Энтертайнмент

ДБЭТ: “З.Хангал-75, С.Рахманинов-150” сонгодог концертыг эгшиглүүлнэ

Нийтэлсэн

2 жил өмнө

2023-04-18

Нийтэлч

Дуурь, бүжгийн эрдмийн театрын уран бүтээлчид дөрөвдүгээр сарын 22, 23-ний өдрүүдэд “З.Хангал-75, С.Рахманинов-150” сонгодог концертыг театрынхаа тайзнаа тоглох гэж байна. Ийнхүү дэлхийн сонгодог хөгжмийн агуу суутан, Монголын хөгжмийн урлагийн сонгодог сод төлөөлөгчийн бүтээл нэгэн үдэш, нэгэн тайзнаа эгшиглэх нь ээ.

Энэ үдэш С.Рахманиновын “Төгөлдөр хуурын концерт-2”, З.Хангалын “Эрдэнэсийн уул” бүжгэн жүжгийн адажио, престог Дуурь бүжгийн эрдмийн театрын симфони найрал хөгжим удирдаач Ц.Гансүх, Ц.Тэлмүүн-Очир нарын удирдлага дор хөгжимдөнө.

С.Рахманиновын “Төгөлдөр хуурын концерт-2″ бол эзэндээ хөгжмийн зохиолчийн хувьд үхэшгүй мөнхийн алдрыг авчирсан суут бүтээл. Тэрээр нэгдүгээр симфонио бичсэнээс уран бүтээлчийн хувьд арваад жилийн уналт гутрал, зогсонги үеийг туулсны эцэст энэхүү гайхамшигт бүтээлээ туурвиж урам зориг, онгод нь бадарсан гэдэг.

Харин Монгол Улсын Төрийн шагналт хөгжмийн зохиолч Зундуйн Хангал хоёр балетын хөгжим бичсэний нэг нь”Эрдэнэсийн уул” хоёр бүлэгт балетын хөгжим юм. Ардын жүжигчин Б.Жамъяндагвын цомнолоор 1981 онд бичсэн энэхүү бүжгэн жүжгийн хөгжим түүний урын сангийн үнэт өвийн нэгд зүй ёсоор тооцогддог билээ.

Сэдвүүд:

Дэлгэрэнгүй ...

Энтертайнмент

С.Мөнхзул Дэлхийн аварга боллоо

Нийтэлсэн

3 өдөр өмнө

2024-11-19

Нийтэлч

24barimt

Бүгд Найрамдах Исланд Улсад хэрэглэлтэй пауэрлифтингийн насанд хүрэгчдийн Дэлхийн аварга шалгаруулах тэмцээн өнгөрсөн долоо хоногт болсон бөгөөд манай улсаас МПНХ-ны Ерөнхийлөгч, гавьяат дасгалжуулагч Д.Баттулгын удирдлага дор эрэгтэй гурав, эмэгтэй гурван тамирчин өрсөлдөхөд Монголын баг нэг алт, нэг мөнгө, гурван хүрэл медаль хүртсэн байна.

Тэмцээний сүүлийн өдөр эмэгтэйчүүдийн 84 кг-ын жинд С.Мөнхзул газраас таталтын төрөлд 227.5 кг-ыг өргөснөөр алтан медаль хүртэж, ДАШТ-ий насанд хүрэгчдийн эмэгтэйчүүдийн ангилалд алтан медаль хүртсэн анхны Монгол тамирчин болов.

Мөн энэ жингийн хүрэл медалийг Монгол Улсын тамирчин Б.Марал хүртжээ.

С.Мөнхзул нь өнгөрсөн онд Мастеруудын дэлхийн аварга болж, Ази, Номхон далай, Африк тивийн аварга шалгаруулах тэмцээнээс алтан медаль хүртэж, шилдэг тамирчин өргөмжлөл хүртсэн билээ гэж Биеийн тамир, спортын улсын хорооноос мэдээллээ.

Дэлгэрэнгүй ...

