Дэлхий дахинд
Кремльд гарсан дроны халдлагын талаар судлаачид гурван хувилбар таамаг дэвшүүлж байна
Украины эрх баригчид ОХУ-ын ерөнхийлөгч Владимир Путиний амийг хөнөөх зорилгоор нисгэгчгүй онгоцоор Кремлийн ордон руу довтолсон тухай Лхагва гарагт Оросын тал мэдэгдсэн билээ.
Халдлага үйлдсэн хоёр дроныг ямар нэг ноцтой хохиролгүйгээр устгаж чадсанаа Кремлийн хэвлэлийн алба бас мэдээлсэн юм.
Оросын тал уг үйл явдлыг “Киевийн дэглэмийн урьдчилан төлөвлөсөн террорист халдлага” гэж нэрлээд зохих хариу арга хэмжээг авахаа амласан.
Харин Украины ерөнхийлөгч Володимир Зеленский үүнийг няцааж, “Бид Путин руу, Москва руу довтлоогүй” гэж мэдэгджээ.
Халдлагын талаар нарийн мэдээлэл хомс байгаа ч хэн ямар зорилгоор үйлдсэн байж болох талаар Өрнөдийн судлаачид, мэргэжилтнүүд гурван хувилбар таамаг дэвшүүлж байна.
1. Украины анхааруулах зорилготой үйлдэл
Оросын талын мэдэгдсэнчлэн Украины эрх баригчид Кремлийн ордон руу довтолсон гэж үзье.
Киевийн засгийн газар өмнө нь Оросын нутаг дэвсгэрт болон Оросын эзэлсэн нутаг дэвсгэрт гарсан ямар ч халдлагыг үйлдсэнээ хүлээн зөвшөөрч байгаагүй. “Украины тал дэлхийн хамгийн өндөр хамгаалалттай байгууламжид цохилт өгөх замаар өөрийн хүчин чадлыг харуулсан байх магадлалтай” гэж NATO-гийн зөвлөх, цэргийн түүхч Пэттон Рожерс өөрийн твиттер хуудсанд бичжээ.
Дүрс бичлэгт үлдсэн дроны нислэгийн замыг шинжлээд энэ нь Хятадад үйлдвэрлэсэн Mugin-5, эсвэл Украины PD-1 загварын дрон байх магадлалтайг Лондоны Хааны Коллежийн батлан хамгаалах этик судлалын төвийн эрдэмтэн Марина Мирон хэлсэн байна.
Харин Рожерс уг нисдэг төхөөрөмжийг Украины зэвсэгт хүчинд өргөн ашигладаг UJ-22 дрон байж болзошгүй гэж дүгнэжээ.
“UJ-22 алсын зайд нисэх чадвартай тул Москва хүрэх боломжтой” гэж тэр хэлж байна.
Уг дрон нь 800 км хүртэл зай туулах чадвартай, харьцангуй нам өндөрт, удаан нисдэг тул зарим радараас зугтах боломжтойг Рожерс тайлбарлажээ. Ижил загварын дроныг энэ оны хоёрдугаар сард Москвагийн ойролцоох Газпромын байгууламж руу довтлоход ашиглаж байсныг зарим эх сурвалжууд мэдээлж байв.
Украин халдлагыг зохион байгуулсан нь үнэн байлаа ч Путиний амийг хөнөөх зорилготой байсан гэдэгт эргэлзэж байгаагаа Рожерс илэрхийлжээ.
Учир нь дроны тээвэрлэж явсан тэсрэх бөмбөг ийм зорилгод хэтэрхий жижигдэнэ гэж тэр үзэж байна.
“Хэрвээ энэ нь хүчин чадлаа харуулах биш, аллага үйлдэх зорилготой байсан бол бидний харсан дэлбэрэлт хэтэрхий бага хэмжээтэй харагдаж байна. Бөмбөгний хэмжээ хүчитгэсэн ханатай барилга байгууламжид цохилт өгөхөд хэтэрхий бага байна” гэж Рожерс тайлбарлажээ.
Тэгээд ч Путиний хаана байгааг мэдэхгүй мөртлөө ийм дрон хоёрхон ширхгийг илгээсэн нь аллага үйлдэх зорилготой байсан гэхэд итгэмээргүй гэж тэр дүгнэсэн байна.
Энэ дүгнэлттэй санал нийлж буйгаа илэрхийлсэн Мирон “Үүнийг нэг төрлийн анхааруулга гэж ойлгож болох байх. Дараагийн удаа илүү хүчтэй цохилт өгч чадахаа харуулсан байж болзошгүй” гэж ярьжээ.
