Нийгэм

Онцгой байдлын албаны 15 жилийн ойг тохиолдуулан Баянзүрх дүүргээс хүндэтгэлийн арга хэмжээ зохион байгууллаа

Нийтэлсэн

6 жил өмнө

2019-06-20

Нийтэлч

Монгол Улсад Онцгой байдлын алба үүсэн байгуулагдсаны 15 жилийн ой маргааш буюу 2019 оны 06 дугаар сарын 20-ний өдөр тохионо. Ойг тохиолдуулан Баянзүрх дүүргийн Засаг даргын тамгын газар, Иргэдийн төлөөлөгчдийн хурлаас Онцгой байдлын хэлтсийн нийт бие бүрэлдэхүүнд баяр хүргэж, хүндэтгэлийн арга хэмжээг зохион байгууллаа.

Хүндэтгэлийн арга хэмжээнд Баянзүрх дүүргийн Засаг дарга Т.Баясах, Иргэдийн төлөөлөгчдийн хурлын дарга Ш.Ганчимэг, Засаг даргын Тамгын газрын дарга Б.Амартүвшин, Улаан Загалмайн хорооны дарга Д.Жавзмаа нар болон бусад албаны хүмүүс оролцлоо.

Баянзүрх дүүргийн Засаг дарга Т.Баясах алба хаагчдад хандаж “Гамшгаас урьдчилан сэргийлэх, хор уршгийг арилгах, сэргээн босгох эрхэм үүрэгтээ эзэн нь болж, иргэдийнхээ амар амгалан, аюулгүй байдлыг хангах талаар ихээхэн хүч чармайлт, зориг тэвчээр, идэвхи санаачлага гарган хөдөлмөрлөж” байгаад Баянзүрх дүүргийн Засаг даргын Тамгын газрын нэрийн өмнөөс болон хувиасаа талархаж, цаашдын ажил хөдөлмөрт нь амжилт хүсч эрхэлсэн ажилдаа эр, зориг авхаалж самбаа гаргаж, албан үүргээ нэр төртэйгөөр биелүүлж гавъяа байгуулсан зарим алба хаагчдыг дүүргийн “Засаг даргын хүндэт” өргөмжлөлийг гардууллаа.

Мөн арга хэмжээ үеэр Онцгой байдлын хэлтэст гамшгаас урьдчилан сэргийлэх, аврах хор уршгийг арилгах шуурхай албаны мотоцикилийг дүүргийн Гэмт хэргээс урьдчилан сэргийлэх салбар зөвлөлөөс өгссөнийг Иргэдийн төлөөлөгчдийн хурлын дарга Ш.Ганчимэг гардуулсан бол Монголын Улаан загалмайн нийгэмлэгийн шагналыг дүүргийн Улаан загалмайн хорооны дарга Д.Жавзмаа гардуулж алба хаагчдыг урамшуулаа.

7009 310

Сэдвүүд:

Дэлгэрэнгүй ...

Нийгэм

“Олимпын боловсрол ба бие бялдрын хүмүүжил” аянд 12,821 сурагч хамрагдлаа

Нийтэлсэн

16 минут өмнө

2025-05-02

Нийтэлч

24barimt

Биеийн тамир, спортын улсын хороо, МҮОХ, Монголын үндэсний академи хамран “Олимпын боловсрол ба бие бялдрын хүмүүжил” сэдэвт зорилтот аяныг улс даяар байгуулж, өнөөдөр дүнг танилцууллаа. Арга хэмжээнд БТСУХ-ны Төрийн захиргааны удирдлагын газрын дарга О.Баттулга, МҮОХ-ны тэргүүн дэд ерөнхийлөгч Ч.Наранбаатар, Спортын төв сургуулийн захирал Ч.Зоригтбаатар болон аянд оролцсон сургуулийн удирдлага, багш нар оролцов.

Аяны хүрээнд 10 дугаар ангийн 80 сурагчдын дунд онолын болон бие бялдрын сорилын хэлбэрээр уралдаан зохион явуулахад 69 дүгээр сургууль тэргүүлж, “Эрдмийн ундраа”, 67 дугаар сургууль удаалжээ.

Түүнчлэн багш, дасгалжуулагчдын дунд сурган хүмүүжүүлэх илтгэл, Монгол бичгийн уралдаан зохион байгуулсан ба Монгол бичгийн уралдаанд Эрдмийн хөтөч сургуулийн биеийн тамирын багш О.Анхзаяа түрүүлж, сурган хүмүүжүүлэх илтгэлийн уралдаанд Налайх дүүргийн 109 дүгээр сургуулийн биеийн тамирын багш Б.Цэрэннадмид тэргүүн байр эзэлсэн байна.

“Боловсрол-Бие бялдрын хүмүүжил-Олимпизм” аяны хүрээнд кросс гүйлтийн УАШТ-нд 20 багийн 300 орчим тамирчин өрсөлдөхөд Дархан-Уул аймгийн 4 дүгээр сургууль тэргүүлсэн бол багийн дүнгээр Дархан-Уул аймгийн 4 дүгээр сургууль түрүүлж, 122 дугаар сургууль, Өмнөговь аймгийн 4 дүгээр сургууль удаах байр оржээ.

