Нийгэм
Терминалууд дээр ачаатай болон хоосон 3124 чингэлэг хуримтлагдаад байна
Коронавирусын цар тахлын улмаас БНХАУ-ын Тяньжин боомтод хуримтлагдсан импортын чингэлгийг түргэн шуурхай татан авч ирэх ажлыг ЗТХЯ болон “Улаанбаатар төмөр зам” ХНН хамтран эрчимтэй зохион байгуулж байна. Эрээн-Замын-Үүд боомтоор төмөр замаар тээвэрлэн импортоор ирсэн чингэлгүүдийг буулгах гаалийн хяналтын талбай дүүрч буулгалтын ажил удааширчээ. Энэ оны зургадугаар сарын 21-ний байдлаар Улаанбаатар, Толгойт, Амгалангийн гаалийн хяналтын терминалууд дээр ачаатай болон хоосон бүгд 3124 чингэлэг хуримтлагдаад байна.
Үүнээс гадна УБТЗ-ын өртөөд болон зам зуурт нийт 1250 ширхэг 40 тонны импортын ачаатай чингэлэг талбайд буухаар хүлээгдэн зогссон. Энэ нь төмөр замын өртөөдийн галт тэрэг хүлээн авах, явуулах замуудыг эзлэн зогсож тээврийн ажилд хүндрэл учруулж байгаа юм. Дээрх хүндрэлийг арилгахын тулд “Улаанбаатар төмөр зам” ХНН нь Гаалийн Ерөнхий Газар болон Тээвэр зуучийн байгууллагуудтай хамтран импортын чингэлгийг ачаа хүлээн авагчдад шуурхай олгох, хоосон чингэлгийг түргэн буцаах талаар шаардлагатай бүхий л арга хэмжээг авч ажиллаж байна. Тухайлбал Улаанбаатар, Толгойт, Амгалангийн чингэлгийн терминалуудын ачааллыг багасгах, ачаа хүлээн авагчдад чингэлэг олголтыг шуурхай болгох, тээврийн зардлыг багасгах, төмөр замын өртөөдийн ачааллыг бууруулах зорилгоор импортоор орж ирсэн чингэлэгтэй автомашиныг УБТЗ-ын харьяа Замын-Үүдийн терминалууд болон Сайншанд өртөөн дэх “Зүүн говь ложистик” ХХК-ийн терминал дээр олгох ажлыг зохион байгуулахаар боллоо.
Замын-Үүдэд олголт хийх ажлыг зохион байгуулснаар өдөрт 190 автомашинтай чингэлгийн олголтыг гурван талбайд зэрэг хийх боломж бүрдэх юм. Энэ оны зургадугаар сарын 21-ний байдлаар Замын-Үүд өртөөнд 962 автомашинтай чингэлэг байгаа бөгөөд эдгээр чингэлгийг 5-7 хоногт олгож дуусахаар төлөвлөж байна.
Нийгэм
Пара сэлэмчид Азийн аварга шалгаруулах тэмцээнд оролцоно
Монголын тэргэнцэртэй сэлэмний холбооны баг тамирчид Тайландын Бангкок хотодо болох Азийн аварга шалгаруулах тэмцээнд оролцохоор мордлоо.
Уг тэмцээн нь Парисын паралимпын наадмын эрхийн оноо олгохоороо онцлогтой. Манай улсаас эрэгтэй дөрөв, эмэгтэй гурван тамирчин өрсөлдөнө. Тодруулбал, дасгалжуулагч М.Мөнхтулга, Б.Гэрэлмаа Б.Хүсэлтүвшин нарын удирдлага дор эрэгтэйчүүдээс Б.Даваасүрэн, Н.Булган, А.Дөлгөөн, Б.Пүрэвсүрэн, эмэгтэйчүүдээс Д.Цолмон, Ж.Нарантунгалаг, С.Оюундарь нар паралимпын эрхийн оноогоо ахиулахын төлөө тулалдана.
Монголын пара сэлэмчдийг тус холбооны ерөнхийлөгч Ө.Үнэнбүрэн, ерөнхий нарийн бичгийн дарга О.Анударь нар ахлах юм.
