Нийгэм
Эргэж ирэхгүй хилчин ба тангараг
Мэргэжлийн байгууллагууд хонон өнжин, ар амьдралаа орхин улс эх орон, ард иргэдийнхээ төлөө ёстой л нүд цавчихгүй шахам ажиллаж коронавирусээс сэргийлж байхад энх цагийн хилчин эргэж ирэхгүйгээр одож. Ингэхдээ бүр амиа егүүтгэсэн байх юм. Ямар өчүүхэн амь бэ…
Албаны эх сурвалжийн өгүүлснээр “Ангийн байрлалд бус” гэж байгаа. Мөн итгэл эвдсэн эхнэрээсээ болсон гэх.
Хэдийгээр энх цаг ч гэлээ улсынхаа хилийг сахин хамгаалж аливаад сонор соргог байж өөрийн амийг үл хайхран эх орон ард түмнээ хамгаалах тангараг өргөсөн хилчин тангарагаасаа няцсан гэж үү.
Хилчид сүүлийн үед янз бүрийн хэрэгт орооцолдох болов. Хилийн 0218 дугаар ангийн захирагчийг тодорхой албан тушаалтнуудынх нь хамт авлигын хэргээр хилдчийн баярын өдрийн орчимд түр саатуулж байсан. Эрдэнэцагааны отрядад гарсан хүчингийн хэрэг гэх мэт хэргүүдийн дуулиан сая нэг намжиж байхад араас нь “амиа хорлолт”.
Хилийн 0198 дугаар анги буюу Халх голын отрядын хилчин алба хаагч амиа егүүтгэсэн байдалтай олдсон нь коронавирусын мэдээлэлд дарагдсан бол хилийнхний хувьд ниргэсэн хойно хашхирав гэгчээр түргэн авчээ.
Бичиг цаасных нь ажил ихэсч хилийн отрядууд руу албан бичиг илгээж, уралдаан хүртэл зарлаж уралдааны удирдамж, ХХЕГ-ын даргын тушаал гаргажээ. Энэ бол зөвхөн эл хэргийн дараа авч буй асуудал биш л дээ. Ер нь л ингэдэг гээд хэлчхэд хэтийдсэн болохгүй.
Ямар нэгэн асуудал гарсны дараа сүрийг үзүүлж хүн болгон арьсаа хамгаалж элдэв бичиг цаас шидэлцдэг. Үүнийг нь гэм биш зан гэлтэй.
Хилчид ч авлига хээл хахууль, архидан согтуурах, хүчирхийлэл үйлдэх гэх зэргээр гэмт хэрэгт холбогдож байгаа нь ХХЕГ-ын хүнтэйгээ ажиллах ажил нь хэрхэн явагддагийн тод жишээ ба арга барил нь ч хоцрогдож байгаагийн илрэл гэж хэлж болно.
Нөгөөтэйгүүр үе удам дамжсан хилчин гэдэг нэрийн дор цус ойртолт газар авсны тод илрэл гэдгийг ахмад хилчид халагладаг нь ч үнэний ортой.
Хилийн 0198 дугаар ангийн алба хаагчийн амь настай холбоотой эл хэргийг харьяаллын дагуу цагдаагийн байгууллага шалгаж байгаа бөгөөд хэргийн учир шалтгааны талаар эргэн мэдээлэх болно.
Нийгэм
Авто замын салбарын өвөлжилтийн бэлтгэл 100 хувь хангагджээ
Зам, тээврийн хөгжлийн төв ТӨҮГ-аас 2024-2025 оны өвөлжилтийн бэлтгэл ажлыг хангах 11 арга хэмжээ төлөвлөснөө 100 хувь бүрэн хангалаа.
Улсын чанартай авто замын халтиргаа гулгаа үүсдэг хэсэг, зам, даваанд ашиглах хуурай элс, үнс, давсыг нөөцлүүлэх, шуурхай ажлын хэсэгт ажиллах машин механизмын засвар үйлчилгээг хийлгэж, бэлтгэж, хэрэгжилтэд нь хяналт тавин ажиллаж байна гэж Зам, тээврийн яамнаас мэдээллээ.
Нийгэм
Улаанбаатар хотын Ерөнхий менежерийн 23 дугаар шуурхай зөвлөгөөн боллоо
Улаанбаатар хотын Ерөнхий менежерийн 23 дугаар шуурхай зөвлөгөөн өнөөдөр болж, Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг зөвлөгөөнийг удирдан явууллаа.
