Фэйсбүүк хуудсан дахь “шууд дамжуулалт”-аараа олны анхааралд өртөх болсон Д.Мөнх-Эрдэнэ гэгч уг нь 2016 онд УИХ-аас санал болгож, Засгийн газраас томилсны дагуу Хөх хот дахь Ерөнхий консулаар ажиллаж байсан төрийн хүн. Гэсэн ч өнөөдөр түүнийг улс төлөөлөх хэмжээний Консул байсан гэхэд итгэмгүй үг, үйлдэл гаргах нь байнга давтагдах болсон.

Баянхонгор аймгийн харьяат тул “Хонгорын хурд” ТББ-ыг тэргүүлдэг, тэр үүднээсээ нутгийнхаа урлаг, спортынхныг дэмжих гэдэг ч таагүй харилцаа дагуулж, нутаг усныхантайгаа ам мурийж нэг бус удаа харагдсан.

Тухайлбал, түүнд хаягласан постыг Баянхонгор аймгийн Баянбулаг сумын харьяат, улсын харцага Н.Золбоо фэйсбүүк хуудаснаа дараах тайлбарыг хийлээ.

Н.ЗОЛБОО:

-Төрийн наадмын дэвжээнд 9 жил барилдахдаа хүнд бууж өгч явсанаа санахгүй юм. Улс, аймгийн наадамд барилдсан барилдаанууд минь гэрчлэх байх.Ах нь дэмжинэ гээл 2018 оны хавар өөрөө яриад эхэлсэн.Өөрөөрөө барилдаад цол авчихвал 3 өрөө байр, машин өгнө гэж амалсан. Цолоо аваад амалсан шагналаа өг гэж би нэхээгүй. Өөрөө машин өгсөн баярлаал авсан.

Хүнд юм өгөөд, өөр шиг чинь араас нь ингэж байдаг хүн харсангүй.

Шаардлагатай бол машиныг чинь авсан шигээ буцаагаад аваачаад өгөе гэж хэлсэндээ уул нь. Машин өгөөд намайг яаж ч болно гэж бодсон бол та том андуурч. Олон удаагийн доромжлолыг чинь тэвчсэн шүү.

Харин Д.Мөнх-Эрдэнэ өөрийн цахим хуудаснаа “Зарим нэг бөхчүүд, хошин шогийнхон сонгуульд бие үнэлж, ямар ч чадваргүй хулгайч, дээрэмчдийг төрд ороход нь дэмжиж, улыг нь долоож явдгаа болих хэрэгтэй. Энэ үйлдэл чинь хөгжилд гай болж байгаа та нарын хувь нэмэр шүү дээ…

Мөн улс төрөөс биеийн бяртай бөхчүүд холдож Тархины бяртай зөв хүмүүс гарч байж улс хөгжинө…! Биеийн хүчээр нэгийг л дийлдэг… Тархины хүчээр нийгмийг өөрчилж болдог.  Жонгууг дагасан бөхчүүд минь чаддаг чаддагаа хийгээрэй бидний хөгжлийг жонхуу бөх 10,20 жилээр ухраасан! Би тэнэг хүн ойлгохоор хангалттай нотлох баримттай ярьсаар байгаа цаашдаа ч ярих болно. Жнь:Хошин шогийн хүн дооглож доромжилдог нөхдүүдийн талаар үзэл бодлоо илэрхийлсэн иргэд зөв ойлголт авсан байна лээ. Одоо зарим нэг бөхчүүдийн талаар нийгэмд ойлголт өгөх хэрэгтэй болж байгаа юм байна гэхдээ баримт нотолгоотой жишээ авч байгаад сайхан лайв хийж байгаад ярина аа” гэсэн пост оруулжээ.