Энтертайнмент

Сэтгэлийн “Цагаан бороо” мэт Б. Наминчимэдийн сэтгэлгээний шинэчлэлээс…

Нийтэлсэн

3 жил өмнө

2022-03-28

Нийтэлч

– Номын шүүмж –

XX зууны Монгол орны түүх бол хятадын савраас мултрах гэж улайран хичээсэн ил, далд хатуу ширүүн тэмцлийн ТҮҮХ л байжээ. Тиймээс түүхээ танин мэд, тэгээд бүү март, үргэлж сэрэмжтэй бай… хэмээн түүх бидэнд сануулан өгүүлж буйг дээрх Номоор дамжуулан ухаан сөгөөтэй, хүчирхэг Монголчуудад сэрхийтэл сануулан уламжилжхуй.

…Баруун хязгаарын ард түмний 100-аадхан жилийн өмнө туулсан, бодол эргэцүүлэл хөвүүлсэн хатуу ширүүн амьдралын тухай хууч яриаг баринтаглан номын гэрэлт хуудсаар дамжуулан энэ цагийн Монголын нийгмийг эрхгүй дуудан сэрээлээ.

Манж нар эзэнт их гүрнийхээ дээвэр доорх таван өнгийн улсаас Монголчуудад илүү эрх олгосон байдаг. Монгол хүнийг өөр үндэс угсгаатай хүмүүн боолчилбоос түүнийг есөн бодоор торгож, 50 ташуур занчиж, төлбөр нэмэх тухай манжийн төрийн Засах хуулийн зүйл ёсыг нэг бүрчлэн дурдаж “Монгол хөвүүнийг боолчилсон чамайг Шиэнян Яны хэрэг мэдүүлэх тамганаа хүргэж шийтгүүлбээс зохино” хэмээн учиглаад, Ананд хүү Торгуудын өвгөн Сэцэн вангийн ивээлд багтсан түүх ийм ажгуу.

Алс баруунтай Гашуун-Усны говийн хээлээс боолын гинжтэй Ананд хүүг Торгуудын өвгөн Сэцэн вантан асран авч байсан 1891 оны Цагаагчин туулай жил “Тэсэж чадвал, амьд л байвал арга нь нэг олдоно доо…” гэсэн ээжийнхээ сургамжийг биелүүлсэн, Дандий Мээрэн хэмээх зартай мэргэн хурц уран хэлт хүний ганц хүү болон мэндэлсэн, гялалзсан хурц харц нь зовлонгоо сөрөн тэсээд, тэвчээд буйг хэлэх мэт Ананд хүү хувь зохиолоор Гүмбүм хийдэд эргэл мөргөл хийгээд нутаг буцаж явсан Торгуудын Сэцэн вантантай учирсан нь хувь заяаны гялбам тохиол байлаа.

“Ер бусын дотоод хүчтэй идэр залуу энэ өнчин хүү бол үл элэгдэх, үл зэврэх ер бусын шидтэй гянт болд мөн…” гэдгийг Сэцэн алдрыг дэмий хүртээгүй өвгөн Торгууд вантан гарцаагүй учиглан мэдэж байлаа. Цоохор Анандын чухам нэвт шувт сүлбэх мэт, өрөмдөх мэт тулган ширтдэг ийм л харцны цаана хурц эрмэг чанар, хурдан гүйлгээ ухаан, няцаагдахын эцэсгүй эр зориг, ариун сэтгэл нуугдан байдаг бөлгөө.

Дунгаан хэмээх нь ислам шашинд орсон хятад иргэдийг хэлэх агаад хуйхуу нар 1880-аад оны төгсгөлөөр Алтай зүгт довтолгосон удаа дараагийн уулга дээрэм нэн хэцүү бөгөөд тийнхүү Ананд бусдын хамт олзлогдсон байдаг.

Торгууд вантны ивээлд ирсэн Анандын идэр залуу бие хаа, шөрмөс булчин нь нэн бахадмаар чийрэгжин чангарч, цог золбоо нь ч бадран асаж байлаа. Суралцах нь хичээнгүй, сурах нь арвин, бас зориг зүрх хэтэрхий тул өвгөн ноён миегнэн баясаж, эртний мэргэн судар шаштир, үлгэр түүх, уянга цадиг, төр засах ухаан, цэрэг дайны эрдмээс хичээн заалгажухуй.

