Энтертайнмент

Хүүхдийн уншлага, хүүхдийн зохиолчдыг дэмжих чиглэлээр азийн сантай хамтран ажиллахаар боллоо

Нийтэлсэн

3 жил өмнө

2022-10-06

Нийтэлч

Азийн сангаас бага насны хүүхдэд ном унших аргачлалыг ашиглан хүүхэд багачуудыг номтой нөхөрлүүлэх, үлгэрээр дамжуулан хүүхдийн сэтгэхүйг хөгжүүлэх, хүмүүжил төлөвшил олгох зорилгоор “Хамтдаа уншицгаая” төслийн аяныг хэрэгжүүлж эхлээд байна. Бүх нийтийн соёлын боловсролыг дээшлүүлэх зорилгын хүрээнд уг төслөөр монгол хэл дээрх бага насны хүүхдэд зориулсан чанартай номын хүртээмжийг бий болгох (үүнд шинээр ном бүтээх, англи хэл дээрх номыг орчуулах), эцэг эх, асран хамгаалагчид 0-5 насны хүүхдэдээ тогтмол ном уншиж өгөхийн ач холбогдлыг сурталчлан таниулах, ном уншиж өгдөг дадал хэвшилтэй болгох, хүүхдийн номын уншлагын хүртээмжийг нэмэгдүүлэх зорилгоор нийтийн номын сангууд дээр “Үлгэрийн цаг” аян хэрэгжих юм.

Тус аяны хүрээнд “Үлгэрийн цаг” хүүхдийн Монгол номын зургийн үзэсгэлэн 2022 оны 10 дугаар сарын 06-12-ны өдрүүдэд Г.Занабазарын нэрэмжит Дүрслэх урлагийн музейд гарч байгаа бөгөөд Монголын хүүхдийн номын хэвлэлийн газрууд, хувь зохиолчид, зураачдын бүтээлүүдийг олон нийтэд хүргэх , орчин үеийн болон хуучны ховор дурсгалтай бүтээлүүд нэг цэгт төвлөрч байна.

“Үлгэрийн цаг” хөтөлбөрийн хүрээнд хүүхдүүдэд зориулсан уншлагын олон талт арга хэмжээ, гэр бүлээрээ хамрагдаж болох сонирхолтой үйл ажиллагаанууд зохион байгуулагдана.Цаашид хүүхдийн зохиолч, уран бүтээлчдийг дэмжих, олон нийтэд сурталчлан таниулах, хүүхэд багачуудыг ном, үлгэрээр дамжуулж хүмүүжлийн эерэг нөлөө төлөвшүүлэх, хүүхдийн номын төрлийг олшруулах, сан хөмрөгийн баяжилт хийх, хүүхдийн ном бүтээх зах зээлийн судалгаа зэрэг олон ажлууд дээр талууд хамтран ажиллахаар тохиролцлоо.

“Өдөр бүр 15 минут”- Эцэг, эхчүүдээ, та бүхэн өдөр бүр 15 минутыг зарцуулан хүүхдэдээ үлгэр уншиж өгөн хүүхдийнхээ ирээдүйд оюуны хөрөнгө оруулалт хийгээрэй.

Сэдвүүд:

Дэлгэрэнгүй ...

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

6 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

1 өдөр өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...