Нийгэм
Б.Энхболд: Хүүхдийн эрхийн зөрчилтэй холбоотой 40 гомдол, саналыг ХЭҮК хүлээн авсан
“Бэлгийн хүчирхийллийн хохирогч хүүхдэд туслалцаа үзүүлэх нь” сургалтыг Цагдаагийн Ерөнхий Газар (ЦЕГ), Хүний Эрхийн Үндэсний Комисс (ХЭҮК) болон холбогдох байгууллагууд өнөөдөр хамтран зохион байгууллаа. Энэ талаар ХЭҮК-ын гишүүн Б.Энхболд “Эрүүгийн хэрэг хянан шийдвэрлэх ажиллагааны явцад бэлгийн хүчирхийлэлд өртсөн хохирогч хүүхдийн эрх ашиг хөндөгдсөн, цагдаагийн алба хаагчид хүүхэдтэй ажиллах арга барил, хандлага дутмаг гэх мэтчилэн гомдол, санал ХЭҮК-т цөөнгүй ирдэг. Тиймээс бэлгийн хүчирхийлэлд өртсөн хүүхэдтэй алба хаагчид хэрхэн ажиллах арга зүйг агуулсан гарын авлагыг Дотоод хэргийн их сургуулийн багш нар, бусад төлөөлөл хамтран боловсруулсан. Энэхүү гарын авлагын хүрээнд сургалт зохион байгуулж алба хаагчдыг чадавхжуулах зорилготой гэсэн үг.
Гарын авлага дээр бэлгийн хүчирхийллийн тухай ойлголтыг тодорхойлж,
-Хүчиндэх гэмт хэрэг
-Бэлгийн дур хүслээ ёс бусаар хангах
-Бэлгийн мөлжлөг
-Хүн худалдаалах гэмт хэрэг
-Садар самуунд хүүхдийг уруу татах
-Хууль бусаар үр хөндөх зэрэг есөн төрлийн гэмт хэргийг багтаасан байгаа.
Энэ тал дээр Цагдаагийн Ерөнхий Газар өөрөө санаачилга гаргаж, алба хаагчдаа чадавхжуулах чиглэлд ХЭҮК-той хамтран ажиллаж байгаа” гэв.
Нийгэм
Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж байна
Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж, нийслэлийн ерөнхий боловсролын сургуулийн сурагчдад амьтдыг таниулах үйл ажиллагааг зохион байгуулж байна. Энэ хүрээнд өнөөдөр нийслэлийн ерөнхий боловсролын 1 болон 16 дугаар сургуулийн 5 дугаар ангийн сурагчид анги хамт олноороо амьтны хүрээлэн дэх амьтадтай танилцлаа. Ингэснээр хичээлийн явцад судалсан мэдлэгээ бататган, амьтны онцлог шинжийг ялгаж харах боломж бүрдэж байгаа бөгөөд цаашид уг хөтөлбөрийг жил бүр уламжлал болгон зохион байгуулах юм.
Нийслэлийн Засаг даргын Нийгмийн салбар, ногоон хөгжил болон агаар, орчны бохирдол хариуцсан орлогч О.Номинчимэг:
-Нийслэлийн ерөнхий боловсролын сургуулийн сурагчдад хотын соёлыг төлөвшүүлэх ажлыг үе шаттай зохион байгуулж байна. Энэ хүрээнд дэлхийн хотуудын жишгээр соёл, танин мэдэхүйн газруудтай танилцуулах замаар суралцагчдын танин мэдэхүйн мэдлэгийг дээшлүүлэх зоо парк, музейн хөтөлбөрүүдийг хэрэгжүүлж буй юм. Нийслэлийн Боловсролын газар нийслэлд үйл ажиллагаа явуулж буй амьтны хоёр хүрээлэнтэй хамтран ажиллах санамж бичиг байгуулсан. Санамж бичгийн хүрээнд сургалтын хөтөлбөртэй уялдуулж нийслэлийн ерөнхий боловсролын сургуулийн 10 мянган сурагчид амьтдыг таниулах үйл ажиллагааг зохион байгуулах юм. Мөн тусгай хэрэгцээт боловсрол шаардлагатай 1000 сурагчийг үнэ төлбөргүй үзүүлэхээр төлөвлөөд байна.