Нийгэм
Хүүхдийн паркийн баруун жигүүрийн 10.2 га талбайн 80 хувьд ногоон байгууламж, 20 хувьд тухлах талбай байгуулна
Хүүхдийн паркийн баруун жигүүрийн 10.2 га талбайг иргэдийн саналд үндэслэн 80 хувь нь ногоон байгууламж, 20 хувь нь тухлах талбай бүхий олон нийтийн соёл амралтын хүрээлэн болгон тохижуулж байна. Одоогийн байдлаар хатуу дэд бүтцийн ажил дуусах шатандаа орж, цэцэрлэгжүүлэлт, тохижилт үргэлжилж байгаа бөгөөд зургаадугаар сарын 1 гэхэд ашиглалтад оруулахаар төлөвлөж байгаа юм. Үүнтэй холбоотойгоор Нийслэлийн Засаг дарга бөгөөд Улаанбаатар хотын Захирагч Х.Нямбаатар бүтээн байгуулалтын явцтай танилцаж, “Рио Тинто Монгол” ХХК-ийн удирдлагуудтай уулзлаа.
НЗДТГ, “Рио Тинто Монгол” ХХК, “Үндэсний соёл амралтын хүрээлэн” ХХК-ийн удирдлагууд 2022 онд гурван талт хамтын ажиллагааны санамж бичиг байгуулсны хүрээнд “Паркаа хамтдаа бүтээе” төслийг хэрэгжүүлж эхэлсэн. Санамж бичгийн хүрээнд “Рио Тинто Монгол” ХХК зүгээс төслийг бүрэн санхүүжүүлэн, хэрэгжүүлж байгаа бөгөөд уг бүтээн байгуулалтад 100 хувь үндэсний компаниуд олон улсын мэргэжилтнүүдийн дэмжлэгтэйгээр оролцож байгаа гэдгээрээ онцлогтой.
“Паркаа хамтдаа бүтээе” төсөл дөрвөн жилийн хугацаанд үргэлжилнэ. Зөөлөн дэд бүтэц болох цэцэрлэгжилт, тохижилтын хүрээнд нийт 40 мянга гаруй мод бутыг үе шаттайгаар тарьж, 8 га газрыг зүлэгжүүлэх юм. Мөн иргэдийн тухлах сандал, сүүдрэвч, хүүхдийн тоглоомын талбай зэрэг бусад тохижилтыг хийнэ. Түүнчлэн цэцэрлэгт хүрээлэнг тогтвортой, урт хугацаанд өөрөө өөрийгөө нөхөн сэргээх чадвартай болгохын тулд “Рио Тинто Монгол” ХХК-иас 2026 он хүртэл ногоон байгууламж, тохижилтыг арчилж, тордох юм. Мөн олон нийтийг мэдлэг, мэдээллээр хангаж, цаашид ногоон паркийн соёлыг төлөвшүүлэхэд анхаарч ажиллана гэдгийг төслийн хамт олон хэлж байв.
Нийгэм
Нийслэлийн 28,979 иргэн 47.1 тэрбум төгрөгийн буцаан олголт авна
Хувь хүний орлогын албан татварын тухай хуулийн дагуу нийслэл хотын оршин суугч 28,979 иргэний 47.1 тэрбум төгрөгийн буцаан олголт өнөөдрөөс иргэдийн дансанд орж эхэлнэ. Нийслэлийн хэмжээнд 20,090 иргэн орон сууцны буцаан олголтод хамрагдаж, 41.5 тэрбум төгрөгийг буцаан авах бол 8889 иргэн оюутны сургалтын төлбөрийн буцаан олголтод 5.6 тэрбум төгрөг буцаан авна.
НИЙСЛЭЛИЙН ТАТВАРЫН ГАЗАР
-
Нийгэм15 цаг өмнө
Пара сэлэмчид Азийн аварга шалгаруулах тэмцээнд оролцоно
-
Улс төр18 цаг өмнө
Ерөнхий сайд Л.Оюун-Эрдэнэ: Боомтын боомийг тайлсан шиг эрчим хүчний реформыг эрчимжүүлнэ
-
Нийгэм24 цаг өмнө
СБД: Нөөцийн махны өргөтгөсөн худалдаа болно
-
Нийгэм18 цаг өмнө
Таван шарын нүхэн гарцын хөдөлгөөнийг 6 дугаар сард нээнэ
-
Нийгэм18 цаг өмнө
Сүхбаатар дүүрэгт 202 айлын орон сууц ашиглалтад орно
-
Улс төр20 цаг өмнө
“Өнөр бүл” хүүхдийн төвийн хамт олонд төрийн дээд цол, одон, медаль хүртээв
-
Нийгэм23 цаг өмнө
Онцгой байдлын байгууллагын алба хаагчдын хүүхэд хамгааллын бодлого батлагдлаа
-
Нийгэм16 цаг өмнө
Төв цэнгэлдэх хүрээлэнгийн ойр орчимд үлдсэн газрыг тусгай хэрэгцээнд авна