“Амьдралд тийм гэрэл гэгээ байдгийг зүрх сэтгэлээрээ, бүр голоосоо, цус чөмгөндөө хүртэл мэдэрч, харанхуйн дунд гэрэл болон сүүмэлзэх учир тийш зөнгөөрөө зорин зүтгэх, тэсэн тэвчих, итгэн хүлээх юм яаж ийгээд л үлдэн хоцордог, тиймээс л тийм амархан сөхөрдөггүй Монголчууд алдах юмтай тулдаа, тэр нь их байх хэрээр илүү зовж, бас илүү тэсэх учиртай ажээ.”

“Олон түмэн гэдэг оёоргүй далай буюу. Хар цагаан, үнэн худлыг тольдон мэдэж, мэдэрч хатуужин хатаагдсан хүмүүний гарт төрийн Тамга хүч ордог. Гэрэл сүүдрийн зохист тэнцвэрийг сахиж, сахиулж явах нь хүмүүний Эрхэт тэнгэрээс тавилан заяагаар хүлээлгэсэн хишиг төгөлдөр үүрэг юм шүү. Тэгж байж л Төрийн хар хүн болж түмний төлөө зүтгэдэг юм” гэж сургана.

Учир нь төрд зүтгэнэ гэдэг нь Тэнгэрийн тогтсон ёсонд үнэнч байж түмний тусын тулд зүтгэхийн нэр юм. Тиймээс л “Төрийн сүлд өршөө!” хэмээн түмэн олон залбирмой. Хүн бүрд өөрийнх үнэнтэй, өрөөлийнх худалтай байхын зовлон бий. Гагцхүү тэднийг Тэнгэрийн жам ёсоор тэгшитгэн нэгэн жолоонд оруулж л засаглах ёстой юм. Хүмүүний оршихуйд тогтсон хэв гольдрил хэмээгч нь хэв ёс болно. Тийм байж л Улс гүрэн удтал сайнаар сахин оршдог.

Ухаатан чадалтнаа олж танин төрдөө хэрэглэж чадахгүйн хэрээр уруудан доройтож, улс төрөө ч алддаг гашуун явдал буурал түүхнээ нэн арвин бий дээ. Төрийн хүний мөч тутамдаа санаж, соргогоор сахиж явах учиртай мөрдлөг бол ард түмний өнө мөнхөд үнэний гэгээнд тэмүүлэх хүсэл зорго, түүнийг л зөв танин, зөв чиглүүлж зөвд нэгтгэж чадваас Тэнгэрийн яруу зохирол буюу. Тэнгэрийн төр болмуй…” хэмээсэн Вантны үг нэгийг сануулж хоёрыг бодруулна.

Ил тулж буй дайснаас сэм гэтэн ирж буй дайсан юунаас ч илүү аюултай гэдэг.

Тэртээх нэгэн цагт өөрсдийн эрх ямба, цол хэргэмийг нь журам ёсоор олгосонгүй… хэмээн нэгэн улсын хааныг нөгөө улсад нь ховлон мэдэгдэж, гомдоллон, гоншигнон буй нь ойлгохуйяа бэрх тэнэглэл бөгөөд “Хожмоо заяа ч гутах биз” хэмээн Магсаржавтан хаяж гарсан явдал ч бий юм.

…Тэгсээр хөх бар жил (1914) гарахад Тусгаар улс болов хэмээн хөөрсөн Монголчуудын сэтгэлийн гал бүүдийгээд эхэлжээ. Өмнөд Монголоо нэгтгэж авах гэсэн Таван замын байлдаанд ялж явсан цэргээ татав. Баатар Цагаан хаан, Хятадын дундад улс хоёрын сэм тохиролцоог ойлгохын аргагүй байжээ. Хиагтад хятад, орос хоёр нийлэн хавчин шахсаар Богд хаант Монгол улсын тусгаар байх эрхийг нь хязгаарлаж автономит болгон, буулган авч гарын үсэг зуран баталгаажуулж байсан 1915 оны Хөхөгчин туулай жилийн зуны адгаар Халзан Дамба Хадаасанд зусаж байсан Цоохор Анандыг зорьж ирснээр тэд долуул болон удалгүй луухааны пүүс, доншуур наймаачид, хятад цагаачдын эрлэг болсон Засагт ханы долоон хөх чоно гэдэг нэр олноо дуулдан цуурайтаад эхэлжээ. Хятадууд 1916 онд өөрийн төлөөний захирах сайдаа Нийслэл хүрээ, Улиастай, Ховд зэрэг гол гурван газар суулгаад Улиастайд өргөн дэлгэр ёслон тэмдэглэхийг хүссэн тэр нэгэн өглөө Засагт ханы хөх эрс аргагүй л “санаснаа” хийчихсэн бүлгээ. Автономыг талархан сайшаасан ноёд түшмэдүүдэд бэлдсэн бэлгийг зунгагтай ноос, өнгийн чулуу, шавар, хомоолоор сольчихсон нь, хятад Сайдын “бэлэг” шид орсон мэт хувирсан нь, Улиастайн гудамд хөндөлдөн байсан ганган чамин хувцас хэрэглэлтэй үлгэрийнх мэт аргамаг хүлгээр галигуулчихаад буцчихсан долоон сайн эрсийн тухай олны дунд удтал бахдан яригдах болноо.

