Дэлхий дахинд

КСИР-ийг террорист байгууллагын жагсаалтад оруулахыг уриаллаа

Нийтэлсэн

2 жил өмнө

2022-11-15

Нийтэлч

ХБНГУ-ын эрх барих эвсэлд багтдаг “Ногоон” намын төлөөлөгч Омид Нурипур Иранд болж байгаа эсэргүүцлийн хөөдөлгөөнтэй холбогдуулан ираны Исламын хувьсгалын корпусыг террорист байгууллагын жагсаалтад оруулахыг Европын холбоонд уриалсан байна. Нурипур Bild am Sonntag сонинд өгсөн ярилцлагадаа “ираны жагсагчид цаашид түр зуурын шинэчлэлд итгэхээ больсон, тэд харин ардчилсан Ираныг хүсч байна” гэж онцлон тэмдэглэжээ. Улстөрч цааш нь Европын холбоо Ираны эсрэг “анхны хориг” тавьсныг талархан дэмжээд, ХБНГУ-ын Гадаад хэргийн сайд Анналена Бербок цаашид ч зохих арга хэмжээ авна гэж амлаж байгаа гэжээ.

“Европын холбоо ираны Исламын хувьсгалын корпусыг террорист байгууллагын жагсаалтад оруулах ёстой” гээд санхүүг нь бас цараах хэрэгтэй гэж уриалсан байна.

Есдүгээр сарын дундуур иран бүсгүй Махса Аминийг гивлүүрээ буруу зүүсэн хэмээн ёс журмын цагдаа нар баривчилсны дараа амь алдсанаас үүдээд Иранд эсэргүүцлийн хөдөлгөөн өрнөж эхэлсэн юм. Эсэргүүцлийн хөдөлгөөн Гилян, Хузестан, Систан, Белужистан, Тегеран, Курдистан мужуудад газар аваад байна. Ираны эрх баригчид харин энэ эсэргүүцлийн хөдөлгөөнийг дэмжиж байна, ираны засгийн газрыг түлхэн унагаахыг уриалсан ираны эсрэг мэдээлэл уриалгыг өөрсдийн хэвлэл мэдээллийн хэрэгслээрээ цацаж байна гэж Өрнөдийн орнуудыг буруутгаж байгаа юм. Жагсагчид хүчний байгууллагын ажилтнууд, цагдаа нар, Исламын хувьсгалын корпусын ажилтнууд руу халдаж байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...