Дэлхий дахинд
Сүүлийн 20 жил БНТУ-ын төр, засгийг ээлжлэн барьж байгаа ерөнхийлөгч дахин сонгогдлоо
Туркийн ерөнхийлөгчийн хоёр дахь шатны сонгуулиар тус улсын одоогийн ерөнхийлөгч Режеп Тайип Эрдоган дахин сонгогдлоо. Сонгуулийн хорооны мэдээлснээр ерөнхийлөгч Эрдоган 52.14 хувийн саналаар ялалт байгуулж, түүний өрсөлдөгч Кемаль Кылычдароглу 47.86 хувийн санал авсан байна.
Эрдоган ялалтын үгэндээ: Улс орныхоо эдийн засгийг сэргээж, инфляцыг бууруулахын зэрэгцээ байгалийн гамшгаас сэргээн босгох ажлыг эрчимжүүлэхээ амласан байна.
Энэ сарын 14-нд болсон бүх нийтийн сонгуулийн эхний шатанд нэр дэвшигчийн хэн нь ч 50-аас дээс хувийн санал аваагүй тул хоёр дахь шатны санал хураалт гол хоёр өрсөлдөгчийн дунд болж өнгөрлөө. Туркийн консерватив үзэлтэй Шударга ёс, хөгжлийн намын тэргүүн, өдгөө 69настай Эрдоган нь сүүлийн 20 жил Туркийн засаг, төрийг ээлжлэн барьж ирсэн. Тэрээр 2003-2014 оны хооронд Турк улсын ерөнхий сайд, 2014 оноос хойш 2 дараалан ерөнхийлөгчөөр сонгогдон ажиллаж байна. Эрдоган дахин сонгогдсоноор түүний 20 жилийн засаглал нь дахин таван жилээр сунгагдаж байна. Эрдоганы 3 дахь бүрэн эрхийн хугацаанд буюу ирэх 5 жилд Туркийн инфляцыг бууруулах, газар хөдлөлтийн гамшгаас 11 мужаа сэргээн босгох зэрэг томоохон сорилтууд хүлээж байна. Туркийн үндэсний мөнгөн тэмдэгт Лирийн ханш энэ он гарсаар 6 хувь, сүүлийн 10 жилд 90 гаруй хувиар унаад байна.
Эрдоганы засаглал дор Турк улс 2017 онд бүх нийтийн санал хураалтаар парламентын засаглалаа халж, бэлгэдлийн чанартай байсан ерөнхийлөгчийн эрх мэдлийг бэхжүүлсэн юм. Харин түүний өрсөлдөгч Кылычдароглу ардчиллаас ухарсан ерөнхийлөгчийн засаглалыг зогсоож, парламентын засаглал руугаа эргэж орох, уламжлалт бодлогод шилжих замаар эдийн засгаа сэргээж, Өрнөдийн орнуудтай харилцаагаа сайжруулах амлалтыг сонгуулийг кампанитынхаа гол цөм болгож байсан. Эрдоганы гурав дахь бүрэн эрхийн хугацаанд Турк улс НАТО-гийн гишүүн орнуудтай илүү нягт хамтран ажиллаж, Украины дайнд илүү нарийн маниевр хийх нь гарцаагүй гэж шинжээчид таамаглаж байна. Дэлхийн улс орнуудын төрийн тэргүүн нар Эрдоганыг гурав дахь удаагаа ялсанд баяр хүргэж байгаагаас харахад Турк улс болоод Эрдоган дэлхийн улс төрд ихээхэн үүрэг оролцоотой байгааг илтгэж байна гэж олон улсын хэвлэлүүдэд онцолжээ.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм6 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм5 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм5 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм5 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Нийгэм3 цаг өмнө
ЦЕГ: 350 хэргийг шүүхэд шилжүүлэх саналтай прокурорт хүргүүллээ
-
Улс төр3 цаг өмнө
Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа
-
Нийгэм3 цаг өмнө
Монгол Улсаас жүдо бөхийн 6 дахь Дэлхийн аварга төрлөө
-
Нийгэм2 цаг өмнө
Х.Нямбаатар: Нийслэлийн өмчийн асуудалтай холбоотойгоор Л.Наранбаатар, Ц.Батбаатар нарыг хуулийн байгууллагаар шалгуулна