Нийгэм
1.2 тэрбум төгрөгийн үнэ бүхий үнэт эдлэл хулгайлсан элгээдүүдийг гурван цагийн дотор илрүүлэн баривчилжээ
Бусдын тээврийн хэрэгслээс үнэт эдлэл хулгайлсан этгээдүүдийг шуурхай илрүүлж, дайчлан баривчилжээ.
Энэ талаар СХД-ийн Цагдаагийн газрын гуравдугаар хэлтсийн мөрдөн байцаах хэлтсийн тасгийн мөрдөгч М.Жанчив “Зургаадугаар сарын 20-21-нд шилжих шөнө Сонгинохайрхан дүүргийн 12 дугаар хорооны нутаг дэвсгэрт иргэн Б-ийн эзэмшлийн тээврийн хэрэгслээс 1.2 тэрбум төгрөгийн үнэ бүхий үнэт эдлэл хулгайд алдагдсан талаарх дуудлага мэдээлэл манай хэлтэст бүртгэгдсэн.
Дуудлагын дагуу албан хаагчид шуурхай мөрдөн шалгах ажиллагаа явуулсны үр дүнд урьд өмнө нь энэ төрлийн гэмт хэргээр ял шийтгэл эдэлж байсан 22-31 насны есөн этгээд үйлдсэн болохыг гурван цагийн дотор илрүүлэн, олж тогтоон дайчлан баривчилсан. Одоогоор шалгалтын ажиллагаа үргэлжилж байна” гэлээ.
Хохирогч “Гэмт этгээдүүд биднийг сарын өмнөөс дагасан байна. Бидэнтэй адил үнэт эдлэл худалдан борлуулдаг хүмүүст хэлэхэд, ийм этгээдүүд олон хоногийн өмнөөс хаана юуг тавьж, хэнтэй уулзаж байгааг маань хүртэл судалж, бүлгээрээ дагаад явж байдаг юм байна. Тиймээс маш болгоомжтой, сэрэмжтэй байгаарай гэж хэлье” хэмээлээ.
Иймд иргэд их хэмжээний бэлэн мөнгө, үнэ бүхий эд зүйлсийн талаарх мэдээллээ бусдад өгөхгүй байх, хадгалах, тээвэрлэлтийн аюулгүй байдлыг хангаж, хулгайн гэмт хэргээс урьдчилан сэргийлэхийг Цагдаагийн ерөнхий газраас анхаарууллаа.
ВИДЕО:
Нийгэм
Элсэлтийн шалгалтын бүртгэл дөрөвдүгээр сарын 26-ны 18:00 цагт хаагдана
БШУ-ны сайдын 2024 оны хоёрдугаар сарын 16-ны өдрийн А/66 дугаар тушаалаар батлагдсан “Элсэлтийн шалгалтын журам”-ын дагуу ЭШ-ын бүртгэл 2024 оны хоёрдугаар сарын 19-ний 09.00 цагт эхэлсэн ба 2024 оны дөрөвдүгээр сарын 26-ны 18:00 цагт дуусна.
Шалгуулагч бүр зөвхөн өөрийн и-мэйл хаягаар бүртгүүлэх ба eec.mn /eyesh.eec.mn/ цахим хаяг руу хандан бүртгэлээ хийхдээ дараах материалыг бэлтгэсэн байна.
Үүнд:
1. Иргэний үнэмлэх
2. Өнгөт цээж зураг /цээж зураг нь 3*4 хэмжээтэй, сүүлийн 3 сарын дотор авахуулсан, урагшаа цэх харсан, арын фон нь цайвар цулгуй өнгийн, нарны шил болон малгайгүй байна/
Жич: Дээрх шаардлага хангаагүй зураг оруулж бүртгүүлсэн тохиолдолд програмаас устгах ба та бүртгэлийн хугацаанд зургаа дахин шинэчилж оруулна уу. Бүртгэлийн хуудас зураггүй буюу шаардлага хангаагүй зурагтай хэвлэгдсэн тохиолдолд шалгалтад оруулахгүй болохыг анхаарна уу.
3. Бүх банкны интернэт гүйлгээ хийх эрхтэй төлбөрийн карт, интернет банкны QPay үйлчилгээ
ЭШ-ын нэг хичээлийн бүртгэлийн хураамж 5800 төгрөг байна.
Хөгжлийн бэрхшээлтэй иргэн болон тусгай сургуулийн суралцагч элсэлтийн шалгалт өгөхөөр бүртгүүлсэн бол холбогдох бичиг баримтыг бүртгэлийн хугацаанд БҮТ-д ирүүлнэ.
-Өргөдөл хүсэлт
-Эмчийн магадалгаа
-Сургуулийн тодорхойлолт байна гэж Боловсролын үнэлгээний төвөөс мэдээллээ.
Нийгэм
Ой, хээрийн 44 удаагийн түймэр гарч, 435.658 га талбай түймэрт өртсөн байна
Улсын хэмжээнд дөрөвдүгээр сарын 23-ны өдрийн байдлаар Булган, Дорнод, Сүхбаатар, Сэлэнгэ, Ховд, Хөвсгөл, Хэнтий, Архангай, Увс 10 аймгийн 23 суманд 44 удаагийн ой, хээрийн гал түймэр гарч, 435.658 га талбай түймэрт өртсөн.