Шуурхай зөвлөгөөнөөр Улаанбаатар хотын Ерөнхий менежерийн 22 дугаар шуурхай хуралдаанаар өгсөн үүрэг даалгаврын хэрэгжилтийн явцыг Хяналт, үнэлгээний газрын дарга Ц.Рэгзэдмаа танилцууллаа.
Хуралдааны дэгийн дагуу өвөлжилтийн бэлтгэл, давс бодисын нөөцлөлт болон хадгалалт хамгаалалтын нөхцөлийг сайжруулах хүрээнд авч хэрэгжүүлсэн арга хэмжээний талаарх мэдээлэл, инженерийн хангамжийн байгууллагуудын бэлэн байдлыг хангах команд штабын дадлага сургуулилтын үр дүн, ус хангамж, ариутгах татуурга, инженерийн шугам сүлжээний өргөтгөл шинэчлэл, төсөл хөтөлбөрүүдийн хүрээнд 2025 онд хэрэгжүүлэх ажлын төлөвлөлт, сургууль цэцэрлэгүүдийн халаалт, нүүрсний нөөцлөлт, бэлэн байдалд явуулсан үзлэг, нөхцөл байдлын талаарх мэдээлэл, хяналтын камерыг нэмэгдүүлэх, удирдлагын төвийг бий болгох чиглэлээр хэрэгжүүлж буй үйл ажиллагааны талаарх мэдээллийг холбогдох газрын удирдлагууд танилцуулж авч хэрэгжүүлэх арга хэмжээг хэлэлцлээ.
Улаанбаатар хотын Ерөнхий менежер Г.Батзориг дүүрэг бүр хүлээсэн үүргийн дагуу цэвэрлэгээ үйлчилгээний ажлыг эрчимжүүлж дүүргийн харьяанд байгаа үйлчилгээний байгууллага, төлбөртэй зогсоолууд, томоохон зах худалдааны төвүүдэд хяналт хийж 50 метрийн цэвэрлэгээ үйлчилгээг байнга хийх дадлыг бий болгоход анхаарч, хариуцлагагүй, зөвшөөрөлгүй үйл ажиллагаа явуулж буй аж ахуй нэгжийн хяналтыг сайжруулахыг анхаарууллаа.
Мөн хот нийтийн аж ахуй чиглэлээр ажиллаж байгаа техникийн хяналтыг сайжруулахад технологийн шийдлийг ашиглаж ажиллахыг чиглэл болгож, инженер хангамжийн чиглэлээр 3, хог хаягдал, менежментийг сайжруулах чиглэлээр 7, тохижилт ногоон байгууламжийн чиглэлээр 2, нийт 12 үүрэг даалгаврыг холбогдох чиг үүргийн байгууллагуудад өгч ажиллалаа гэж Улаанбаатар хотын Захирагчийн ажлын албанаас мэдээллээ.
Нийгэм
Монгол үндэсний бөхийн багийн халз барилдаан болно
“Хийморь” төслийн хүрээнд зохион байгуулж буй дэлхийн хүчтэнүүд монгол үндэсний бөхөөрөө барилдах “Жүдо бөх болон Чөлөөт бөх”-ийн хоорондох монгол үндэсний бөхийн багийн халз барилдаан зохион байгуулагдах гэж байна.
1999 онд зохион байгуулагдсан тус барилдаан тэнцээгээр өндөрлөсөн бол ийнхүү 25 жилийн дараа энэ цагийн хүчтэнүүд хайнааг хагалах гэж байна.
“Жүдо бөх болон Чөлөөт бөх”-ийн хоорондох монгол үндэсний бөхийн багийн халз барилдаан 2024 оны 12 дугаар сарын 15-ны 13:00 цагт Монгол бөхийн өргөөнд болно гэж Монголын Үндэсний Бөхийн Холбооноос мэдээллээ.
-
Нийгэм20 цаг өмнө
Авто замын салбарын өвөлжилтийн бэлтгэл 100 хувь хангагджээ
-
Нийгэм22 цаг өмнө
Улаанбаатар хотын Ерөнхий менежерийн 23 дугаар шуурхай зөвлөгөөн боллоо
-
Улс төр22 цаг өмнө
Улс төрийн намын тухай хуулийг дагаж мөрдөх журмын тухай хуульд өөрчлөлт оруулах тухай хуулийн төслийг анхны хэлэлцүүлэгт шилжүүлэв
-
Нийгэм22 цаг өмнө
Монгол үндэсний бөхийн багийн халз барилдаан болно