Нийгэм

Газрыг эргүүлэн авахдаа нөхөх олговор олгоно

Нийтэлсэн

1 өдөр өмнө

2025-04-02

Нийтэлч

Баянгол дүүргийн Засаг даргын 2024 оны А/121 дүгээр захирамжаар “усны онцгой хамгаалалттай бүс, үерийн далангийн хамгаалалтын бүс, цахилгаан шугам, Сэлбэ, дунд голын байгалийн нөөц газартай давхацсан” гэсэн үндэслэлээр А-гийн газар эзэмших эрхийг хүчингүй болгосон. Иргэн А-гаас “2013 онд хуулийн дагуу газрыг шилжүүлж авсан, захиргаа газар олгохдоо хууль зөрчиж олгосон бол 5 жилийн дотор хүчингүй болгох эрхтэй, энэ хугацаа өнгөрсөн” гэж маргасан.

Анхан шатны шүүхээс “… эерэг нөлөөлөл бүхий хууль бус захиргааны актыг хүчингүй болгох 5 жилийн хугацаа өнгөрсөн” гэх агуулгаар нэхэмжлэлийг хангасан бол давж заалдах шатны шүүхээс “… нийтийн ашиг сонирхол буюу Улаанбаатар хотын усны сан бүхий газрыг хамгаалах, зөрчлийг арилгах зорилгод нийцсэн” гэсэн агуулгаар нэхэмжлэлийг хэрэгсэхгүй болгосон.

Хяналтын шатны шүүхээс А/121 дүгээр захирамжийг түдгэлзүүлж, дахин шинэ акт гаргахыг хариуцагчид даалгаж шийдвэрлэсэн.

Учир нь, усны онцгой хамгаалалтын бүсэд аж ахуйн үйл ажиллагаа эрхлэх, барилга байгууламж барихыг хуулиар хориглосон тул нэхэмжлэгчийн эзэмшил газарт усны онцгой хамгаалалтын бүс байрлаж байгаа бол уг давхацсан хэмжээгээр иргэн А нь “аж ахуйн зориулалтаар” газар эзэмших эрхгүй, харин давхцаагүй үлдэх хэсэгтээ газрыг үргэлжлүүлэн эзэмшихээр шаардах эрхтэй, энэ тохиолдолд газрын хаагуур нь усны онцгой хамгаалалтын бүс байрлаж байгаа, энэ давхцалын хэмжээ нь тодорхойгүй, давхцалыг хасаад үлдэх газар нь хэдий хэмжээтэй болох, түүнийг ямар зориулалтаар эзэмшүүлэх боломжтой болохыг шийдэх нь захиргааны байгууллагын үүрэг байх тул нөхцөл байдлыг тодруулахыг захиргаанд даалгав.

Захиргааны байгууллага нь нийтийн эрх ашгийг хамгаалах зорилгодоо хүрэх аргаа зөв сонгох, тухайлбал, хуульд заасан ямар аргаар захиргааны байгууллагын өмнөх эрх олгосон шийдвэрийн дагуу үйл ажиллагаа явуулж байгаа газар эзэмшигч этгээдэд дарамт багатайгаар нөлөөлөх шийдвэрийн боломжит хувилбарыг судалсны эцэст хамгийн багаар эрхийг нь хөндөх шийдвэр гаргах ёстой, энэ тохиолдолд захиргаа нь зөвхөн газар эзэмших эрхийг хүчингүй болгоод орхисон буюу үүсэх үр дагаврыг шийдвэрлээгүй нь буруу гэж хяналтын шатны шүүхээс үзэв.

Санамж: Энэ тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Эх сурвалж: Улсын Дээд шүүх

Сэдвүүд:онцлох

Дэлгэрэнгүй ...

Нийгэм

Үндэсний бөхийн тамирчдаас допингийн хяналтын зорилгоор сорьц авч шинжлүүлжээ

Нийтэлсэн

27 минут өмнө

2025-04-03

Нийтэлч

24barimt

Монгол Улсын Засгийн газрын 2022 оны 10 дугаар сарын 19-ний өдрийн 376 дугаар тогтоолоор баталсан Допингийн Эсрэг Үндэсний Дүрмийн дагуу үндэсний бөхийн тамирчдаас допингийн хяналтын зорилгоор тэмцээний болон тэмцээний бус үеийн шинжилгээнд биологийн сорьц цуглуулан авч Дэлхийн Допингийн Эсрэг Агентлагийн итгэмжлэгдсэн ХБНГУ, БНСУ, Швейцарь улсын лабораторт хүргүүлэн шинжлүүлэв.