Ой, хээрийн гал түймрийн дуудлага, мэдээллийг өнгөрсөн оны мөн үетэй харьцуулахад гал түймрийн тоо 15,9 хувиар өссөн байна.
Ойрын өдрүүдэд буюу дөрөвдүгээр сарын 24, 25-нд ихэнх нутгаар хүчтэй салхи, шороон шуургатай, ихэнх нутгаар хуурайшилтын зэрэглэл өндөр байгаа тул иргэн бүр ой, хээрийн түймрээс урьдчилан сэргийлэхийг анхааруулж байна.
Иймд:
- Түймэрт нэрвэгдэж болзошгүй нутаг дэвсгэрийг түймрээс хамгаалах зурвастай болгох,
- Түймрийн хуурайшилт ихтэй үед ой, хээрт ил задгай гал түлэхгүй байх
- Түймрийн аюултай үед айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж байх,
- Насанд хүрээгүй хүүхдийг түймрийн аюултай үед ой, хээрт шүдэнз, асаагууртай явуулахгүй байх
- Айл өрхүүд хог, өвсийг ил задгай шатаахгүй байх,
- Шашны зан үйл хийхдээ арц, хүж, зул, асааж орхихгүй байх зэргээр урьдчилан арга хэмжээг хэрэгжүүлэхийг анхааруулж байна.
Нийгэм
Ж.Соронзонгийн хэргийг давж заалдах шатны шүүхээр дахин хэлэлцүүлэхээр буцааж, шийдвэрлэв
Улсын дээд шүүхийн хяналтын шатны Захиргааны хэргийн шүүх хуралдаанаар Ж.Соронзонгийн нэхэмжлэлтэй, Боловсрол шинжлэх ухааны сайдад холбогдох, нийслэл дэх Захиргааны хэргийн анхан шатны шүүхийн 2023 оны 11 дүгээр сарын 30-ны өдрийн шийдвэр, Захиргааны хэргийн давж заалдах шатны шүүхийн 2024 оны 02 дугаар сарын 06-ны өдрийн магадлалтай захиргааны хэрэгт хариуцагчийн итгэмжлэгдсэн төлөөлөгч нарын гаргасан гомдлыг 2024 оны 04 дүгээр сарын 22-ны өдөр хэлэлцлээ.
Захиргааны хэргийн давж заалдах шатны шүүх 2024 оны 02 дугаар сарын 06-нд Ж.Соронзонд холбогдох хэргийг хэлэлцээд анхан шатны шүүхээс хэргийн үйл баримтад шаардлагатай нотлох баримтыг бүрэн гүйцэд цуглуулалгүйгээр шийдвэрлэсэн нь шүүхийн хууль ёсны байх шаардлагыг хангаагүй гэх үндэслэлээр дахин хэлэлцүүлэхээр буцааж шийдвэрлэсэн байдаг.
Улмаар Улсын дээд шүүх нэхэмжлэгчдийн гаргасан гомдлын дагуу хэргийг хэлэлцэж “давж заалдах шатны шүүхээс хэрэгт авагдсан баримтын хүрээнд нэхэмжлэлийн шаардлага, хэргийн нөхцөл байдалд дүгнэлт өгч, эцэслэн шийдвэрлэх боломжтой” гэсэн үндэслэлээр хариуцагчийн хяналтын журмаар гаргасан гомдлыг хангаж, магадлалыг хүчингүй болгов.
Ингэснээр хэргийг давж заалдах шатны шүүхээр дахин хэлэлцүүлэхээр буцааж шийдвэрлэлээ.
-
Нийгэм9 цаг өмнө
ЦХХХЯ: Мета компанитай кибер аюулгүй байдал, цахим орчин дахь хүүхэд хамгааллын чиглэлээр хамтарна
-
Нийгэм23 цаг өмнө
Хот Герман Улсад 100 мэргэжилтнээ бэлтгэнэ
-
Нийгэм9 цаг өмнө
Эрүүгийн 8 хэргийг шүүхэд шилжүүлэх саналтай прокурорт хүргүүлэв
-
Нийгэм9 цаг өмнө
“Шувуу” ажиллагааны хүрээнд иргэн “М”-г албадан авчирлаа
-
Нийгэм5 цаг өмнө
Үлэг гүрвэлийн мөрт “Шар цав” хэмээх газрыг ЮНЕСКО-д бүртгүүлэхээр талууд ажиллаж байна
-
Нийгэм9 цаг өмнө
Хүүхэд, залуучуудын театрыг энэ сарын 25-нд албан ёсоор нээнэ
-
Нийгэм6 цаг өмнө
Шуурхай бүлгүүд орон нутагт ажиллаж байна
-
Нийгэм4 цаг өмнө
Солонготын даваанд халтиргаа гулгаа үүсэж болзошгүй байна