Нийгэм

Алтан цомын төлөөх барилдаанд Архангай аймгийн баг шөвгийн дөрөвт шалгарлаа

Нийтэлсэн

2 долоо хоног өмнө

2024-04-16

Нийтэлч

Монголын Үндэсний бөхийн холбооны “Үндэсний Алтан цомын төлөөх” шигшээ найман багийн барилдаан Дөрөвдүгээр сарын 15-нд эхэллээ.

Эхний барилдаан Архангай-Төв аймгуудын хооронд өрнөж, Архангай аймгийн баг 18:07-аар илт давуу ялалт байгуулснаар шөвгийн 4 багт шалгарч үлдэв.

Архангай аймгийн баг улсын харцага Б.Зоригтбаатар /5/, улсын харцага С.Сүхбат /4/, аймгийн арслан Э.Мөнхжаргал /2/, аймгийн арслан Д.Ням-Очир /4/, цэргийн заан Ө.Батсуурь /2/ тавдугаар тойргоос сэлгээнд сууж, түүний оронд орж барилдсан улсын арслан Р.Пүрэвдагва /1/ нийт 18 даваа авсан бол Төв аймгийн багт улсын начин Д.Хүдэрбулга /4/, аймгийн хурц арслан Э.Төгөлдөр /0/, аймгийн арслан Л.Даваажамц /2/, аймгийн арслан Н.Дашдаваа /1/, аймгийн арслан Л.Энхтүвшин /0/ нийт 7 даваа авлаа. Төв аймгийн баг сэлгээгүй барилдав.

Архангай аймгийн багийн дасгалжуулагчаар улсын гарди Д.Рагчаа, улсын начин Ч.Ганзориг, Төв аймгийн багийн дасгалжуулагчаар улсын харцага Ө.Даваабаатар нар ажилласан юм.

Ялсан Архангай аймгийн баг шөвгийн дөрөвт шалгарч 20.000.000 төгрөгийн шагналын болзол биелүүлсэн бол ялагдсан буюу наймд шалгарсан баг 5.000.000 төгрөгийн шагналаа гардлаа.

Өнөөдөр буюу дөрөвдүгээр сарын 16-ны орой 19:45 цагаас Өвөрхангай-Өмнөговь аймгууд учраа тааран барилдана.

МОНГОЛЫН ҮНДЭСНИЙ БӨХИЙН ХОЛБОО

Сэдвүүд:

Дэлгэрэнгүй ...

Нийгэм

Иргэний шилжилт хөдөлгөөнийг түр зогсоолоо

Нийтэлсэн

14 цаг өмнө

2024-04-29

Нийтэлч

24barimt

УИХ-ын сонгуулийн тухай хуулийн 25 дугаар зүйлд заасны дагуу иргэний шилжилт хөдөлгөөний бүртгэлийг сонгуулийн санал авах өдрөөс 60 хоногийн өмнө зогсооно гэсний дагуу өнөөдрөөс буюу 2024 оны дөрөвдүгээр сарын 29-ний өдрөөс түр зогсоолоо.

Иргэний шилжилт хөдөлгөөний бүртгэлийг сонгуулийн санал авах өдрийн дараах өдрөөс сэргээнэ гэж УБЕГ-аас мэдээллээ.

Дэлгэрэнгүй ...

Нийгэм

Интерполын “Улаан булант” зар мэдээгээр эрэн сурвалжлагдаж байсан иргэнийг “шувуу” ажиллагааны хүрээнд баривчлан, албадан авчирлаа

Нийтэлсэн

15 цаг өмнө

2024-04-29

Нийтэлч

24barimt

Олон Улсын Эрүүгийн цагдаагийн байгууллага Интерполын “Улаан булант” зар мэдээгээр эрэн сурвалжлагдаж байсан Монгол Улсын иргэн “М”-г холбогдох хууль тогтоомжийн хүрээнд энэ оны 04 дүгээр сарын 21-ний өдөр Бүгд Найрамдах Турк Улсаас Монгол Улсад албадан авчирч мөрдөн шалгах ажиллагааг үргэлжлүүлэн явуулж байна.

Уг этгээд нь “Шувуу” ажиллагааны хүрээнд эрэн сурвалжлагдаж байгаа оргодол этгээдүүдийн жагсаалтад багтсан ба бусадтай бүлэглэн олон удаагийн үйлдлээр мал хулгайлах гэмт хэрэг үйлдсэн гэх хэрэгт шалгагдаж байхдаа гадаад улсад оргон зайлсан.

Түүнийг Монгол улсад авчрах ажиллагааг Хууль зүй, дотоод хэргийн яам, Гадаад хэргийн яам, Цагдаагийн Ерөнхий Газар хамтран зохион байгууллаа.

Дэлгэрэнгүй ...

Нийгэм

Баянхонгорын Гурванбулаг суманд 20 см цасан бүрхүүл тогтжээ

Нийтэлсэн

18 цаг өмнө

2024-04-29

Нийтэлч

24barimt

Өнөө өглөөний цаг уурын станц, харуулын цасны зузааны мэдээгээр өнгөрсөн долоо хоногт /2024.04.22-29/ Увсын зүүн, Хөвсгөлийн баруун, Завхан, Архангайн, Өвөрхангайн нутаг, Говь-Алтай, Баянхонгор, Дундговийн хойд хэсэг, Өмнөгөвь, Төв, Сэлэнгэ аймгийн зарим газраар 0.1-20.0 см цасан бүрхүүл тогтсон. Хамгийн их нь Баянхонгорын Гурванбулаг 20.0 см, Бөмбөг 16.0см, Бууцагаан, Хүрээмарал 12.0см, Өвөрхангайн Арвайхээр, Уянга 9.0см, Өмнөговийн Даланзадгад 6.0 см, бусад хэсгээр 0.0-5.0 см цасан бүрхүүл тогтсон байна.

Тухайлбал, 23-нд Хангай, Хөвсгөл, Хэнтийн уулархаг нутгаар 0.0-5.0мм, 24-нд баруун болон зүүн аймгуудын нутгийн хойд хэсэг, төвийн аймгуудын ихэнх нутгаар 0.0-2.0мм, 25-нд нутгийн хойд хэсгээр 0.0-5.0мм, 26-нд баруун болон төвийн аймгуудын нутгийн зарим газраар 0.0-7.0мм, 27,28-нд нутгийн баруун өмнөд хэсгээр 0.0-19.0 мм бороо, нойтон цас орсон байна. Үүнээс хамгийн их нь Өмнөговийн Булган 27.8мм, Өвөрхангайн Арвайхээр 23.3мм, Баянхонгорын Гурванбулаг 21.2 мм, Өмнөговийн Ноён 20.0мм, Өвөрхангайн Зүүнбаян 19.2мм, Өмнөговийн Ханбогд 19.0мм, Архангайн Цэцэрлэг 18.0мм, бусад нутгаар 0.0-17.3 мм бороо, нойтон цас оржээ.

Эх сурвалж: ЦУОШГ