Дэлхий дахинд

Комедианийг тайзан дээр байх үед хутгатай этгээд биед нь халджээ

Нийтэлсэн

3 жил өмнө

2022-05-05

Нийтэлч

Комедиан Дэйв Чаппейллийг тайзан дээр байх үед нэгэн этгээд үсрэн гарч ирж биед нь халдсан бөгөөд түүнийг өнөөдөр саатуулан баривчилжээ.

Лос Анжелес хотын иргэн 23 настай Исаиа Ли орон нутгийн цагаар мягмар гарагийн орой Холливуд Боулд болсон тоглолтын үеэр 47 настай инээдмийн жүжигчин Дэйв Чаппейллийн биед халдсан бөгөөд гар буу шиг хэлбэртэй хутгатай байсан тухай эх сурвалжууд мэдээллээ.

Гэмт этгээдийг хамгаалалтын албаныхан саатуулан цагдаа нарт хүлээлгэн өгсөн бөгөөд гар нь хугарч, нүүрэндээ гэмтэл авсан байна. Хамгаалалтын албаныхан гэмт этгээдийг зодсон тухай нэгэн үзэгч жиргэжээ.

Уг үйл явдлын дараа Дэйв Чаппейллийг Крис Рок тайвшруулсан гэх бөгөөд тэрээр “Саяных Уилл Смит байсан уу?” хэмээн хошигносон нь багагүй шуугиан тариад байна.

Зарим хүмүүс уг хэргийг үйлдсэн этгээдийг саатуулан, шийтгэл оногдуулсан нь шударга бус байна хэмээн мэдээлж эхэлжээ. Оскар дээр болсон үйл явдлын дараа Уилл Смитийг эхнэрийнх нь хажууд суулган, хэдхэн минутын дараа шагнал гардуулсан.

Харин өнөөдөр болсон хэрэгт холбогдогчийг хамгаалалтын албаныхан зодож гэмтээн, цагдаагийн газарт өгч улмаар шийтгэл оногдуулахаар болсон нь хүний эрхийг дээдлэгч орны хувьд байж боломгүй ялгавартай хандлага хэмээн тэд үзэж байгаа аж.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...