Нийгэм

ЧИНГИС ХААНЫ ЭШ ХӨРГИЙГ БИД ЯАГААД ЗАЛАХ ЁСТОЙ ВЭ?

Нийтэлсэн

2 жил өмнө

2022-09-01

Нийтэлч

Дэлхийн улс үндэстэн бүхэн өөр өөрийн шүтээн бэлгэдэлтэй. Тэдгээр нь олон зуунаар хүндэтгэн биширч ирсэн бурхад гэгээнтнүүд, үндэсний бэлгэдэл байхын сацуу тухайн ард түмнүүдийн түүхэнд товойн тодорсон, үндэстэн болж бүрэлдэхэд томоохон үүрэг гүйцэтгэсэн, оюун санааны хөтөч болсон бодит хүмүүс байдаг.

Дэлхийн янз бүрийн ард түмнүүд эртний Будда, Есүс, Мухамед тэргүүтэн оюун санааны удирдагчдаас эхлээд хожуу үеийн Жанна д’Арк, Телль, тэр бүү хэл ардын зохиолын Робин Гүдийг шүтэхийн хамт Шарль де Голль, Лех Валенса зэрэг улс төрийн зүтгэлтнүүдийг ч шүтэж дээдлэх нь буй. Хүн бүхэн өөрийн шүтээнтэй байх эрх нээлттэй нь мэдээж. Харин нийтээр шүтэж дээдэлдэг нэгдмэл бэлгэдэлтэй байх нь ард түмнийг нягтруулж, эв нэгдэлтэй болгодог нь батлагдсан зүйл юм.

Эртний түүх соёлтой монголчууд бид дээдлэн шүтэх өөрийн шүтээнтэй. Мөнх тэнгэр, уул ус, бэлгэдэлт араатан жигүүртэн г.м. Харин монголчууд бидний дундаас төрж гарсан, түүхэнд суу алдраа тод томруун үлдээсэн, билиг сургаалиа түгээн дэлгэрүүлсэн, шүтэж дээдлэх учиртай бодит хүн гэвэл яахын аргагүй Чингис хаан билээ.

Тэр зөвхөн монголчуудын төдийгүй дэлхий даяар хаадын хаан хэмээгдэх эрхийг олсон хүмүүн. Эвтэй байж чадвал, хүчирхэг удирдагчийн ялгуусан тугийн дор нэгдэж чадвал монголчууд юунд хүрч болохыг биеэр үлгэрлэсэн хүмүүн. Дэлхий даяарыг түгшээхдээ түгшээж, амаржуулахдаа амаржуулж, хамгийн том эзэнт гүрний эхлэлийг тавьж, дэлхийн газрын зургийг шинээр бүтээлгэж, хүн төрөлхтөний орчин цагийн түүхийг эхлүүлэх хэмжээнд үйл ажиллагаа явуулж, сэтгэж чадсанаараа түүнтэй эгнэн чадах эн чацуутан эрт эдүгээгийн түүхэнд алга.

Өнөөдөр бид Монгол хэмээх аугаа үндэстнээр овоглож, энэ сайхан газар нутаг, уул усныхаа бүрэн эрхэт эзэн нь болж, өөрийн гэсэн соёл уламжлалтай, туурга тусгаар ард түмэн хэмээн дэлхий дахинд өөрсдийгөө нүүр бардам тунхаглах эрхтэй яваа нь энэ их хүмүүний намтар түүх, үзэл санаатай салшгүй холбоотой юм.

Тиймээс их хааныхаа эш хөргийг улс нийтээр дээдлэн залах нь манай монголчуудын оюун санааны эв нэгдлийг улмаа бататгаж, хойшид муугийн сүүдрээс зайлж, үндэсний үзлээр эвлэлдэн нягтарч, мандан бадрахын утга төгөлдөр бэлгэдэл мөн билээ.

Эх сурвалж: Д.Гүн-Үйлс

Сэдвүүд:онцлох

Дэлгэрэнгүй ...

Нийгэм

ГССҮТ Вьетнам улсын Ханой хотын Анагаах ухааны их сургуультай хамтарч ажиллана

Нийтэлсэн

56 мин өмнө

2024-11-29

Нийтэлч

24barimt

Гэмтэл согог судлалын үндэсний төвийн захирал Э.Галбадрах, Бүгд Найрамдах Социалист Вьетнам улсын Ханой хотын Анагаах ухааны их сургуулийн захирал, дэд профессор, доктор Нгуен Лан Хиеу нар хамтын ажиллагааны гэрээ байгуулж, санамж бичигт гарын үсэг зурлаа.

Тус үйл ажиллагаанд Монгол Улсаас Бүгд Найрамдах Социалист Вьетнам улсад суугаа Онц бөгөөд Бүрэн эрхт Элчин сайд Ж.Сэрээжав, Элчин сайдын яамны гуравдугаар нарийн бичгийн дарга Т.Жавзандулам, ГССҮТ-ийн Дүрс оношилгооны тасгийн эрхлэгч Г.Лхагвасүрэн, Гар сарвууны мэс заслын тасгийн их эмч Б.Мандухай болон Ханой хотын Анагаах ухааны их сургуулийн холбогдох албаны төлөөллүүд оролцсон байна.

Хамтын ажиллагааны хүрээнд Гэмтэл согог судлалын үндэсний төв, Ханой хотын Анагаах ухааны их сургуулийн эмнэлэг хооронд эмнэлзүйн технологи, эрдэм шинжилгээний сургалт, судалгаа хийх, урт болон богино хугацааны сургалтад эмч мэргэжилтнүүдийг хамруулах, хамтарсан үзлэг оношилгоо, мэс засал эмчилгээ хийх зэрэг олон талт ажлуудыг зохион байгуулахаар төлөвлөжээ.