…Үйлийн үр үсний тоогоор хариу нэхнэ гэдэг. Үс хэдий олон ч ганц тонгоргоор л хусдаг. Цаг үе өөрийнхөө ачааг даах хүнийг төрүүлдэг л юм билээ. Сайн эр, сайн морь хоёр нэгэн сүнстэй байдгийн адил хөтөл шилийг сэтэлж хөндий говийг хагалан зүссэн тодоос тод ул мөр нь их эртнээс хөл хөс арвин байсныг өгүүлнэ.

Дэлгэрийн их талын хаяа захад эрхэмсгээр орших Хонгор толгой дээрээс эсэн мэнд эргэн уулзахын бэлэг болгон ташуураа солилцоод Гоорин Даш цастай цагаан Отгонтэнгэр зүгт, Хялуу Сүх сүүмийн цэнхэртэх Төмөр хавын үзүүр лүү хөдөлцгөөв. Халзан Дамба тэр хоёрыгоо их талын хээлэнд уусан шингэтэл суугаад, баруунтаа харагдах үргэлж мөнхөд орших Хантайшир лугаа галигуулжээ. Андалж нөхөрлөсөн он жилүүдээ эргэн санаж тоост хорвоогийн жамыг тодлон эргэцүүлж суух Дамба нутагтаа очин 1940-өөд он шүргээд тэнгэрт оджээ.

Зөвхөн хүмүүний зүрх сэтгэлийн гүнд л шивэрдэг “Цагаан бороо” мэт хүний сэтгэлийг цэлмээсэн хэн бүхний уучлах хайрлах сэтгэлийн шимийг дүүргэсэн ийм гайхалтай түүхийг, өвгөдийн ярьдаг хуучыг учиглан баринтагласан шинэ цагийн соён гэгээрүүлэгчдийн нэг, Эрхэм бичгийн хүмүүн Б. Наминчимэд Танд мянга мянган уншигчийн өмнөөс бас дахин баярланам. Өнгөрсөн хатуу ширүүн түүхийн хүнд шалгуур сорилыг даван туулахын хэрээр өр нимгэн хүнлэг болж хатуужин хатаагдсан өвөг дээдэстээ зориулсан энэхүү Ном энэхэн цагийн Монголын сортоолог ард иргэдийг ч дуудан сэрээнэм, сэнхрүүлнэм…

“Жалга довноосоо хэтэрч чаддаггүй явцуурал, мунхрал, урвалт, шунал, мухар сүсэгт дотроосоо идэгдсээр, их гүрнүүдийн томоохон тоглоомд гаднаасаа хэрчигдсээр, түүнийгээ мэддэггүй, мэдүүлэхийг ч хүсдэггүй сонирхол хүчтэй байсаар… Чухам энэ мэтийг эмзэглэн санаж явсаар хэлмээр, яримаар болж түүнээ буулгасан нь “Цагаан бороо” роман минь билээ” хэмээсэн зохиолчийн үгээр өндөрлөе. Олноороо уншигтун, онож сэхээрэгтун.

Экологийн сэтгүүлч Л. Оюунчимэг

Сэдвүүд:онцлох

Дэлгэрэнгүй ...