“Боловсрол-бие бялдрын хүмүүжил-Олимпизм” аянд 10 сургуулийн нийн 12,821 сургач хамрагдсан нь үр дүнтэй ажил болохыг оролцоч талууд өгүүлж байна. Мөн хамрагдсан сургууль бүр Олимпын танхимаа шинэчлэн засварлаж, урлаг спортын олон арга хэмжээг зохион байгуулсан нь онцлог ажил юм.

Дэлгэрэнгүй ...

Нийгэм

Хангайн уулархаг нутаг болон говийн бүс нутгаар бороо, нойтон цас орно

Нийтэлсэн

33 минут өмнө

2025-05-02

Нийтэлч

24barimt

2025 оны 05 дугаар сарын 02-ноос 05 дугаар сарын 11-нийг хүртэлх

10 хоногийн цаг агаарын урьдчилсан төлөв

Тавдугаар сарын 04, 06-нд Хангайн уулархаг нутаг болон говийн бүс нутгаар бороо, нойтон цас орно.

Хур тунадас: Тавдугаар сарын 02-нд Хангайн уулархаг нутаг болон говийн бүс нутгийн өмнөд хэсгээр, 03-нд баруун аймгуудын нутгийн зарим газраар, 04-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн зарим газраар, 05-нд төв болон говийн аймгуудын нутгийн зарим газраар, 06-нд баруун аймгуудын нутгийн зарим газар, төвийн аймгуудын нутгийн баруун хэсгээр, 07-нд Хангайн уулархаг нутаг болон говийн бүс нутгаар, 08-нд Хангайн нурууны өмнөд хэсгээр бороо, нойтон цас орно.

Салхи: Тавдугаар сарын 03-нд Алтайн салбар уулс болон Арц Богдын өвөр хоолойгоор, 04-нд нутгийн зарим газраар, 06-нд Алтайн салбар уулсаар, 07-нд нутгийн өмнөд хэсгээр секундэд 7-12, зарим үед секундэд 15-17 метр хүрч, шороон шуурга шуурна.

Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө 4-9 хэм хүйтэн, өдөртөө 5-10 хэм, говийн бүс нутгийн өмнөд хэсгээр шөнөдөө 3-8 хэм, өдөртөө 17-22 хэм дулаан, бусад нутгаар шөнөдөө 2 хэм хүйтнээс 3 хэм дулаан, өдөртөө 10-15 хэм дулаан байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Тавдугаар сарын 04-нд оройдоо бага зэргийн бороо орно. Бусад хугацаанд хур тунадас орохгүй.

Салхи: Ихэнх хугацаанд секундэд 6-11 метр, 04-нд баруун өмнөөс хойш эргэж секундэд 12-14 метр хүрч, шороон шуурга шуурна.

Агаарын температур: Шөнөдөө Яармаг-Сонгины орчмоор 1-6 хэм хүйтэн, бусад хэсгээр 2 хэм хүйтнээс 3 хэм дулаан, өдөртөө 10-15 хэм дулаан байна

Дэлгэрэнгүй ...

Нийгэм

“Зээлийн апплейкешны эрх нэмэгдүүлж өгнө” гэж бусдыг залилжээ

Нийтэлсэн

3 цаг өмнө

2025-05-02

Нийтэлч

24barimt

Иргэн Б.П нь фэйсбүүк цахим орчинд “Nary Narut, Shimer shimka, Suki Nay, Anujin, Marlaa Marlaa, kimmyya InkIop” гэх нэртэй хуурамч хаяг нээн, түүнийгээ ашиглаж, “Токи.мн, Ленд.мнь Hipay” зэрэг зээлийн аппликейшны эрх нэмэгдүүлнэ” гэх зар оруулж хэрэглэгчийн нэвтрэх нэр, нууц үгийг хууль бусаар авч тухайн мэдээллээр иргэдийн цахим мэдээллийн сүлжээнд зөвшөөрөлгүйгээр нэвтэрч, олон удаагийн үйлдлээр зээл авч залилах, хулгайлах гэмт хэргийг үйлдэн их хэмжээний ашиг олж, амьдралын эх үүсвэрээ болгосон хэргийг илрүүлж, мөрдөн шалгах ажиллагааг үргэлжлүүлж байна.

Шалгалтын явцад гэмт этгээдүүд нь тухайн үйлдлийн аргыг ашиглаж, олон иргэдийг хохироосон байж болзошгүй нөхцөл байдал тогтоогдож байгаа тул дээрх нэр бүхий цахим фэйсбүүк хаягтай холбогдон зээлийн аппликейшны эрхээ нэмэгдүүлэх гэж хувийн мэдээллээ өгч, залилах гэмт хэргийн хохирогч болсон иргэд цагдаагийн байгууллагын 8822-2255 дугаарт холбогдохыг зөвлөлөө.

Хувийн мэдээллээ алдах нь цахим гэмт хэргийн хохирогч болох гол шалтгаан болж таныг санхүүгийн эрсдэлд оруулах аюул дагуулдаг гэдгийг ямагт анхаарч, таатай санал бүхий мэдээллүүдэд хянуур байж, дээр дурдагдсан эрсдэлээс урьдчилан сэргийлэхийг анхааруулж байна.