2. Цохилтыг Оросууд өөрсдөө зохион байгуулсан
Ингэж дүгнэх хэд хэдэн үндэслэл бий. Путин хэзээ ч ийм эрсдэл гаргах хүн биш. Кремлийн барилга байгууламжид маш бага хохирол учирсан. Орос орон халдлагад өртсөн тухай улс төрчид тэр дороо ам нийлүүлэн шуугьж эхэлсэн.
Тиймээс энэ нь Украины ерөнхийлөгч Володимир Зеленскийн амийг хөнөөх халдлагаа зөвтгөх зорилгоор Оросын талаас зориуд зохион байгуулсан ажил байж болохыг Рожерс хэлж байна.
Оросын эрх баригчид өөрийн дараагийн төлөвлөсөн үйлдлийг зөвтгөх зорилгоор хуурамч арга хэмжээг урьдчилж зохион байгуулдаг нь нууц биш болсон.
Дайн эхэлсэн цагаас хойш Оросын талаас Зеленскийг устгах ажиллагааг хэд хэдэн удаа зохион байгуулаад бүтэлгүйтсэн гэдэг.
Тиймээс энэ удаа тэд илүү түрэмгий, аюултай төлөвлөгөө боловсруулсан байж болзошгүйг Рожерс хэлж байна.
Украины ерөнхийлөгчийн зөвлөх Михаило Подоляк өмнө нь Зеленскийн амийг хөнөөх оролдлого арав гаруй удаа гарч байсныг өнгөрсөн онд хэвлэлд ярьсан байдаг.
АНУ-ын тагнуулын албаныхан ч үүнийг баталдаг юм.
Кремлийн халдлагыг Оросууд зохион байгуулсан байх бас нэг шалтгаан нь олон нийтийн дэмжлэгийг авах зорилго байж магадгүйг доктор Мирон хэлжээ.
“Оросын эрх баригчдад яагаад Украины дайныг үргэлжлүүлэх хэрэгтэй байгаагаа зөвтгөх шалтгаан хэрэгтэй. ‘Украин ямар аюултайг харж байна уу. Бүр Путинийг хүртэл алахыг завдаж байна шүү’ гэсэн мессэжийг ард иргэддээ өгөхийг хүссэн байх магадлалтай” гэж тэр ярьсан байна.
3. Путиний эсрэг Оросын дотоодоос үйлдсэн халдлага
“Гурав дахь хувилбар нь Украинтай ямар ч холбоогүй байж болно” гэж Рожерс өөр нэг хувилбарыг дэвшүүлсэн юм.
Украины ерөнхийлөгчийн зөвлөх Михаило Подоляк яг энэ санааг бас илэрхийлээд байгаа.
“Уг халдлага нь дотоодын эсэргүү хүчний партизаны ажиллагаа байх боломжтой. Ийм төрлийн дроныг аль ч дэлгүүрээс авч болно” гэж тэр хэлсэн юм.
Өмнө нь ч бас ОХУ-ын нутаг дэвсгэрт дотоодын хүчний хорлон сүйтгэх үйлдлүүд гарч байсан.
Гэхдээ энэ хувилбар таамаг үнэн байсан ч жинхэнэ үнэнийг мэдэх боломж маш бага болохыг судлаачид хэлж байна.
“Оросын дотоодын хараа хяналт маш өндөр тул ийм халдлагыг зохион байгуулсан хүмүүс амархан баригдах боломжтой. Энэ тохиолдолд бид бодит үнэнийг хэзээ ч мэдэхгүй өнгөрч болох юм. Магадгүй зуун жилийн дараа нууцаас ил гарсан баримт юу болсныг мэдэх боломж олгох байх” гэж Мирон тайлбарлажээ.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Улс төр3 цаг өмнө
Мюнхэн хотын Амбан захирагч Кристоф Мартин Гёбель илтгэл тавилаа
-
Нийгэм10 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм10 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм11 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм10 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Улс төр8 цаг өмнө
Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа
-
Нийгэм8 цаг өмнө
Монгол Улсаас жүдо бөхийн 6 дахь Дэлхийн аварга төрлөө
-
Нийгэм7 цаг өмнө
Х.Нямбаатар: Нийслэлийн өмчийн асуудалтай холбоотойгоор Л.Наранбаатар, Ц.Батбаатар нарыг хуулийн байгууллагаар шалгуулна