Энтертайнмент

Улсын заан М.Лхагвагэрэл бөхчүүдийн чансааг тэргүүлж байна

Нийтэлсэн

4 өдөр өмнө

2025-04-16

Нийтэлч

24barimt

Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг хэрэгжүүлж байгаа.

Маршал Х.Чойбалсангийн мэндэлсний 130 жилийн ойд зориулсан барилдааны дараа бөхчүүдийн чансаа шинэчлэгдэж, Улсын заан М. Лхагвагэрэл 7450 оноогоор тэргүүлж эхэллээ. Харин чансааны хоёрт Улсын аварга О.Хангай бичигдэж байна.

Дэлгэрэнгүй ...

Энтертайнмент

“Милано Кортина 2026” Олимпын бамбарыг танилцуулав

Нийтэлсэн

5 өдөр өмнө

2025-04-15

Нийтэлч

24barimt

“Милано Кортина 2026” өвлийн Олимп, Паралимпын наадмын зохион байгуулагчид энэ даваа гарагт тогтвортой байдал, технологийн дэвшил болон Италийн үндэсний загварыг шингээсэн албан ёсны бамбараа танилцууллаа.

“Essential” буюу “Мөн чанар”-ыг илэрхийлэх нэртэй энэхүү бамбар нь Миланы Триеннале урлагийн төв болон Японы Осака хотод зохион байгуулагдаж буй “ЭКСПО 2025” үзэсгэлэнгийн үеэр нэгэн зэрэг танилцуулагдсан бөгөөд Олимпын хөдөлгөөний олон улсын шинж чанар болон зохион байгуулагч орны соёлын гүн гүнзгий үндсийг харуулсан арга хэмжээ боллоо.

Бамбарыг Италийн эрчим хүчний “Eni” компани Versalis-тэй хамтран бүтээж, Studio Carlo Ratti Associati дизайн боловсруулсан бөгөөд бамбарын загвар нь энгийн байдал, хүч чадлыг бэлгэдсэн. Гялалзсан өнгөлгөөтэй, гоёмсог минимал хэлбэртэй энэхүү бамбараас олимпын наадамд зориулсан цэнхэр-ногоон өнгийн, паралимпын наадамд зориулсан хүрэл өнгийн хоёр хувилбарыг танилцуулжээ.
Нэг килограмм жинтэй, Италид үйлдвэрлэгдсэн бамбар нь дахин боловсруулсан хөнгөн цагаан ба гуулин хайлшаар хийгдсэн. Байгаль орчинд ээлтэй, дахин ашиглагдах боломжтойгоороо онцлог бөгөөд нэг бамбарыг 10 хүртэл удаа дахин дүүргэж ашиглах боломжтой юм. Энэ нь бамбарыг их хэмжээгээр үйлдвэрлэх хэрэгцээг эрс бууруулах ач холбогдолтой.

Бамбарыг хөдөлгөгч түлш нь био-LPG, буюу хэрэглэсэн тос болон амьтны гаралтай өөх зэрэг хаягдал материалаас гаргаж авсан сэргээгдэх түлш бөгөөд Сицилийн Гела дахь Eni-ийн био-үйлдвэрт үйлдвэрлэгддэг.

Энэхүү бамбарт ашиглагдаж буй шатаагч төхөөрөмж нь анх удаа ил харагдахаар бүтээгдсэнээрээ онцлог бөгөөд олон нийт олимпын дөл хэрхэн асч байдгийг нүдээр харж болохоор болжээ.
Өнгөний сонголт нь утга төгөлдөр бөгөөд олимпын бамбарын “Тэнгэрийн өнгөнүүд” нь Италийн байгалийн гайхамшигт төрхийг илэрхийлж, хөдөлгөөн, найдвар, өөрчлөлтийг бэлгэднэ. Харин паралимпын бамбарын “Гэрлийн уулс” нь тэсвэр хатуужил, хүч чадал, спортоор дамжих өөрчлөлтийг илэрхийлж байна.

Зохион байгуулагчдын хэлснээр энэхүү бамбар нь зөвхөн үйл ажиллагааны хэрэгсэл төдийгүй соёлын бэлгэ тэмдэг бөгөөд Олимп ба Паралимпын наадмын эв санааны нэгдлийг илтгэнэ.
Бамбарыг олон нийтэд 2025 оны турш Осакагийн ЭКСПО дахь Италийн павильонд, мөн Миланы Триеннале төвд 2025 оны 5-р сараас эхлэн наадам дуустал үзэсгэлэнд дэлгэхээр болжээ.

