Энтертайнмент
Ким Кардашъяан: Би Мэрлин Монрогийн дуураймал даашинзыг өмссөн
Ким Кардашъяан Мэрлин Монрогийн даашинзыг сүйтгэсэн тухайгаа анх удаагаа ам нээлээ. Тэрбээр 1962 онд Мэрлин Монрогийн өмсөж байсан даашинзыг өмсөхийн тулд их хэмжээний жин хассан. Гэсэн ч даашинз түүнд таарахгүй байсан учир дуураймал даашинзыг сольж өмсөхөөс өөр аргагүйд хүрсэн гэнэ. Үүний дараа түүнийг Мэрлин Монрогийн даашинзыг гэмтээж, хохирол учруулсан гэх мэдээлэл тархаж эхэлсэн. Энэ тухай Ким Кардашъяан хэлэхдээ “Риплэйгийн хүмүүс маш сайн ажилласан. Тэд надад бээлийтэй гараараа даашинз өмсөхөд тусалсан. Улаан хивсэн дээр зогсоод шатаар өгсөх хүртэл гурав, дөрөвхөн минут л болсон байх. Би Монрог хүндэлдэг. Энэ хувцас Америкийн түүхэнд хэр чухал зүйл болохыг ойлгож байгаа. Мөн Met Gala-ийн сэдэв нь Америк байсан учир Монрогийн Америкийн Ерөнхийлөгчид баяр хүргэн дуулахдаа өмссөн хувцсыг өмсөх нь юунаас ч илүү гэж бодсон” гэжээ.
Ийнхүү тэрбээр тус даашинзанд гэмтэл учруулсан гэдгээ эрс үгүйсгэжээ. Үүнээс хойш эрүүл амьдралын хэв маягт шилжсэн тэрээр чихэрлэг зүйлс болон түргэн хоол идэхээ больсон гэнэ.
Энтертайнмент
“Мөнгөн мод-2023” наадмын шилдгүүд энэ сарын 27-нд тодорно
“Монголын урлаг дэлхийн тайзнаа”, “Монгол өв ба дэлхий дахинд” цогц бодлогын илэрхийлэл болсон Соёл, урлагийн салбарын 2023 оны шилдгийн шилдгүүдээ шалгаруулах уламжлалт “МӨНГӨН МОД” наадмын цом гардуулах ёслол хүндэтгэлийн арга хэмжээ зохион байгуулагдах гэж байна.
15 дахь жилдээ зохион байгуулагдаж буй энэ удаагийн “Мөнгөн мод-2023” наадмын хүрээнд Үндэсний болон сонгодог орчин үеийн урлагийн төрөл зүйлийг уран сайхан, дүрслэл, ур чадварын өндөр түвшинд бүтээн туурвисан шилдэг 13 бүтээл, Тайз, дэлгэцийн бүтээлийг мэргэжлийн өндөр түвшинд гүйцэтгэж, үзэгчдийн талархлыг хүлээсэн, билэг авьяас бүхий шилдэг 12 уран бүтээлчдэд Мөнгөн мод цомыг тус тус гардуулна.
“Мөнгөн мод 2023” наадмын шилдгүүд 2024 оны 03 дугаар сарын 27-ны өдөр Улсын Дуурь бүжгийн эрдмийн театрт 18 цагт Улаан хивсний ёслолоор эхлэх аж.
2008 оноос соёл урлагийн салбарын шилдгүүдийг шалгаруулан ирсэн тус үйл ажиллагааны он оны шилдэг болон бичигдсэн эрхэм уран бүтээлчдийг цувралаар танилцуулж байна.
“Мөнгөн мод” наадмын шилдэг бүжигчин шагналт бүжигчид:
Энтертайнмент
Жүжигчин Б.Тэргэл “Asian film awards 2024” наадамд “Best new comer” номинацийн ялагчаар шалгарлаа
Найруулагч П.Лхагвадуламын анхны бүрэн хэмжээний уран сайхны кино “Сэр сэр салхи” уран сайхны кино нь Хонгконгт 2024 оны 03 дугаар сарын 10-ны өдөр зохион байгуулагдсан “Asian Film Awards 2024” наадамд оролцож, Монгол Улсаас анх удаа “Best new director”, “Best new comer” төрөлд тус тус нэр дэвшиж, “Best New Comer” номинацийн ялагчаар гол дүрийн жүжигчин Б.Тэргэл шалгарлаа. Мөн Япон Улсын 19 дэх удаагийн Осакагийн Азийн Олон Улсын наадмын шилдэг киноны тэргүүн шагнал буюу “Grand prix” шагналыг тус тус хүртсэн. “Сэр сэр салхи” уран сайхны кино нь 2023 онд 80 дахь удаагийн Венецийн олон улсын кино наадмын “Оризонти” хэсэгт шалгарч, шилдэг эрэгтэй гол дүрийн шагналыг гол дүр Б.Тэргэл “Алтан арслан”-гийн эзэн болж байсан бол мөн энэхүү амжилтаа дахин бататгалаа.
