Дэлхий дахинд

Лукашенко Украин руу цэрэг илгээж болзошгүй

Нийтэлсэн

2 жил өмнө

2022-11-25

Нийтэлч

Беларусийн ерөнхийлөгч Александр Лукашенко энэ сарын эхээр 40 мянган цэрэгтэй армиа Украин руу илгээсэн ч Орост тусалж чадахгүй гэж мэдэгдсэн. Үүний зэрэгцээ Беларусь дайнд өөр хэлбэрээр оролцож байгааг хүлээн зөвшөөрсөн.

“Зэвсэгт хүчний шууд оролцоо нь нөхцөл байдлыг улам дордуулна. Беларусь энэ мөргөлдөөнд ийм үүрэг гүйцэтгэхгүй. Бид цэргийн тусгай ажиллагаанд олон талаараа оролцдог гэдгийг би хэзээ ч үгүйсгэж байгаагүй. Гэхдээ хэнийг ч алдаггүй, тийшээ боловсон хүчнээ илгээдэггүй. Тэгэх шаардлагагүй” гэж тэр хэлж байв. Мөн Оростой энх тайвны тухай ярьж, зөвшилцөх шаардлагатай онцолжээ.

Тэгвэл Лукашенкогийн хууль бус засаглалыг эсэргүүцдэг Беларусийн “BYPOL” байгууллага өөрөөр мэдүүлэв. “Лукашенко халдлага хийхээр шийдсэн гэж бид үзэж байна. Тэр тодорхой нөхцөлд л Украин руу довтлох болно. Бэлтгэл ажил явагдаж байгаа. Гэхдээ довтолгоо хэзээ болох тодорхой огноо алга байна. Юуны өмнө тусгай ажиллагааны хүчин, Агаарын довтолгооноос хамгаалах хүчин, Агаарын цэргийн хүчин, инженерүүд, электрон дайны ангиуд хамгийн түрүүнд бэлтгэгдсэн байна” гэж тус байгууллагын төлөөлөл хэлжээ.

Мэргэжилтнүүд Беларусийн цэргүүдийн эцэс төгсгөлгүй сургуулилалтаас харахад бэлтгэл ажил хангагдсан гэж үзэж байна.

Эх сурвалж: UKRAYINSKA PRAVDA, THE NEW VOICE OF UKRAINE

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...