Допингийн эсрэг үндэсний дүрмийн дагуу Монголын Допингийн Эсрэг Үндэсний Байгууллага нь допингийн шинжилгээний үр дүн, зөрчил, авсан арга хэмжээний талаар олон нийтэд мэдээлэх үүрэгтэй тул мэдээлж байна. Үүнд:

⁃ Шинжилгээний үр дүн

⁃ Допингийн зөрчил гаргасан тамирчин болон холбогдох этгээдийн мэдээлэл

⁃ Илэрсэн хориглосон бодис, хориотой арга

⁃ Тухайн тамирчинд оноосон шийтгэл болон түр түдгэлзүүлэлт хийсэн талаар

Допингийн шинжилгээнд зөрчил илэрсэн тамирчдад дүрмийн дагуу дараах эрхийг ханган ажиллаж байна:

• Лабораторийн шинжилгээний хуудас, А сорьцын баримт бичгийн багцыг нэмэлтээр авах

• В сорьцыг шинжлүүлэх

• Тайлбар өгөх

• Допингийн Эсрэг Үндэсний Дүрмийн хүрээнд хамтран ажиллах нөхцөлийг бүрдүүлэх

Монгол Улсад допингийн эсрэг олон улсын жишигт нийцсэн хяналт, шалгалтыг хэрэгжүүлж, үндэсний бөхийн нэр хүндийг хамгаалах, шударга өрсөлдөөнийг дэмжих бодлогыг баримтлан ажиллаж байна.

Допингийн эсрэг хяналт, үр дүнгийн талаарх мэдээллийг олон нийтэд тухай бүрд нь хүргэн ажиллах болно гэж Монголын Допингийн Эсрэг Үндэсний Байгууллагаас мэдээллээ.

Дэлгэрэнгүй ...

Нийгэм

Барилгын ажил хийх үедээ унаж гэмтжээ

Нийтэлсэн

1 цаг өмнө

2025-04-03

Нийтэлч

24barimt

Урин дулааны улирал эхлэн, барилга бүтээн байгуулалтын ажил эд өрнөж байгаа энэ үед хөдөлмөрийн аюулгүй ажиллагааны дүрэм журмыг баримтлаагүйгээс үүдэн иргэд гэмтэх цаашлаад амь насаа алдах эрсдэл үүсч байна.

Тодруулбал, Баянзүрх дүүргийн цагдаагийн газрын хоёрдугаар хэлтэст барилга дээр засвар хийж байсан хүн уналаа гэх дуудлага мэдээлэл бүртгэгдсэн.

Дуудлага мэдээллийн дагуу шалгалтын ажиллагаа явуулахад 51 настай иргэн Б нь барилгын ажил хийх явцдаа 16 давхраас 13 давхарлуу унаж зүүн далны доод хэсгийг хугалж гэмтээжээ.
Иймээс иргэд та бүхэн барилга байшингийн засвар үйлчилгээ, бүтээн байгуулалтын ажил гүйцэтгэхдээ хөдөлмөрийн аюулгүй ажиллагааг хангаж, дүрэм журмын дагуу ажиллахыг цагдаагийн байгууллагаас сэрэмжлүүлж байна.

Дэлгэрэнгүй ...

Нийгэм

Манай улс НҮБ-ын хүний эрхийн зөвлөлд дөрөв дэх тайлангаа хүргүүлнэ

Нийтэлсэн

2 цаг өмнө

2025-04-03

Нийтэлч

24barimt

“MONGOLIA-EU HUMEN RIGHTS DIALOGUE” буюу “Монгол Улс-Европын Холбооны хүний эрхийн яриа хэлэлцээ” сэдэвт уулзалт Гадаад харилцааны яаманд боллоо.

Европын холбоо болон манай улсын хүний эрхийг хамгаалах чиглэлээр үйл ажиллагаа явуулдаг төрийн байгууллагууд, ХЗДХЯ, ГБХНХЯ-аас хэлэлцүүлэгт оролцож, Хүний эрхийн олон улсын байгууллагаас манай улсад өгсөн зөвлөмжийг хэрэгжүүлэхэд хэрхэн анхаарч ажиллаж байгаа талаар мэдээлэл өглөө.

Өнгөрсөн жил НҮБ-ын Хүний эрхийн зөвлөлд манай улс Хүний эрхийн төлөв байдлын дунд хугацааны тайланг хүргүүлсэн.

2025 онд Хүний эрхийн төлөв байдлын дөрөв дэх тайлангаа хүргүүлэхээр ажиллаж байна.

Манай улс Хүний эрхийн олон улсын байгууллагаас өгсөн зөвлөмжийг хэрэгжүүлэх үйл ажиллагааны төлөвлөгөөг баталж, төлөвлөгөөний хэрэгжилтэд хяналт тавих орон тооны зөвлөлийг байгуулсан.

Энэ ажлын хүрээнд ядуурлыг бууруулах чиглэлээр хэрэгжүүлж буй бодлого, шийдвэрийн талаар ГБХНХЯ-наас танилцууллаа.

Монгол Улсын Засгийн газрын 2024-2028 оны үйл ажиллагааны хөтөлбөрт хүний хөгжлийн үзүүлэлтийг 10 байр ахиулж, ядуурлын түвшнийг 2 дахин бууруулах зорилтыг тусгасан.Мөн “Алсын хараа 2050” Монгол Улсын урт хугацааны хөгжлийн бодлогод 2030 он гэхэд ядуурлын түвшнийг 15 хувь, 2050 онд 5 хувь болгон бууруулах зорилт тавьсан. Эдгээр зорилтыг хэрэгжүүлэхээр ажиллаж байна.

Дэлгэрэнгүй ...