Дэлхий дахинд

Иранд 4 жагсагчид цаазын ял оноов

Нийтэлсэн

2 жил өмнө

2022-11-17

Нийтэлч

Иран улсад саяхан болсон засгийн газрын эсрэг жагсаалтай холбогдуулан дөрвөн хүнд “Бурхны эсрэг дайсагнасан” хэргээр цаазын ял оноожээ. Тодруулбал, 2019 оны арваннэгдүгээр сарын 15-ны өдрийн хэлмэгдүүлэлтийн дурсгалд зориулж идэвхтнүүд гурван өдрийн жагсаал, ажил хаялт зарласан юм. Тухайн үед иранчууд шатахууны үнийн гэнэтийн өсөлтийг эсэргүүцэн жагсаж байв. “Цуст арваннэгдүгээр сар”-ын дурсгалд зориулж Мягмар гаригаас эмх замбараагүй байдал дахин шинээр эхэлжээ.

Цаазын ял авсан дөрвөн хүний нэг нь цагдаагийн ажилтныг машинаараа мөргөж, амь насыг нь хохироосон байна. Хоёр дахь нь хутга, буу биедээ авч явсан. Гурав дахь нь замын хөдөлгөөнийг хааж, хүмүүсийг айлгасан. Дөрөв дэх нь хутгатай халдлага үйлдсэн хэргээр тус тус шийтгэгдсэн.

Ийнхүү тус улсад Ням гаригаас хойш нийт таван хүнийг цаазаар авах болоод байна. Хүний эрхийн төлөө тэмцэгчид үүнийг буруушааж, шударга бус шүүхийн үр дүн гэжээ. Цаазын ял авсан хүмүүс байцаалтын шатанд өмгөөлөгчтэй уулзах боломжгүй байсныг Хүний эрхийн байгууллагын захирал Махмуд Амири-Могаддам хэлж байна. Тэднийг бие махбод болон сэтгэл санаагаар нь дарамталж байж худал мэдүүлэг өгүүлэн, хэргийг нь хүлээлгэдэг аж. Таван хүний нэрийг шүүхээс хараахан зарлаагүй байна.

Ираны удирдагчид гадныхны дэмжлэгтэй үймээн самуун гэж нэрлээд буй уг жагсаалыг аюулгүй байдлын хүчнийхэн дарсны улмаас дор хаяж 348 хүн амиа алдаж, 15900 хүн баривчлагджээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...