Оросын эсрэг цөмийн дайралт хийх тохолдолд хариу өгөх Стратегийн зориулалттай пуужинт цэргийн сургуулилтыг ОХУ-ын Зэвсэгт хүчний ерөнхий командагч Владимир Путин биечлэн удирдлаа гэж Батлан хамгаалахын сайд Сергей Шойгу мэдээллээ. “Нөхөр Дээд ерөнхий командлагч танаа. Дайсны цөмийн цохилтын хариуд стратегийн давшилтын хүчний зүгээс цөмийн цохилт хийх зорилтыг боловсруулах ОХУын Зэвсэгт хүчин төлөвлөгөөт сургуулилтаа таны удирдлагын дор хийхэд бэлэн боллоо” гэж Батлан хамгаалахын сайд илтгэсэн байна.

Зэвсэгт хүчний жанжин штабын мэдээлснээр бол энэ сургуулилтад стратегийн зориулалттай пуужинт цэргийн “Ярс”комплекс, Умард флотын стратегийн зориулалттай усан доогуур шумбагч “Тула” хөлөг, стратегийн пуужин тээвэрлэгч алсын нислэгийн хоёр Ту-95МС онгоц оролцсон байна.

Пуужинт цэргийн дайчид Плесецкийн сансрын буудлаас тив алгасан баллистик “Ярс” пуужин харвасан бол Баренцевын тэнгисээс баллистик “Синева” пуужин харваж туршжээ. Мөн Ту95МС онгоц нислэгийнхээ үеэр далавчит пуужин харваж туршсан байна.

“Стратегийн зориулалттай пуужинт цэргийн дайчид сургуулилтын зорилтоо амжилттай биелүүлж харвасан бүх пуужин байгаа онолоо” гэж Кремлийн хэвлэлийн алба мэдэгджээ. Стратегийн зориулалтат цэргийн өмнөх ийм сургуулилт мөн Владимир Путины удардлагаар энэ оны хоёрдугаар сарын 19-нд болсон юм. Тэгэхэд цэргийн удирдлага, пуужин харвах тоотууд, байлдааны хөлгүүдийн баг, стратегийн пуужин тээвэрлэгч нисэх онгоцуудын бэлэн байдал, өмнөх зорилтоо биелүүлэх, цөмийн болон цөмийн бус зэвсгийн найдвартай байдлыг шалгасан юм.

Энэ сургуулилтаар МиГ-31 сөнөөгч онгоцноос “Кинжал” пуужин харваж, оператив тактикийн “Искандер” комплесоор буудан, бага оврын хөлгөөс “Калибр” далавчит пуужин харвасан бол хэт авианы “Циркон”, тив алгасах баллистик “Ярс” пуужин, усан доогуур шумбагч “Карелия” хөлгөөс “Синева” пуужин харваж, стратегийн бөмбөгдөгч Ту-95МС онгоц хөөргөн сургуулилсан юм.