Бусад

ОУ-ын цэргийн наадамд Монгол Улсын зэвсэгт хүчин анх удаа музейн үзэсгэлэнгийн төрлөөр оролцож байна

Нийтэлсэн

3 жил өмнө

2022-08-22

Нийтэлч

ОХУ-д жил бүр зохион байгуулагддаг олон улсын “Цэргийн наадам -2022” тэмцээний “Армийн соёл, урлаг”-ийн төрөлд Монгол Улсын Зэвсэгт хүчин анх удаа музейн үзэсгэлэнгийн төрлөөр оролцож байна. Энэ төрөлд 17 орны цэргийн музей өрсөлдөж байна.

Наадам зохион байгуулах хорооноос ирүүлсэн шалгуур үзүүлэлт, дүгнэх журмын дагуу Монгол цэргийн музей “XIII дугаар зууны морьтон дайчид” сэдэвт үзэсгэлэнгээр оролцож байгаа юм. Монгол түмний аж байдал, соёл уламжлал, түүх соёл морьтой салшгүй холбоотой. Эрт үеийн эрэлхэг дайчид, эзэн Чингис хааны тулаан ч баатруудаас улбаатай Монгол цэрэг эрсийн дайн тулаанд ялалт байгуулж ирсэн түүх, ардын хувьсгалын ялалт, Халх голын дайн, Чөлөөлөх дайны түүхэнд ч үргэлжилж Монгол цэрэг монгол морьтойгоо хамт байсан билээ.

Уг үзэсгэлэнд цэрэг эрийн үнэнч нөхөр морины тухай өгүүлэх бөгөөд уламжлалт Монгол ахуй, монгол гэр, морины холбоотой эд өлгийн зүйлсийг дэлгэн харуулахын зэрэгцээ монгол гэр, эмээл хазаар, чөдөр, ногт, бугуйл, хусуур, богц зэрэг морины хэрэглэлүүд, монгол гэрийн авдар, явган ширээ, тулга, аяга, цар таваг зэргийг хуулбараар хийлгэж, Монгол Улсаас ОХУ-д суугаа Элчин сайдын яамны дэмжлэгтэйгээр зохион байгуулж байна.

Эртний баатрын хувцас, нум сум, сэлэм бамбай сэлтээс гадна монгол ноён хатан, эрэгтэй, эмэгтэй хүний дээл, малгайг мөн хуулбарлан хийлгэж дэглэсэн нь гадаадын үзэгчдийн сонирхлыг ихээхэн татаж, өмсөж зургаа татуулах цуваа тасрахгүй байгаа гэнэ. Монгол уламжлалт оньсон тоглоом, шагайн наадгайг тайлбарлан биеэр тоглож үзүүлэхийн зэрэгцээ угсардаг монгол гэр бариулах, тамганы дардас даруулж өгөх зэргээр сурталчилгааны ажлыг мөн давхар хийж байна.

Орчин үеийн виртуал үзүүллэг болох “VR box”-оор эртний Хархорум хот, хааны ордныг харуулж бодит орчинд зочлуулсанд үзэгчид туйлын сэтгэл хангалуун байна. Ирсэн зочид үзэгчдийг идээ таваг бүхий ширээнд урьж монгол цай, төрөл бүрийн ундаа, боорцог, ааруулаар дайлж буй манай үзэсгэлэнгийн танхимаар олны хөл тасрахгүй, сониучирхсан хүмүүс, баярласан хүүхдийн дуунд өнжиж, хамт үзэсгэлэн гаргаж байгаа бусад орны мэргэжил нэгтнүүдтэйгээ өрсөлдөхөөс илүү нөхөрлөж, туршлага судалж, холбоо тогтоосон сайхан арга хэмжээ болж байна ажээ. Мөн “Монгол Оросын уламжлалт харилцаа” сэдэвт нүүдлийн үзэсгэлэнгээ наймдугаар сарын 18-ны өдөр зохион байгуулсан “Монгол Улс сурталчлах өдөрлөг”-ийн үед дэлгэн, үзэгчдийн хүртээл болгосон. Музейн үзэсгэлэн дэлгэгдэж буй “Найрамдлын ордон”-д зохион байгуулсан “Монгол Улс сурталчлах өдөрлөг”-ийг ЗХЖШ-ын Ажиллагааны удирдлагын газрын дарга бригадын генерал С.Дашзэвэг нээж үг хэлсэн. Өдөрлөгт оролцсон зочдод Монгол Улс, Зэвсэгт хүчний талаар мэдээлэл хийж, урлагийн тоглолт үзүүлж, хөгжөөнт тоглоом зохион байгуулж, үндэсний амттанаар зочдыг дайлах зэргээр богино хугацаанд үр дүнтэйгээр зохион байгуулжээ. Одоогийн байдлаар манай үзэсгэлэнд зургаан мянга гаруй үзэгч, тэмцээнд оролцогчид зочлоод байна.