Энтертайнмент

“Ar Gallery-үнэт бүтээлүүд” тусгай үзэсгэлэн дэлгэнэ

Нийтэлсэн

4 өдөр өмнө

2024-11-18

Нийтэлч

24barimt

“Соёлын бүтээлч сар” аяны хүрээнд “Монголын Уран зургийн Галерей”-аас зохион байгуулж буй “AR Gallery-үнэт бүтээлүүд” төслийн тусгай үзэсгэлэн 2024 оны 11 дүгээр сарын 18-наас 12 дугаар сарын 5-ны өдрүүдэд зохион байгуулагдана.

Үзэсгэлэнгийн нээлтийн ёслол 11 дүгээр сарын 18-ны өдрийн 16:00 цагт тус галерейн үзэсгэлэнгийн их танхимд болно.

Монголын Уран зургийн Галерейн уран зургийн сан хөмрөг 2009 оны тавдугаар сарын 19-ний өдөр гал түймрийн аюул тулгарч Монголын дүрслэх урлагийн сор болсон Монголын түүх, нийгмийн байдал, ахуйн болон байгалийн сэдэвт, хөрөг зургууд, орчин үеийн чиглэлийн бүтээл 1000 орчим бүтээлүүд өртсөн юм.

Тухайн цаг үеэс хойш Монгол Улсын орчин цагийн дүрслэх урлагийн сор болсон галд өртсөн үнэт бүтээлийг авран хамгаалах чиглэлээр Монголын Уран зургийн Галерей нь сэргээн засварлах, сэргээн бүтээлгэх олон талт ажлыг санаачлан хэрэгжүүлсээр ирсэн бөгөөд 2024 онд “AR Gallery-үнэт бүтээлүүд” төслийг санаачлан хэрэгжүүлж олон нийтэд танилцуулахад бэлэн боллоо.

Тус төслийн зорилго нь галын гэмтэлтэй уран зургийг AR технологийн тусламжтайгаар анхны эх бүтээлээр нь сэргээн үзэх, хосгүй үнэт бүтээлийн дүрүүдтэй бодитоор танилцах боломжийг үзэгчдэд олгох юм.

Хосгүй үнэт бүтээлүүд нь AR технологид суурилсан сонирхолтой дэглэлттэй байхаас гадна монгол, англи дохионы хэлээр тайлбарладаг “Виртуал тайлбарлагч”-тай байна гэж Соёл урлагийн газраас мэдээллээ.

Дэлгэрэнгүй ...

Энтертайнмент

“FIBA Asia Cup 2025 Qualifiers”-т өрсөлдөх шигшээ багийн бүрэлдэхүүн тодорлоо

Нийтэлсэн

4 өдөр өмнө

2024-11-18

Нийтэлч

24barimt

“FIBA Asia Cup 2025 Qualifiers” тэмцээний урьдчилсан шатны хэсгийн тоглолтод Япон болон БНХАУ-ын шигшээ багийн эсрэг тоглох Монгол Улсын шигшээ багийн 12 тоглогч тодорлоо.

Өргөтгөсөн бүрэлдэхүүнд дуудагдсан 18 тоглогчоос дасгалжуулагчдын баг дараах 12 тоглогчийг сонголоо.

А. Азбаяр

Б. Билгүүн

А. Энхбаясгалан

О. Эрдэнэцогт

Ч. Маргад

Г. Одбаяр

Ч. Ихбаяр

Г. Болор-Эрдэнэ

М. Өлзий-Орших

Т. Ууганбаяр

Б. Тулуй

Э. Саруул-Эрдэнэ

Ахлах дасгалжуулагчаар Василис Фрагкиас, туслах дасгалжуулагчаар Велибор Негованович, Б.Тамжид, А.Азбаяр нар ажиллаж байна.

Манай шигшээ баг 2024 оны арваннэгдүгээр сарын 21-нд Япон улсын Үцүномияа хотод Япон улсын шигшээ багтай, арваннэгдүгээр сарын 24-нд БНХАУ-ын шигшээ багтай Монгол Улсын нийслэл Улаанбаатар хотноо “UG Arena”-д тоглоно гэж Монголын сагсан бөмбөгийн холбооноос мэдээллээ.

Дэлгэрэнгүй ...