Нурмагомедовыг 500,0 мянган доллараар торгож тэмцээнд орох эрхийг нь хасжээ
-
Тээврийн хэрэгслийн улсын дугаарыг тэгш, сондгойгоор ангилан замын хөдөлгөөнд оролцуулах талаар мэдээлэл өгч байна
-
Засгийн газрын хуралдаанаас гаргасан шийдвэрийг танилцуулж байна /шууд/
-
“Шинь Шинь” ХХК Байгаль орчны менежментийн тогтолцоо олон улсын стандарт ISO14001:2015 нэвтрүүллээ
-
“Улаанбаатар хот-Духуа инженеринг дэд бүтцийн хөгжлийн форум” эхэллээ
Дүрэмгүй зодооны Оросын тамирчин Хабиб Нурмагомедовыг зодоон хийсэн гэж мөнгөн торгууль ногдуулж, есөн сараар тэмцээнд орох эрхийг нь хасжээ. Харин түүний өрсөлдөгч Конор Макгрегорыг арай зөөлөн шийтгэжээ. Түүнийг 50,0 ам.доллараар торгож, 6 сараар тэмцээнд орох эрхийг нь хассан аж. Хэрэв Нурмагомедов ам хэлээр доромжлуулж, хяхиж хавчуулсан хохирогчдыг дэмжих компанит ажилд оролцсон тохиолдолд түүний тэмцээнд орох эрхийг нь хасан шийтгэлийг 6 сар болгож буруулах боломжтой гэж тэмдэглэсэн байна. Шийтгэл дээрх хоёр тамирчнаар хязгаарлагдаагүй байна. 25,0 ам.доллар, нэг жил тэмцээнд орох эрхийг нь хасах шийтгэлийг Зубайра Тухугов болон Хабибын дүү Абубакар Нурмагомедов нарт оноожээ.
Болсон явдлыг эргэж харвал өнгөрсөн оны аравдугаар сард холимог зодооны дэлхийн аварга Оросын тамирчин Нурмагомедов Ирландын зодоонч Конор Макгрегортай хүч үзэн дэлхийн аваргынхаа нэрийг авч үлдсэн билээ. Харин тэмцээн дууссаны дараа олныг хамарсан зодоон гарсан аж. Нурмагомедов дэвжээнээс гарч Макгрегорын бэлтгэл хангагч тамирчин руу дайрчээ. Үүнээс үүдэн хоёр тамирчны багийн гишүүд хоорондоо зодолдож эхэлсэн байна. Зодоонд Хабибын найз Зубайр Тухугов болон Эседулл Эмирагаев нар хөндлөнгөөс оролцжээ. Эл зодооноос болж тэмцээний зохион байгуулагчид Оросын тамирчны ялалтыг хүлээн зөвшөөрсөн ч аваргын бүсийг гардуулаагүйгээс гадна шагналын мөнгийг нь царцаажээ. Уг үйл явдлыг Невада мужийн тамирын комисс сахилгын шалгалт эхлүүлжээ. Зодоон болсны дараа Хабибын аав дасгалжуулагч Абдулманап Нурмагомедов хүүгийнхээ спортын бус үйлдлийнх нь төлөө “хатуу арга” хэмжээ авахаа амласан байна. Энэ үйл явдлаас хойш Хабибын “Инстаграм”-ын хуудас асар алдаршиж нэг өдрийн дотор 3,0 сая дагагчтай болжээ. Тамирчин өөрөө зодоон цохион хийсэндээ олон түмнээс уучлал эрсэн ч Макгрегорын амнаас зогсолтгүй гарч байсан доромжлол түүнийг ийн үйлдэл хийхэд хүргэсэн гэж тэмцээний дараах хэвлэлийн бага хурлаар мэдэгджээ. “Намайг дэвжээнээс үсэрч гарсныг л ярихаас миний шашин, миний аав, миний эх орны талаар тэрээр юу гэж ярьсныг хүмүүс огт сонирхохгүй байгааг би ойлгохгүй байна” гэж Хабиб хэлжээ.