Үүгээр ч зогсохгүй БНХАУ-ын 7 дахь удаагийн “Pingyao” олон улсын кино наадмын “Шилдэг Найруулагч” шагнал, 96 дахь удаагийн Академи Авардс-д Монгол Улсаа төлөөлөн оролцох киногоор нэрлэгдсэн “Сэр сэр салхи” уран сайхны кино Венецийн кино наадамд нээлтээ хийснээс хойш одоогоор дэлхийн 12 орны 15 гаруй кино фестивальд амжилттай оролцож, орон орны үзэгчдэд киногоо толилуулаад байна.
Тус киног Монголын “Гуру Медиа” ХХК, Францын Аврора Филмз, Португалын Uma Pedra nо Sapata, Голландын Volya Films, Германы 27 Films, Монголын Мобинетийн VOO компани, Монгол, Франц, Португал улсын Үндэсний Кино Урлагийн Зөвлөлийн тэтгэлэг, Берлин, Локарно, Доха, Роттердам ба Торино зэрэг олон улсын кино наадмын дэргэдэх сан, Францын АРТЕ ТВ-ийн суваг, олон улсын байгууллагын хамтын ажиллагааны дүнд бий болсон бөгөөд Соёлын яамны харьяа Кино урлагийн зөвлөлийн Кино урлагийг дэмжих сангаас тодорхой хэсэгт санхүүгийн дэмжлэг тус тус үзүүлснээр бүтээгдсэн.
Эх сурвалж: Соёлын яам
Энтертайнмент
Орхоны хөндийд олон улсын судлаачид хуралдана
Дэлхийн өв-Орхоны хөндийн соёлын дурсгалт газрын Хамгаалалтын захиргаа, Монголын соёлын өвийн хадгалалт хамгаалалт, сэргээн засварлалтын холбоо, Архангай, Өвөрхангай аймгийн Соёл, урлагийн газар, Хархорин сумын ЗДТГ, “Чингис хаан”, “Эрдэнэзуу”, “Хархорум”, “Хөшөө цайдам” музей хамтран “Дэлхийн өв-Орхоны хөндийн соёлын дурсгалт газрын соёлын өвийн сэргээн засварлалт ба хадгалалт хамгаалалт” сэдэвт зөвлөгөөнийг нэгдүгээр сарын 30-нд Чингис хаан Үндэсний музейд зохион байгууллаа.
Монгол Улс Орхоны хөндийн соёлын дурсгалт газрыг ЮНЕСКО-гийн Дэлхийд өвийн жагсаалтад бүртгүүлээд 20 жил болж байна. Үүнийг тохиолдуулан, 2024 оны 7 дугаар сарын 29-нөөс 8 дугаар сарын 2-нд манай улсад олон улсын эрдэм шинжилгээний хурал зохион байгуулна. Уг хурлаар түүх, соёлын үл хөдлөх дурсгалыг шилжүүлэн зөөх, Орхоны хөндий дэх түүх, соёлын дурсгалуудыг сэргээн засварлахад тулгамдаж буй асуудлыг шийдвэрлэхээр зорьж байна. Мөн археологийн малтлага судалгаа хийх, соёлын аялал жуулчлал хөгжүүлэхдээ түүх, соёлын дурсгалын хадгалалт, хамгаалалттай хэрхэн уялдуулах тухай ярилцана.
Дэлхийн өвд бүртгэсэн соёлын өвийг хэвээр нь хадгалах, хамгаалахад тухайн улс санаа тавихгүй бол ЮНЕСКО уг жагсаалтаас тухайн өвийг хасдаг. Иймд Орхоны хөндийн соёлын дурсгалт газрыг хэвээр нь хойч үедээ үлдээхэд одооноос санаа тавих шаардлагатай байгааг тэмдэглэв.
Эх сурвалж: Чингис хаан Үндэсний музей
-
Нийгэм19 цаг өмнө
Пара сэлэмчид Азийн аварга шалгаруулах тэмцээнд оролцоно
-
Улс төр22 цаг өмнө
Ерөнхий сайд Л.Оюун-Эрдэнэ: Боомтын боомийг тайлсан шиг эрчим хүчний реформыг эрчимжүүлнэ
-
Нийгэм22 цаг өмнө
Таван шарын нүхэн гарцын хөдөлгөөнийг 6 дугаар сард нээнэ
-
Нийгэм22 цаг өмнө
ЭХЭМҮТ: Тав хүртэлх насны хүүхдийн эндэгдлээс сэргийлэх цахим хурал боллоо
-
Нийгэм20 цаг өмнө
Төв цэнгэлдэх хүрээлэнгийн ойр орчимд үлдсэн газрыг тусгай хэрэгцээнд авна
-
Нийгэм20 цаг өмнө
Хүүхдийн паркийн баруун жигүүрийн 10.2 га талбайн 80 хувьд ногоон байгууламж, 20 хувьд тухлах талбай байгуулна
-
Нийгэм22 цаг өмнө
Энэ амралтын өдрүүдэд ихэнх нутгаар цасан болон шороон шуургатай байхыг анхааруулж байна
-
Нийгэм22 цаг өмнө
Сүхбаатар дүүрэгт 202 айлын орон сууц ашиглалтад орно