Энэ дагуу эхний ээлжинд ирэх 2025 онд ГССҮТ-ийн арван эмч мэргэжилтнийг Вьетнам улсад сургах, мөн тус төвийн Дүрс оношилгооны тасгийн цахим программыг шинэчлэх ажлыг эхлүүлэхээр болсон байна гэж Гэмтэл согог судлалын үндэсний төвөөс мэдээллээ.

Дэлгэрэнгүй ...

Нийгэм

СХД-ийн хэмжээнд 749.5 тонн давсны нөөцтэй байна

Нийтэлсэн

1 цаг өмнө

2024-11-29

Нийтэлч

24barimt

СХД-ийн зам, талбайн цэвэрлэгээний байгууллагууд 11 дүгээр сарын 28-ны 20:00 цагаас эхлэн авто замын зорчих хэсгийн хар цасыг түрж овоолон ачих ажлыг шөнийн ээлж гарган 24 цагаар зохион байгуулан ажиллалаа.

Тохижилт цэвэрлэгээ үйлчилгээ ОНӨААТҮГ, “Улаанбаатар Шинэчлэл” ХХК, “Жавхлан хүслэн” ХХК, “Грэйт роуд” ХХК, “ОЧТ” ХХК дараах гудамжуудыг цэвэрлэлээ.

Баянхошууны гудамжны 251,950 м.кв

Үйлдвэрчний эвлэлийн гудамжны 233,600 м.кв

Зүүн, Баруун салааны 61,600 м.кв

Товчооны замын 191, 600 м.кв

Толгойтын замын 56,000 м.кв нийт 794,750 м.кв талбайн авто замын зорчих хэсгийн хар цасыг 145 зам талбайн үйлчлэгч, 38 жолооч, 21 ачигч, инженер техникийн 35 ажилтан албан хаагч зэрэг 239 хүний бүрэлдэхүүнтэйгээр 2 автогрейдр, 4 ковш трактор, 4 бобкат, 24 хог тээврийн автомашин 386 рейсээр 1599 тонн хар цасыг тээвэрлэн ажиллалаа.

Дүүргийн хэмжээнд 749.5 тонн давс, 290.5 тонн бодис, 165.2 тонн дайргын үлдэгдэлтэй байна.

Дэлгэрэнгүй ...

Нийгэм

Хүний папиллома вирусийн дархлаажуулалтыг орон даяар эхлүүллээ

Нийтэлсэн

1 цаг өмнө

2024-11-29

Нийтэлч

24barimt

Өнөөдрийн байдлаар умайн хүзүүний хорт хавдраар 4712 хүн өвдсөнөөс жилд 160 хүн нас барж байна.

Харин 400-500 гаруй хүн шинээр өвдөж байна.

Манай улс хавдрын шалтгаант нас баралтаар тэргүүлж байгаагийн дотор элэг, ходоод, умайн хүзүү, уушгины шалтгаантай байгаа юм.

Гэтэл умайн хүзүү, элэг зэрэг вирусийн гаралтай хавдраар тэргүүлдэг улс орон үлдээгүй байна.

Өнөөдөр манай улс өнгөрсөн хугацаанд хийж чадаагүй зүйлийг эхлүүлэх боломж бүрдэж ХПВ-ийн дархлаажуулалтыг орон даяар эхлүүллээ.

Монгол Улс Дархлаажуулалтын тухай хуулиндаа 2023 оны аравдугаар сард өөрчлөлт оруулаад, гурван төрлийн вакциныг товлолд шинээр нэмж оруулсан.

-Нэгдүгээрт, гипатит А буюу ард түмний хэлдгээр “бохир гарын шар” өвчин.

-Хоёрдугаарт, ялангуяа бага насны хүүхдэд хатгалгаа үүсгээд байгаа пневмококкийн эсрэг вакцин.

-Гуравдугаарт, хүний папиллома вирусийн эсрэг вакцин юм. Папиллома вирусийн 300 гаруй хэв шинж дэлхий дээр тархсан байдаг. Үүнээс 200 орчим нь хүний өвчлөл үүсгэдэг. Олон жил судалсны үндсэн дээр энэ вирус умайн хүзүүний хавдар үүсгэгч гол хүчин зүйл болоод зогсохгүй бусад олон төрлийн хавдрыг үүсгэдгийг тогтоосон. Эрэгтэй, эмэгтэй хүйсэнд аль алинд нь энэ вирусийн өндөр хэв шинжүүд хавдар үүсгэж байна. Эдгээрээс хамгийн их буюу 80-90 хувьд умайн хүзүүг бай эрхтэн болгон өвчлүүлж, хавдар болгодог вирус юм.

Урьдчилан сэргийлснээр үүсээд байгаа өвчлөлийг бууруулах бүрэн боломжтой. Хамгийн өвөрмөц урьдчилан сэргийлэлт буюу вакцинжуулах нь хамгийн үр дүнтэй нь тогтоогдсон.

Цаашлаад хоёр дахь урьдчилан сэргийлэлт буюу эрт илрүүлэгтээ тогтмол хугацаанд хамрагдах ёстой. Эрт илрүүлэг гэдэг хүнд ямар нэгэн шинж тэмдэг илрээгүй мөртлөө өвчин нь хэдийнэ эхэлснийг хэлж байгаа юм. Тиймээс өвчин үүсэхээс өмнө биш, бүр халдвар авахаас нь өмнө сэргийлж буй вакцин гэж ойлгох хэрэгтэй.