Дэлгэрэнгүй ...

Энтертайнмент

Жүдо бөхийн Азийн АШТ-нд гавьяат тамирчин Л.Энхрийлэн тэргүүтэй Монголын 19 бөх барилдана

Нийтэлсэн

5 өдөр өмнө

2025-04-15

Нийтэлч

24barimt

Тайландын нийслэл Бангкок хотод жүдо бөхийн насанд хүрэгчдийн Ази тивийн аварга шалгаруулах тэмцээн энэ сарын 25-27-нд болох бөгөөд 30 орны 295 (эрэгтэй 168, эмэгтэй 127) тамирчин оролцохоо мэдүүлжээ.

Монгол Улсаас Үндэсний шигшээ багийн ахлах дасгалжуулагч У.Эрдэнэбаатар, дасгалжуулагч П.Нямлхагва, Б.Хишигбаяр, Г.Болдбаатар нарын удирдлага дор 19 жүдоч өрсөлдөх юм.

Тэмцээний эрэгтэйчүүдийн 60 кг-ын жинд Б.Сүхбат, 66 кг-д Б.Эрхэмбаяр, 73 кг-д Л.Анхзаяа, 81 кг-д О.Шинэбаяр, 90 кг-д Б.Мөнхбаяр, -100 кг-д А.Энхбаяр, Б.Хүдэрчулуун, +100 кг-д Б.Гончигсүрэн, Ө.Пэрэнлэйжамц (багийн барилдаанд) нар зодоглоно. Харин эмэгтэйчүүдийн 48 кг-ын жинд Г.Наранцэцэг, 52 кг-д М.Нандин-Эрдэнэ, Б.Уранзаяа, 57 кг-д Т.Ариунзаяа, 63 кг-д гавьяат тамирчин Л.Энхрийлэн, 70 кг-д Д.Есүй, -78 кг-д А.Дуламсүрэн, +78 кг-д А.Адъяасүрэн нар өрсөлдөнө.

Азийн АШТ-ээс Монголын баг тамирчид нийт 26 алтан медаль хүртсэн ба Х.Цагаанбаатар, Х.Эрдэнэт-Од, М.Уранцэцэг, П.Лхамдэгд нар хошой аварга юм. Монголоос жүдо бөхийн Ази тивийн анхны алтан медалийг 1996 онд гавьяат тамирчин Д.Нармандах хүртэж байсан бол сүүлд (2024 онд) гавьяат тамирчин Б.Баасанхүү, Л.Энхрийлэн, ОУХМ Б.Эрхэмбаяр нар аваргалж байв.

АЗИЙН АШТ-ЭЭС АЛТАН МЕДАЛЬ ХҮРТСЭН МОНГОЛЫН ЖҮДОЧИД:

1996 онд: Д.Нармандах

2001 онд: Х.Эрдэнэт-Од

2003 онд: Х.Цагаанбаатар

2003 онд Д.Нямхүү

2005 онд: Х.Цагаанбаатар

2005 онд: Х.Эрдэнэт-Од

2009 онд: Г.Болдбаатар

2011 онд: П.Лхамдэгд

2012 онд: М.Уранцэцэг

2012 онд: П.Лхамдэгд

2013 онд: Д.Төмөрхүлэг

2015 онд: Ц.Мөнхзаяа

2015 онд: Ц.Наранжаргал

2016 онд: Д.Сумъяа

2016 онд: Д.Алтансүх

2016 онд: Н.Дагвасүрэн

2016 онд: Н.Түвшинбаяр

2017 онд: М.Уранцэцэг

2019 онд: Ц.Цогтбаатар

2019 онд: О.Ууганбаатар

2019 онд: Л.Отгонбаатар

2022 онд: Ё.Басхүү

2022 онд: Б.Ганхайч

2024 онд: Б.Баасанхүү

2024 онд: Л.Энхрийлэн

2024 онд: Б.Эрхэмбаяр

Эх сурвалж: Биеийн тамир, спортын улсын хороо

Дэлгэрэнгүй ...