Нурмагомедовын үйлдэл АНУ-д маш олон хүний дургүйцлийг төрүүлжээ. Жишээ нь UFC-ийн аварга Колби Ковингтон “Твиттер” хуудсандаа Нурмагомедорвыг элдвээр хэлэхийн зэрэгцээ зодооны спортыг “20 жилээр хойш нь ухраалаа” гэж бисэн байна. Мөн USA today сонины сэтгүүлч Мартин Роджерс Оросын тамирчины үйлдлийг спортын ертөнцөд байж боломгүй гээд Хабибыг “өрөвдөлтэй, бүдүүлэг, харгис” хэмээн тодорхойлжээ. Харин Ирландын тамирчин Макгрегор “Tвиттер” хуудсандаа Хабибаас даагаа нэхэхийг л хүлээж байна гэсэн богинохон сэтгэгдэл бичсэн байна.
Бусад
Олон улсын стандартад нийцсэн IBAN дансны дугаарлалтыг нэвтрүүллээ
Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.
Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.
Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.
Бусад
АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв
Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.
Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.
Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.
Бусад
Нийслэлд үйл ажиллагааа явуулж буй 770 нийтийн байранд хяналт шалгалт хийлээ
Нийслэлийн Засаг даргын 2025 оны А/214 дугаартай захирамжаар нийслэлийн нутаг дэвсгэрт үйл ажиллагаа явуулж буй нийтийн байрны орчин, нөхцөл байдалд хяналт шалгалт хийлээ. Тодруулбал, ажлын хэсгийн бүрэлдэхүүн нийслэлийн есөн дүүргийн 770 нийтийн байрнуудын нөхцөл байдалтай танилцаж, газар дээр нь ажиллав. Тус ажлын хүрээнд нийтийн байрны эрүүл ахуй, гал болон цахилгааны аюулгүй байдал, эрүүл ахуйн халдвар хамгаалал зэрэг нь шаардлага хангаж буй эсэхийг шалгаж, шалгалтаар илэрсэн зөрчил дутагдлыг арилгуулан, цаашид авч хэрэгжүүлэх арга хэмжээний санал, дүгнэлтийг боловсруулах юм.
Улаанбаатар хотын хэмжээнд нийтийн 770 байр байдгаас 754 нь иргэнд, үлдсэн нь аж ахуйн нэгжид бүртгэлтэй байна. Мөн үүнээс зөвхөн 285 нь татвар төлдөг болохыг хяналт шалгалтын үеэр илрүүллээ. Галын аюулгүй байдал алдагдсан 11 төрлийн нийт 5730 зөрчил илэрч 132 буюу 2.3 хувийг тухайн цаг мөчид арилгуулж цаашид хэрэгжүүлэх арга хэмжээг даалгалаа.
2025 оны 02 сарын байдлаар 770 нийтийн байр шалгалтад хамрагдсан бөгөөд давхардсан тоогоор 26 төрлийн 7,985 зөрчил илэрч, хууль тогтоомжийн хэрэгжилт 45,6%-тай байна.
- Галын аюулгүй байдал 40%
- Эрүүл ахуйн 34%
- Байгаль орчин 57%
- Гэмт хэрэг, хэв журам 75%,
- Барилга байгууламж 22.3%
НЦУГ-аас гаргасан 2025 оны 02 дугаар сарын мэдээгээр гэмт хэрэг, зөрчлийн дуудлага, мэдээлэл бүртгэгдсэн 120, гэр бүлийн хүчирхийлэл, хүүхдийн эрх зөрчигдсөн дуудлага, мэдээлэл бүртгэгдсэн 142 нийтийн байр байна. Мөн Нийтийн байр түрээслэгч 11129 иргэнийг бүртгэсэн. Нийт есөн дүүргийн 383 иргэн аж ахуйн нэгжээс 175 буюу 45.8% нь хөрсөнд шингээдэг нүхэн жорлонтой бөгөөд стандартад нийцсэн, бохир сордог нүхэн жорлонгийн тоо 201 буюу 52,5% харин төвлөрсөн шугамд холбогдсон 7 буюу 2% байна. Шалгалтаар дүүргийн худалдаа үйлчилгээг зохицуулах зөвлөлд 96% огт бүртгэлгүй байгаа нь хууль тогтоомжийн хэрэгжилт хангагдахгүй явж ирсэн юм.