Дэлхийн хоёрдугаар дайны үеэр Нацистуудын дээрэмдсэн бүтээлийг Бельгийн дүрслэх урлагийн музей эздийнх нь үр хүүхдүүдэд шилжүүлжээ.

“Blumenstilleben” (Цэцэгтэй натюрморт) хэмээх уг бүтээлийг 1913 онд Германы зураач Ловис Коринт зурсан юм байна.

Зургийг эзэмшиж байсан Германы жүүд гэр бүлийн хос Густав Майер, Эмма Майер нар 1938 онд Франкфуртээс Бельги рүү дүрвэж, сүүлд Их Британид суурьшжээ.

Тэднийг дүрвэх үеэр Нацистууд гэрт нь хадгалагдаж байсан уран зургийн олон бүтээлийг дээрэмдсэн юм байна.

Дайны дараа эзэн нь олдоогүй тул уран зургийг Бельгийн эзэн хааны дүрслэх урлагийн музейд байршуулж, олон нийтэд үзүүлэх болжээ.

Харин 2008 онд Майерынхны үр удам болох хүмүүсийн өмгөөлөгч музейтэй холбоо барьсан байна.

Өнгөрсөн онд Бельги улсын засгийн газар музейд байгаа зургийг анхны эздэд нь шилжүүлэх шийдвэр гаргажээ.

Өнгөрсөн Пүрэв гарагт музейн ажилчид “Blumenstilleben” бүтээлийг эздэд нь хүлээлгэж өгсөн юм.

“Бид ёс зүйтэй, түүхийн асуудалд хариуцлагатай ханддагаа харуулсан нь маш чухал үйл явдал юм” гэж музейн захирал Мишел Драг хэвлэлд ярьжээ.

Дайны үеэр алдагдсан урлагийн бүтээлүүдийг эздэд нь шилжүүлж өгөх үйл явц үргэлжилсээр байна.

Өнгөрсөн сард Франц улсын парламент ийм 15 бүтээлийг анхны эздэд нь шилжүүлэх тогтоолыг баталж байв. Үүнд Густав Климтийн “Rosiers sous les arbres” (Моддын доорх сарнайн бут), Марк Шагаллын “Le Pere” (Эцэг) зэрэг жүүд иргэдээс Нацистуудын дээрэмдсэн бүтээлүүд багтаж байжээ.

Эх сурвалж: Russia TodayДэлхийн хоёрдугаар дайны үеэр Нацистуудын дээрэмдсэн бүтээлийг Бельгийн дүрслэх урлагийн музей эздийнх нь үр хүүхдүүдэд шилжүүлжээ.

“Blumenstilleben” (Цэцэгтэй натюрморт) хэмээх уг бүтээлийг 1913 онд Германы зураач Ловис Коринт зурсан юм байна.

Зургийг эзэмшиж байсан Германы жүүд гэр бүлийн хос Густав Майер, Эмма Майер нар 1938 онд Франкфуртээс Бельги рүү дүрвэж, сүүлд Их Британид суурьшжээ.

Тэднийг дүрвэх үеэр Нацистууд гэрт нь хадгалагдаж байсан уран зургийн олон бүтээлийг дээрэмдсэн юм байна.

Дайны дараа эзэн нь олдоогүй тул уран зургийг Бельгийн эзэн хааны дүрслэх урлагийн музейд байршуулж, олон нийтэд үзүүлэх болжээ.

Харин 2008 онд Майерынхны үр удам болох хүмүүсийн өмгөөлөгч музейтэй холбоо барьсан байна.

Өнгөрсөн онд Бельги улсын засгийн газар музейд байгаа зургийг анхны эздэд нь шилжүүлэх шийдвэр гаргажээ.

Өнгөрсөн Пүрэв гарагт музейн ажилчид “Blumenstilleben” бүтээлийг эздэд нь хүлээлгэж өгсөн юм.

“Бид ёс зүйтэй, түүхийн асуудалд хариуцлагатай ханддагаа харуулсан нь маш чухал үйл явдал юм” гэж музейн захирал Мишел Драг хэвлэлд ярьжээ.

Дайны үеэр алдагдсан урлагийн бүтээлүүдийг эздэд нь шилжүүлж өгөх үйл явц үргэлжилсээр байна.

Өнгөрсөн сард Франц улсын парламент ийм 15 бүтээлийг анхны эздэд нь шилжүүлэх тогтоолыг баталж байв. Үүнд Густав Климтийн “Rosiers sous les arbres” (Моддын доорх сарнайн бут), Марк Шагаллын “Le Pere” (Эцэг) зэрэг жүүд иргэдээс Нацистуудын дээрэмдсэн бүтээлүүд багтаж байжээ.

Эх сурвалж: Russia Today