24barimt.mn

Сэтгэлийн “Цагаан бороо” мэт Б. Наминчимэдийн сэтгэлгээний шинэчлэлээс…

Энтертайнмент

Улсын заан М.Лхагвагэрэл бөхчүүдийн чансааг тэргүүлж байна

Энтертайнмент

“Милано Кортина 2026” Олимпын бамбарыг танилцуулав

Энтертайнмент

Жүдо бөхийн Азийн АШТ-нд гавьяат тамирчин Л.Энхрийлэн тэргүүтэй Монголын 19 бөх барилдана

ЭХЭМҮТ-д нэг настай хүүхдэд элэг шилжүүлэн суулгах мэс засал амжилттай хийлээ

Хүнс, хөдөө аж ахуй, хөнгөн үйлдвэрийн яам байгуулагдсаны 100 жилийн ойг тохиолдуулан төрийн дээд цол, одон, медаль гардууллаа

25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замыг шинэчилж байна

Өнөөдөр монгол хэл, бичгийн шалгалт эхэллээ

Хууль зүй, дотоод хэргийн яамны дэргэдэх шинжлэх ухаан, технологи, инновацын салбар зөвлөл хуралдлаа

АТГ: “Үндэсний энгийн гадаад паспорт олгох, эзэмших, хадгалах журам”-ыг хянав

Үндсэн хуулийн цэцийн дүгнэлтийг хүлээн авсантай холбогдуулан боловсруулсан хуулийн төслүүдийг хэлэлцэв

ХӨСҮТ: Улаанбурхан өвчний 590 тохиолдол бүртгэгдлээ

Засгийн газрын дотоод үнэт цаас амжилттай арилжаалагдлаа

“Бонд форум-2025” өндөрлөлөө

“Цагаан алт” үндэсний хөтөлбөрийн дүнд жилд хоёр сая гаруй хос гутал үйлдвэрлэдэг болно

Үүлэнд зориудаар нөлөөлж хур тунадас нэмэгдүүллээ

Ebarimt системийг хэвийн ажиллагаанд оруулахаар ажиллаж байна

Дөрвөн сум болон хилийн боомтууд шилэн кабельд холбогдоогүй байна

Үндэсний их баяр наадмыг зохион байгуулах хорооны хурал болж байна

Зөвшөөрөлгүй гүүрийг буулгаж 180 метр үерийн хамгаалалтын даланг шинээр барьж байна

Үхрийн цул махны үнэ өсөж 22947 төгрөг болжээ

Гэр бүлийг дэмжих бодлогодоо хүн ам зүйн асуудлыг голлон анхаарна

“Бонд Форум-2025” ёслол боллоо

АТГ: Иргэн, хуулийн этгээдээс 80 өргөдөл, гомдлыг хүлээн авав

Ховд аймагт 3.5 магнитуд хүчтэй газар хөдөлжээ

ХӨСҮТ: Улаанбурхан өвчний лабораториор батлагдсан тохиолдол 564 болжээ

Баянзүрх дүүрэгт шар өвс шатсаны улмаас 12 га талбай өртөж шатжээ

“Сэлбэ” нэгдсэн эмнэлэгт хүчилтөрөгч нийлүүлэх агуулахын барилгыг ашиглалтад орууллаа

Ховд голд живж байсан хүүгийн амийг аварсан О.Сүлдийг “Шударга журам” медалиар шагнажээ

Б.Жавхлан: Гадаад валютын албан нөөц 5.2 тэрбум ам.долларт хүрч, өмнөх долоо хоногоос 230 гаруй сая ам.доллароор нэмэгдлээ

Хангайн бүсийн талаар Засгийн газрын хуралдаанаас дараах шийдвэрүүдийг гаргалаа

АТГ: Ашиг сонирхлын зөрчилд хамаарах 68 гомдол, мэдээллийг хянан шалгав

Дэлхийн хотуудын хамтын ажиллагааны олон улсын хурал эхэллээ

Б.Жавхлан: Нүүрсний экспорт 1.9 сая тонноор нэмэгдэж валютын нөөц 5.2 сая ам.доллар боллоо

“MCS” хэмээх эзэнт гүрний эцэг болсон Ж.Оджаргалын 24 баримт

“Гоо брэнд”-ийн онцлох 24

ХӨГШРӨЛТИЙН ЭСРЭГ ХАМГИЙН ҮР ДҮНТЭЙ ТАРИЛГА ЭМЧИЛГЭЭ БОЛ SMART PRP

М.Энхболдын улс төрд сойсон тод од

Хагасайн өдөр буюу бямба гаригт Улаанбаатарт бороо орно

Р.Батжаргал: Анхны жил 23-хан сая төгрөг өгч, нүүр улайлгаж байлаа. Одоо гуйхаа ч больсон

