Нийгэм
Шинжлэх ухааны академи Булган аймагтай хамтран судалгааны ажлууд хийнэ
Шинжлэх ухааны академийн Дэд ерөнхийлөгч тэргүүтэй судлаачдын баг Булган аймагт “Шинжлэх ухаан, технологи, инновацыг орон нутагт нутагшуулъя” аяны хүрээнд ажиллав.
Энэ сарын 3-4-ний өдрүүдэд болсон тус арга хэмжээний үеэр Булган аймгийн ЗДТГ-тай хамтран ажиллах санамж бичиг байгууллаа.
Санамж бичгийн хүрээнд 2024-2027 онд судалгааны 3 ажлыг хамтран хэрэгжүүлэхээр болжээ. Үүнд:
“Тэрбум мод” үндэсний хөдөлгөөний хүрээнд аймгийн суурин газруудад тарих мод, сөөгийг сонгох, тэдгээрээр дамжуулан хүрээлэн буй орчны бохирдлыг саармагжуулах судалгаа;
Ойн цэвэрлэгээ, мод бэлтгэлийн хаягдал, газар тариалангийн сүрэл, ургамлын иш, эрчимжсэн мал аж ахуйн хаягдал зэрэг органик хаягдлын боловсруулалт, дахин ашиглалтын технологийн судалгаа;
Нефть, нефтийн бүтээгдэхүүнээр бохирдсон хөрсний мониторинг, бохирдлыг бууруулах судалгааг тус тус хийх юм.
Мөн аяны үеэр ШУА-ийн Хими, химийн технологийн хүрээлэн, Булган аймгийн Байгаль орчны газартай хамтран “Хог хаягдлын менежмент” сэдэвт сургалт зохион байгуулж, инновацын бүтээгдэхүүний үзэсгэлэнд академийн харьяа 4 хүрээлэнгийн 40 орчим бүтээгдэхүүнийг орон нутгийн иргэд, аж ахуйн нэгжүүдэд танилцуулав гэж БШУЯ-наас мэдээллээ.
Нийгэм
Улсын хэмжээнд 12.9 сая төл хүлээн авч, 11.9 сая төл бойжиж байна
Улсын хэмжээнд 12.9 сая төл хүлээн авч, 11.9 сая төл бойжиж, төл бойжилт 92.4 хувьтай байна.
Төллөвөл зохих 23.2 сая эх малын 55.6 хувь буюу 12.9 сая эх мал төллөөд байна.
Бүсээр нь авч үзвэл, баруун бүс 67.5, зүүн бүс 32.9, төвийн бүс 43.9, хангайн бүс 56.4 хувьтай мал төллөлт үргэлжилж байна гэж ХХААХҮЯ-наас мэдээллээ.
Нийгэм
Цэргийн ёслол, хүндэтгэлийн ёслолын жагсаалд 1600 орчим алба хаагч, тусгай албаны техник хэрэгсэлтэйгээр оролцлоо
Нийгэм
Хоногт 5 грамм ба түүнээс бага хэмжээний давс хэрэглэхийг зөвлөдөг
Үйлдвэрийн аргаар боловсруулсан хүнсний бүтээгдэхүүний 83.6 хувь, нийтийн хоолны 81.6 хувь нь давс ихтэй байна.
Хоногт 5 грамм ба түүнээс бага хэмжээний давс хэрэглэхийг зөвлөдөг.
Монгол Улсад 2019 онд хийгдсэн “Халдварт бус өвчин, осол гэмтлийн шалтгаан, эрсдэлт хүчин зүйлсийн тархалтын үндэсний IV судалгаа”-гаар нийт хүн амын давсны дундаж хэрэглээ 10.5 г байгаа нь 2013 оны судалгааны үр дүнтэй харьцуулахад үндэсний хэмжээнд 0.6 г, баруун бүсэд 5.1 г, Улаанбаатар хотод 1.2 г -аар тус тус буурсан үзүүлэлттэй байгаа ч монгол хүний давсны хоногийн хэрэглээ нь ДЭМБ-ын зөвлөмж хэмжээнээс 2 дахин их хэвээр байна.