Дэлхий дахинд

Польш улс зэвсэгт хүчний анги зарим нэгжийн бэлэн байдлыг өндөрсгөжээ

Нийтэлсэн

2 жил өмнө

2022-11-16

Нийтэлч

Польшийн хил орчмын тосгонд өчигдөр орон нутгийн цагаар 15:40–д пуужин унаж, хоёр хүний аминд хүрсэн дэлбэрэлт болсон гэж Польшийн Гадаад хэргийн яамны хэвлэлийн төлөөлөгч мэдэгджээ. ОХУ Украинд цэрэг дайны ажиллагаа явуулж эхлүүлснээс хойш Оросын зэвсэг НАТО-гийн гишүүн улсын нутагт туссан анхны тохиолдол байж болзошгүй нөхцөл үүссэнийг хэвлэлүүд мэдээлж байна. Польшийн эрх баригчид өчигдөр үндэсний аюулгүй байдлын зөвлөлөө шуурхай хуралдуулсны дараа зэвсэгт хүчний зарим анги нэгтгэлийг өндөржүүлсэн бэлэн байдалд шилжүүлснээ зарлажээ. Үүссэн нөхцөл байдалтай холбогдуулан АНУ-ын Ерөнхийлөгч Жо Байден G7 болон НАТО-гийн удирдагчидтай “яаралтай” уулзалт зарлажээ. Үүний зэрэгцээ НАТО-гийн Ерөнхий нарийн бичгийн дарга Йенс Столтенберг Польш дахь Украины хил орчимд болж байгаа үйл явдлыг хэлэлцэхээр эвслийн элч нарыг орой яаралтай хуралдуулахаар зарласан байна. Хэрэв НАТО-гийн аль ч гишүүн орон “нутаг дэвсгэрийн бүрэн бүтэн байдал, улс төрийн тусгаар тогтнол, аюулгүй байдал” нь эрсдэлд орсон гэж үзвэл зөвлөлдөх уулзалтыг зарлаж болдог.

Польшийн засгийн газар АНУ-тай хамтран хэрэг явдлын талаар мөрдөн байцаалтын хамтарсан ажиллагаа явуулах болно гэж мэдэгдсэн байна. Харин ОХУ-ын Батлан хамгаалах яам өчигдөр Польшийн нутаг дэвсгэрт унасан пуужингийн цохилтод ямар ч хамааралгүй, мөн довтолгоонд ашигласан пуужин ч Оросын зэр зэвсэгтэй ямар ч холбоогүй, энэ бол Украины талын зохион байгуулсан өдөөн хатгалга гэж мэдэгдсэнийг Ассошэйтэд прэсс агентлаг мэдээлсэн байна. Украины гадаад хэргийн яам Оросын дээрх мэдэгдлийг няцаасан байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...