ОХУ-ын хэвлэл мэдээллийн томоохон хэрэгслүүдээр тухайлбал “Россия”, “Звезда” телевизээр “Армийн соёл, урлаг” тэмцээнд оролцож буй Монгол Улсын Зэвсэгт хүчний уран бүтээлчдийн оролцооны талаар дэлгэрэнгүй мэдээ дамжуулж, сонин, сайтын сурвалжлагч нар мэдээ мэдээлэл бэлтгэн олон нийтэд сурталчилж байна. Ташрамд дурдахад “Армийн соёл, урлаг” тэмцээн энэ сарын 23-ны өдөр дүгнэгдэж, 27-ны өдөр тэмцээний хаалтын арга хэмжээ зохион байгуулагдана.

Сэдвүүд:

Дэлгэрэнгүй ...

Бусад

Олон улсын стандартад нийцсэн IBAN дансны дугаарлалтыг нэвтрүүллээ

Нийтэлсэн

1 долоо хоног өмнө

2025-04-02

Нийтэлч

24barimt

Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.

Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.

Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.

Дэлгэрэнгүй ...

Бусад

АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Нийтэлсэн

3 долоо хоног өмнө

2025-03-24

Нийтэлч

24barimt

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.

Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.

Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.

Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.

Дэлгэрэнгүй ...

Бусад

Нийслэлд үйл ажиллагааа явуулж буй 770 нийтийн байранд хяналт шалгалт хийлээ

Нийтэлсэн

4 долоо хоног өмнө

2025-03-12

Нийтэлч

24barimt

Нийслэлийн Засаг даргын 2025 оны А/214 дугаартай захирамжаар нийслэлийн нутаг дэвсгэрт үйл ажиллагаа явуулж буй нийтийн байрны орчин, нөхцөл байдалд хяналт шалгалт хийлээ. Тодруулбал, ажлын хэсгийн бүрэлдэхүүн нийслэлийн есөн дүүргийн 770 нийтийн байрнуудын нөхцөл байдалтай танилцаж, газар дээр нь ажиллав. Тус ажлын хүрээнд нийтийн байрны эрүүл ахуй, гал болон цахилгааны аюулгүй байдал, эрүүл ахуйн халдвар хамгаалал зэрэг нь шаардлага хангаж буй эсэхийг шалгаж, шалгалтаар илэрсэн зөрчил дутагдлыг арилгуулан, цаашид авч хэрэгжүүлэх арга хэмжээний санал, дүгнэлтийг боловсруулах юм.

Улаанбаатар хотын хэмжээнд нийтийн 770 байр байдгаас 754 нь иргэнд, үлдсэн нь аж ахуйн нэгжид бүртгэлтэй байна. Мөн үүнээс зөвхөн 285 нь татвар төлдөг болохыг хяналт шалгалтын үеэр илрүүллээ. Галын аюулгүй байдал алдагдсан 11 төрлийн нийт 5730 зөрчил илэрч 132 буюу 2.3 хувийг тухайн цаг мөчид арилгуулж цаашид хэрэгжүүлэх арга хэмжээг даалгалаа.

2025 оны 02 сарын байдлаар 770 нийтийн байр шалгалтад хамрагдсан бөгөөд давхардсан тоогоор 26 төрлийн 7,985 зөрчил илэрч, хууль тогтоомжийн хэрэгжилт 45,6%-тай байна.

Галын аюулгүй байдал 40%
Эрүүл ахуйн 34%
Байгаль орчин 57%
Гэмт хэрэг, хэв журам 75%,
Барилга байгууламж 22.3%

НЦУГ-аас гаргасан 2025 оны 02 дугаар сарын мэдээгээр гэмт хэрэг, зөрчлийн дуудлага, мэдээлэл бүртгэгдсэн 120, гэр бүлийн хүчирхийлэл, хүүхдийн эрх зөрчигдсөн дуудлага, мэдээлэл бүртгэгдсэн 142 нийтийн байр байна. Мөн Нийтийн байр түрээслэгч 11129 иргэнийг бүртгэсэн. Нийт есөн дүүргийн 383 иргэн аж ахуйн нэгжээс 175 буюу 45.8% нь хөрсөнд шингээдэг нүхэн жорлонтой бөгөөд стандартад нийцсэн, бохир сордог нүхэн жорлонгийн тоо 201 буюу 52,5% харин төвлөрсөн шугамд холбогдсон 7 буюу 2% байна. Шалгалтаар дүүргийн худалдаа үйлчилгээг зохицуулах зөвлөлд 96% огт бүртгэлгүй байгаа нь хууль тогтоомжийн хэрэгжилт хангагдахгүй явж ирсэн юм.

Дэлгэрэнгүй ...