ЭТТ ХК: Нэг сая орчим иргэний 1072 хувьцааны ногдол ашгийг шилжүүлээд байна

Д.Пүрэвдорж: Чингис шүлэг

М.Энхболд албан тушаалаасаа огцрохоор болжээ

Нүцгэн төрхөө дэлгэцнээ мөнхөлсөн Б.Батмаагийн гэрэл зургаас

Харбины мөсөн баримлын тэмцээнд Монголын баг түрүүлжээ

Тэргүүн хатагтай Баттулга асан Анжелика

Гэрлийн хурдаар хөрөнгөжсөн Ж.Мөнхбатын дараагийн нууц байшин

Дуучин А.Түмэн-Өлзий нөхрөөсөө салж, ганц бие болсноо зарлалаа

Дуучин А.Хишигдалай /24 Фото/

С.Эрдэнэ ерөнхий сайд болно…

Хятад муур, нохой, сарьсан багваахай зардаг захуудаа нээж эхэллээ

Бодь группийн Л.Болдхуяг, Богд банкны гүйцэтгэх захирал Г.Саруул нарын офшор данс ил боллоо

Ж.Батзандан амаа барив

Жүжигчин Цэрэнболд: “Нэр алдарт хүрлээ гээд эхнэрээ солидог, голдог эр хүн би биш

Сахал Бат-Эрдэнэ Дамбын Хишгээд базуулжээ

Э. Бат-Үүл, М.Сономпил нарын хэрэг шүүхэд шилжжээ

У.Хүрэлсүх дөрвөн гишүүнд УИХ-ын дарга болох санал тавьжээ

Өнөөдрийн халуухан зургууд… 18+

Говь-Алтай аймгийн ИТХ-ын даргын суудлыг булаасан Л.Батжаргал ял сонсох бололтой

Ус, дулааны төлбөр дээр хууль бус төлбөр нэмдэг байсныг илрүүлжээ

Засгийн газрын 182 дугаар тогтоолтой холбогдуулан Нийслэлд мөрдөгдөх Хан-Уул дүүргийн Газрын үнэлгээний бүсийн хил хязгаарын санал авч байна

Маргааш “АЛУНГОО-2018” цомын эздийг өргөмжилнө

Өвгөн партизаны ач хүүд цулбуураа атгуулсан алтайчууд

Б.Чойжилсүрэн гишүүн хувийн бизнестээ 19 тэрбум төгрөг завшсан уу?

Тээврийн хэрэгслийн улсын дугаарыг тэгш, сондгойгоор ангилан замын хөдөлгөөнд оролцуулах талаар мэдээлэл өгч байна

Засгийн газрын хуралдаанаас гаргасан шийдвэрийг танилцуулж байна /шууд/

“Шинь Шинь” ХХК Байгаль орчны менежментийн тогтолцоо олон улсын стандарт ISO14001:2015 нэвтрүүллээ

“Улаанбаатар хот-Духуа инженеринг дэд бүтцийн хөгжлийн форум” эхэллээ

Багануур дүүрэгт 50 мВт хүчин чадалтай Батарей хураагуурын станц барих ажлыг эхлүүллээ

Уяанаасаа алдуурсан нохой 7-8 насны 2 хүүхдийг хазаж гэмтээсэн байна

74 ширхэг түүх соёлын болон бурхан шашны эд өлгийн зүйл хулгайлсныг илрүүллээ

Нэр дэвшигчдийн бүртгэл, сонгууль зохион байгуулалтын талаар Сонгуулийн ерөнхий хорооноос мэдээлэл хийлээ

Монголбанкнаас Мөнгөний бодлогын шийдвэрийг танилцуулж байна

Гал түймрийн аюулаас сэрэмжлэхийг онцгойлон анхаарууллаа

Даатгалын тухай хуулийн төслийг шинэчилж, осол гамшгийн үед төсвийн мөнгөөр хохирол барагдуулдаг байдлыг багасгана

Хөгжлийн банкны “Самурай” бондын өрийг хугацаанд нь төлж барагдуулахтай холбоотой өрийн дэвтэрт гарын үсэг зурж байна