Дэлхий дахинд

Аляскчууд жил бүр олгох 2,000 ам.долларын ноогдол ашгаа авч эхэлнэ

Нийтэлсэн

6 жил өмнө

2019-03-13

Нийтэлч

Admin

АНУ-ын хамгийн том газар нутагтай ч хүн ам хамгийн сийрэг оршин суудаг муж бол Аляск юм. Тус мужид 730,000 гаруй хүн амьдарч байна.

Төрийн мэдлийн корпораци болох Аляскийн байнгын сан 65 тэрбум ам.долларын нөөц хөрөнгөтэй. Корпорацийн гүйцэтгэх захирал хатагтай Анжела Роделлын санаачилгаар уг мужид тогтмол оршин суух иргэн нэг бүрт жилд 2,000 ам.долларын ноогдол ашиг олгохоор болсон юм. Санаачилга ирэх долоо хоногт хэрэгжиж Аляскчууд мөнгөө авч эхэлнэ.

Хатагтай Анжела Роделл сангийн гүйцэтгэх захирлаар дөрөв дэх жилдээ ажиллаж байгаа юм. Түүний тооцсоноор эхний нэг жилд 1,5 тэрбум гаруй ам.долларыг оршин суугчдадаа олгоно.

Ийнхүү олгохдоо насанд хүрсэн хүрээгүй гэж ялгалгүй хүүхдүүдийг ч багтаасан байна. Газрын тос, байгалийн баялгаас сангийн хөрөнгийг бүрдүүлсэн ажээ.

Аляскийн оршин суугчдаас жил бүрт олгох 2,000 ам.долларын тэтгэмжийг хэрхэн зарцуулах талаар асуухад өвлийн бэлтгэл, коллежийн зардалдаа хэрэглэхээс гадна гэр бүлтэйгээ зул сарын аялал хийхэд, хуримтлал үүсгэхэд, амьжиргааны зардалд тун хэрэгцээтэй гэж хариулсан байна.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...