Энтертайнмент

Гавьяат тамирчин Э.Цэндбаатарын ээлжит тулаан аравдугаар сарын 9-нд болно

Нийтэлсэн

21 цаг өмнө

2024-09-20

Нийтэлч

Сонирхогчдын боксын ДАШТ-ий хүрэл медальт, “Жакарт-2018” Азийн наадмын аварга, 2019 оны Ази тивийн алтан медальт, гавьяат тамирчин Э.Цэндбаатар мэргэжлийн боксын рингэнд 10 тулаан хийж, бүгдэд нь ялалт байгуулсан билээ.

10 ялалтынхаа 5-т нь хүнд цохилтоор учраагаа буулган авсан түүний дараагийн тулаан аравдугаар сарын 9-нд болох тов гарсан бөгөөд өрсөлдөгч нь Доминиканы боксчин Френси Фортунато байх юм.

Өдгөө 26 настай Френси Фортунато нь зургаан жилийн өмнөөс мэргэжлийн боксоор хүч үзэж, нийт 16 тулаан хийхэд 15-т ялалт байгуулж, нэг ялагдал хүлээсэн тамирчин байна.

15 ялалтынхаа 11-т нь хүнд цохилтоор өрсөлдөгчөө ялжээ.

Тэдний тулаан АНУ-ын Флорида мужийн “Probox Events” төвд болох юм гэж Биеийн тамир, спортын улсын хорооноос мэдээллээ.

Сэдвүүд:

Дэлгэрэнгүй ...

Энтертайнмент

“Музей ба монгол бичиг” өдөрлөг болж байна

Нийтэлсэн

19 цаг өмнө

2024-09-20

Нийтэлч

24barimt

Чойжин ламын сүм музейд “Музей ба монгол бичиг” өдөрлөг болж байна.

Тус музейд хадгалагдаж буй Монголын түүх, шашин, соёл урлагт холбогдох үнэт нандин өв бүтээлүүдийг таниулан сурталчлах, музейн үйлчилгээг бүх насны иргэдэд хүртээмжтэй байлгах, тэдний нас, хүйс, онцлогт нийцсэн соёлын бүтээлч үйлчилгээ, бүтээгдэхүүнийг бий болгох, үндэсний бичиг, соёлыг сурталчлах, хүүхэд залуучуудад номын эрдмийг түгээн дэлгэрүүлэх зорилгоор “Бичиг соёл” төвтэй хамтран энэхүү өдөрлөгийг зохион байгуулж байна гэж Соёл, урлагийн газраас мэдээллээ.

Дэлгэрэнгүй ...

Энтертайнмент

Монголын эрэгтэй баг хожиж, эмэгтэй баг тэнцлээ

Нийтэлсэн

23 цаг өмнө

2024-09-20

Нийтэлч

24barimt

Унгар улсын нийслэл Будапешт хотод хоёр жил тутамд болдог Дэлхийн шатрын Олимпиад есдүгээр сарын 10-23-ны өдрүүдэд болж байна.

45 дахь удаагийн тэмцээнийн эрэгтэйчүүдийн ангилалд 196, эмэгтэйчүүдэд 181 орны баг өрсөлдөж байгаа бол манай улсаас Үндэсний шигшээ багийн дасгалжуулагч Д.Төрмөнх, Д.Янжиндулам нарын удирдлага дор эрэгтэйчүүдийн багт IM Г.Амартүвшин, FM С.Чингүүн, FM Э.Баасансүрэн, IM Э.Амилал, FM Х.Итгэлт нар тоглож буй бол эмэгтэйчүүдийн багт WGM Т.Мөнхзул, IM, гавьяат тамирчин Б.Мөнгөнтуул, WGM Д.Номин-Эрдэнэ, WFM Э.Хүслэн, WCM Б.Мөнгөнзул нар өрсөлдөж байгаа юм.

Өнөөдөр тэмцээний долоо дахь өрөгт Монгол Улсын эрэгтэй баг Ливан улсын багийг 3:1-ээр хожиж, дараагийн өрөгт Панама улсын багтай өрсөлдөх бол манай улсын эмэгтэй шатарчид долоо дахь өрөгт ХБНГУ-ын багтай тэнцэж, найм дахь өрөгт Армен улсын багтай тоглохоор боллоо гэж Биеийн тамир, спортын улсын хорооноос мэдээллээ.

Дэлгэрэнгүй ...

Энтертайнмент

Улаанбаатар хотын бүжгийн спортын аварга шалгаруулах тэмцээн болно

Нийтэлсэн

2 өдөр өмнө

2024-09-19

Нийтэлч

24barimt

Нийслэлийн Засаг дарга бөгөөд Улаанбаатар хотын Захирагчийн ивээл дор нийслэл Улаанбаатар хотын 385 жилийн ойн хүрээнд “Улаанбаатар хотын бүжгийн спортын аварга шалгаруулах XX дахь удаагийн тэмцээн”-ийг “Буянт-Ухаа” спорт ордонд маргааш буюу есдүгээр сарын 20-нд зохион байгуулахаар боллоо.

НЗДТГ, нийслэлийн Соёл, урлагийн газар, Монголын Бүжгийн спортын холбоо хамтран зохион байгуулж буй уг тэмцээн нь хүүхэд, өсвөр үе, залуучууд, иргэдийг бүжгийн спортоор дамжуулан төлөвшүүлэх, гоо зүйн мэдлэг олгох, хамт олонч байдал, багаар ажиллах болон тамирчдын ур чадварыг нэмэгдүүлэх зорилготой.

Мөн энэхүү тэмцээнд нийслэлийн хэмжээнд үйл ажиллагаа явуулж буй бүжгийн спортын клубын тамирчид, ерөнхий боловсролын сургуулийн сурагчид, их, дээд сургуулиудын оюутнууд, төрийн болон төрийн бус байгууллагын албан хаагч оролцох боломжтой. Тодруулбал, тэмцээн дараах үе шаттай болно.

Хүүхэд нас /1/: 9 болон түүнээс доош нас
Хүүхэд нас /2/: 10-11 нас
Өсвөр нас /1/: 12-13 нас
Өсвөр нас /2/: 14-15 нас
Залуучууд: 16-18 нас
Насанд хүрэгчид: 19-с дээш нас
Сеньор: 35-с дээш нас

Тэмцээнийг Монголын бүжгийн спортын холбооны дүрмийн дагуу, скейтинг системийг ашиглан шүүх бөгөөд Тэмцээний ангилал тус бүрд финалистуудыг шалгаруулан медаль, өргөмжлөл гардуулна. Мөн энэ удаагийн “Улаанбаатар хотын бүжгийн аварга шалгаруулах тэмцээн”-ийг Дэлхийн бүжгийн спортын холбооны А зэрэглэлийн шүүгчид шүүх юм. Тухайлбал, БНХАУ-ын улсын шүүгч Марко Лю, БНСВУ-ын улсын шүүгч Хана Тү Транг, ОХУ-ын Буриад улсын бүжгийн спортын холбооны тэргүүн, шүүлтийн системийн мэргэжилтэн Александр Зубенко нар шүүнэ.

Дэлгэрэнгүй ...