтэй иргэд, тэдний бяцхан үрсэд #Бэлэг болгон түгээх зорилготой юм байна.

Энэхүү санаачилгыг дэмжин нэг сая төгрөгний хандив илгээсэн эрхэм найздаа, мөн 100 долларын хандив ирүүлсэн Жавхландаа маш их #Баярлалаа.

Та бидний илгээх 1000 төгрөг ч, эргээд мянга, мянган бяцхан үрсийн инээд дүүрэн #Талархал болгон ирэх ерөөлтэй биз ээ…

21. Хүчирхийллийн эсрэг 7 хоног

Өнөөдөр хүчирхийллийг таслан зогсоохын тулд эрчүүдийн зүгээс дуугарах, нэгдэх цаг болжээ. Найзуудтайгаа ярилц! Хамт ажиллагсад, хамаатан садандаа хандаж уриалаарай! Эрчүүд хүчирхийллийг зүгээр л харсаар, сонссоор байсан бол үүнийг ЯГ ОДОО ЗОГСООХЫН тулд МОНГОЛ ЭРЧҮҮД хамтдаа ДУУГАРАХ ЦАГ БОЛЖЭЭ.

Тиймээс Хүчирхийллийн Эсрэг Цагаан Туузтаны Аянд МУ нэгдэж байна.

“Охид, эмэгтэйчүүдийн эсрэг үйлдэгдэж буй хүчирхийллийн хажуугаар дуугүй өнгөрөхгүй, хэзээ ч хүчирхийлэл үйлдэхгүй” гэж цагаан тууз зүүж амлалт өгч байна.

22. Аюулт цар тахал иргэн бүрийн, айл өрх бүрийн амьдралд хүндээр тусч байгаа энэ цаг үед УИХ-ын гишүүн Хассуурийн Ганхуягийн санаачилгаар “Аюулт тахлыг хамтдаа давъя” уриатайгаар БГД-ийн зорилтот бүлгийн иргэддээ сайжруулсан түлшийг үнэ төлбөргүй тараах аяныг хоёр дахь удаагаа амжилттай хэргэжүүлж дуусчээ.

Аяны хүрээнд нийт 30 тонн түлшийг 300 өрхөд амжилттай хүлээлгэн өгсөн байна.

Хүйтний эрч чангарч байгаа энэ үед, бид цар тахлыг болон үүнээс үүдэлтэй хямралыг бие биендээ тусалж, хохирол багатай даван туулж чадна.

ӨРХ БҮР ДУЛААН БАЙГ!

23. Улс орны тусгаар тогтнол, бүрэн эрхт байдал, төрт ёс, түүх уламжлалыг хойч үедээ өвлүүлэн таниулах учиртай Монгол бахархлын өдөр маргааш тохиож байгаа билээ.

Энэ цаг үед ард иргэдийнхээ энхийн манаанд цаг наргүй ажиллаж буй бахархам гавьяат эмч, эмнэлгийн ажилчид, цагдаа хүчний байгууллагын албан хаагчид болон тохижилт үйлчилгээ, худаг ус түгээлтийн ажиллагсадад хэрэгцээт маск, гар ариутгагч, дархлаа дэмжих бэлдмэл өглөө.

24. Хассуурь сангаас санаачлан “Монгол эм концерн”-той хамтран Куба улсын сүүлийн үеийн дэвшилтэт технологи болох чихрийн шижингийн хөлний шарх эдгээх ХЕБЕРПРОТ-П бэлдмэлийг эмчилгээ нэн шаардлагатай байгаа арван өвчтөнд хүлээлгэн өглөө.

Хэдийгээр үр дүн өндөртэй боловч, хэрэгцээт хүн бүр авч хэрэглэх боломжгүй байгаагаас өөрсдийн боломжоор цөөн боловч хүнд дэм болох зорилготой эхлүүлсэн энэхүү сайн үйлсийг дэмжин оролцсон Бүгд Найрамдах Куба Улсаас Монгол Улсад суугаа Онц бөгөөд Бүрэн эрхт Элчин сайд Раул Дэлгадо Консепсион болон Баянгол дүүргийн эрүүл мэндийн нэгдлийн удирдлага, төлөөллүүдэд талархал илэрхийлье! Эрхэм гишүүний иргэнээ гэх чин сэтгэл ийм агуу.