Энтертайнмент

Т.Ариунаа: “Тэнгэр шиг бай” тоглолтоороо нийгмийн оюун санаанд тэсрэлт хийнэ

Нийтэлсэн

6 жил өмнө

2019-10-29

Нийтэлч

Урлагийн тайзыг 37 жил эзэгнэхдээ дуулсан дуу болгон нь хит болж, тоглолт бүрээрээ шинэ жишиг тогтоож чадсан уран бүтээлч бол Монгол Улсын гавьяат жүжигчин, НҮБ-ын Хүүхдийн сангийн элч дуучин Т.Ариунаа юм. Тэрбээр “Гайхамшигт үдэш” тоглолтоо 2009 онд хийснээс хойш яг 10 жилийн дараа “Тэнгэр шиг бай” тоглолтоороо үзэгч олонтойгоо дахин уулзах гэж байна. Дуучин Т.Ариунаагийн хувьд, нийгмийн элдэв сөрөг хандлагуудыг эергээр өөрчлөх үндсэн үзэл санаа бүхий оюуны цогц төслөө “Тэнгэр шиг бай” нийгмийн төслүүд, “Тэнгэр шиг бай” цомог, “Тэнгэр шиг бай” тоглолт болгон хэрэгжүүлж байгаа нь энэ юм. Тиймдээ ч оюуны өмчийг эрхэмлэж, оюуны өмчийн хулгайгаас ангид байхыг бусдад үлгэрлэж Төрийн соёрхолт яруу найрагч О.Дашбалбар агсны “Тэнгэр шиг бай” шүлгээр уран бүтээл туурвих зөвшөөрлийг хүү Д.Гангабаатараас нь албан ёсоор авсан юм байна. Төр, нийгмийн зүтгэлтэн, яруу найрагч О.Дашбалбар агсан энэхүү бүтээлээ хүүдээ зориулан туурвижээ. Харин дуучин Т.Ариунаагийн шинэ уран бүтээл болох “Тэнгэр шиг бай” дууны аяыг хөгжмийн зохиолч Б.Бямбабаяр зохиосон аж.

Үзэгч олон Т.Ариунааг “Тэнгэр шиг бай” тоглолтоороо дахиад ямар шинэ рекорд тогтоох бол” гэсэн хүлээлттэй байгаа нь эргэлзээгүй юм. Учир нь дуучин бүсгүй маань дуулсан дуунууд, клипүүд, тоглолтуудаараа Монголын урлагийн ертөнцөд тэсрэлт хийдгээрээ онцлогтой. Тухайлбал, “Гайхамшигт үдэш” тоглолтынхоо үеэр циркийн агаарын номерын үзүүлбэрийг ганцаархнаа анх удаа хийж үзүүлсэн нь үзэгчдийг гайхшруулсан сюрпризүүдийнх нь нэг байлаа. Тэрбээр энэхүү тоглолтынхоо үеэр нийт 100 орчим шинэ, шинэлэг санааг туршиж, нэвтрүүлж, хэрэгжүүлжээ. Ямартай ч тэрбээр Монгол түмний хайртай бүтээл болох “Тэнгэр шиг бай” шүлгээр шинэ уран бүтээл туурвиад зогсохгүй нийгмийн оюун санааг өөрчлөх томоохон төсөл болгон хэрэгжүүлж эхэлжээ. Мөн фэйсбүүк хуудсаараа дамжуулж залуу үеийнхэнд “Тэнгэр шиг бай. Тэмүүлсэн зорилгодоо эзэн бай” хэмээх уриалгыг дэвшүүлж, энэхүү уриалгад нь салбар бүрийн манлайлагч залуус нэгдэн дуу хоолойгоо өргөж эхлээд байна. Дуучин Т.Ариунаагийн “Тэнгэр шиг бай” тоглолт ирэх сарын 08-нд “Буянт-Ухаа” спортын ордонд болно.

Сэдвүүд:

Дэлгэрэнгүй ...

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

21 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

2 өдөр өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...