“Улаанбаатар зоо парк” ХК-ийн захирал Б.Оргил:
-Бид 2017 оноос хойш үйл ажиллагаа явуулж байгаа. Манайд имж, элбэнх, сармагчин зэрэг 60 гаруй төрөл зүйлийн 300 орчим амьтан бий. Өмнө нь “Алтай” хотхоны зүүн талд түрээсийн байранд үйл ажиллагаа байгаад ашиглалтын зардлаа даахгүй болж, Үндэсний соёл амралтын хүрээлэн биднийг дэмжин байр гаргаж өгснөөр нүүж ирсэн. Мөн нийслэлд үйл ажиллагаа явуулдаг амьтны хоёр хүрээлэн цаашид үйл ажиллагаагаа явуулахад хүндхэн нөхцөл байдалтай тулгарсан энэ үед НЗДТГ болон Нийслэлийн Боловсролын газраас бидэнд тодорхой хэмжээний санхүүгийн туслалцаа үзүүлж, цаашид хэвийн үйл ажиллагаа явуулах нөхцөл боломжоор хангасанд баяртай байна.
Нийслэлийн ерөнхий боловсролын 1 дүгээр сургуулийн нийгмийн ажилтан Г.Одонгуа:
-Боловсрол, шинжлэх ухааны сайдын хичээлээс гадуурх үлгэрчилсэн хөтөлбөр нь найман чиглэлтэй. Эдгээрийн нэг болох байгаль, экологийн боловсролыг хүүхдэд олгох чиглэлийн хүрээнд өнөөдөр манай сургуулийн 5 дугаар ангийн хоёр бүлэг амьтны хүрээлэн үзэж байна. Энэхүү хөтөлбөрт хамрагдсанаар хүүхдүүд эх байгалиа хамгаалах, амьтан хайрлах, энэрэх сэтгэлтэй болж төлөвшихөд маш чухал хувь нэмэртэй юм хэмээлээ.
Нийгэм
“Чингис Хаан” Олон улсын нисэх буудлын гадна автомашины зогсоол төлбөртэй боллоо
“Чингис хаан” Олон улсын нисэх буудлын авто зогсоолын аюулгүй байдал, тав тухыг сайжруулах зорилтын хүрээнд 2024 оны 04 дүгээр сарын 08-ны өдрөөс “Авто зогсоолын хураамж”-ийг авч эхлэхээр боллоо.
Авто зогсоол ашигласны төлбөрөө нисэх буудлын дотор болон гадна байрлах “Төлбөр хураах цэг”-дэд төлбөрийн бүх хэлбэрээр төлөх боломжтой гэж Чингис Хаан Олон улсын нисэх буудлаас мэдээллээ.
Нийгэм
Зам, талбайд тогтсон 92 тонн усыг сорууллаа
Авто замын борооны болон хөрсний ус зайлуулах шугамын засвар ашиглалтын ажлын хүрээнд цас, мөс хайлсны улмаас зам, талбайд тогтсон 92 тонн усыг сорууллаа.
Тодруулбал, нийт 16 албан хаагч ажиллаж,
- Баянгол дүүргийн 3 дугаар хороо, Нарны гүүрний урд автобусны буудал орчимд гурван рейсээр 18 тонн ус;
- Баянгол дүүргийн 11 дүгээр хороо, Хасбаатарын гудамжинд дөрвөн рейсээр 40 тонн ус;
- Баянзүрх дүүргийн 29 дүгээр хороо, Дарь-Эхийн замд таван рейсээр 34 тонн усыг тус тус соруулаад байна.
-
Нийгэм5 цаг өмнө
“Чингис Хаан” Олон улсын нисэх буудлын гадна автомашины зогсоол төлбөртэй боллоо
-
Нийгэм9 цаг өмнө
Зам, талбайд тогтсон 92 тонн усыг сорууллаа
-
Нийгэм10 цаг өмнө
Өнөөдөр орон даяар 16 цагт гамшгийн аюулын зарлан мэдээллийн дохио дуугарна
-
Улс төр10 цаг өмнө
Ерөнхий сайд Л.Оюун-Эрдэнэ НҮБ-ын Ерөнхий нарийн бичгийн даргын тусгай элч Жан Тодттой уулзав
-
Нийгэм4 цаг өмнө
Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж байна
-
Улс төр6 цаг өмнө
Үнэт цаасны зах зээлийн тухай хуулийн төслийн анхны хэлэлцүүлгийг хийв
-
Улс төр3 цаг өмнө
Дотоодын цэрэг өндөр чадвартай хөдөлгөөнт хүчинтэй болно