Дэлхий дахинд

Украин эрчим хүчний дэд бүтцээ сэргээн засахаар ажиллаж байна

Нийтэлсэн

2 жил өмнө

2022-11-28

Нийтэлч

Оросын арми өнгөрсөн сараас хойш Украины нийслэл Киев болон бусад хотуудын эрчим хүчний дэд бүтцүүдийг бөмбөгдөх нь нэмэгдсэнээр Украинд олон сая хүн гэрэл цахилгаангүй болсон. Өвлийн ид хүйтэн орохоос урьтаж, Украины эрх баригчид улс орон даяар эрчим хүчээ сэргээхээр өдөр шөнөгүй ажиллаж байна. Лхагва гарагаас хойш цахилгаангүй болсон хүний тоог хоёр дахин бууруулж, одоо 6 сая гаруй хүн цахилгаангүй байгааг Украины ерөнхийлөгч Зеленский мэдэгджээ.

Бүх мужид эрчим хүчний нөхцөл байдал маш хүнд байгаа ч улс орон даяар эрчим хүчээ сэргээхээр чадах чинээгээрээ зүтгэж байна гэж Зеленский мэдэгджээ. Тухайлбал нийслэл Киев болон Одесс, Лвов, Винница, Днепропетровск мужуудад эрчим хүчний тасалдал хамгийн өндөр хувьтай байгаа юм байна. Украины ерөнхийлөгч өчигдөр Европын комиссын ерөнхийлөгчтэй утсаар ярьж, тусламж дэмжлэгээ яаравчлахыг хүсжээ. Европын Комисс Украинд эхний ээлжид 2,5 тэрбум еврогийн санхүүжилт олгохоо амлаад байгаа юм. Энэ үеэр Женевд НҮБ-ын хүмүүнлэгийн хэрэг эрхлэх газар Украины хүмүүнлэгийн нөхцөл байдлыг авч хэлэлцсэн байна. Тус газар Украинд олон сая хүн гэрэл цахилгаангүй, цэвэр усны нийлүүлэлт, халаалтгүй өвөлжих эрсдэлтэй тулгарсан байгааг хүлээн зөвшөөрчээ. НҮБ-ын хүмүүнлэгийн болон тусламжийн агентлагууд Украинд эмнэлэг, сургууль зэрэг нийтийн байгууламжуудад эрчим хүчний үүсгүүр тусламжаар илгээж байгаа юм байна. Одоогоор цахилгаан үүсгүүр 400ширхгийг Украины руу илгээжээ. Украины 24 мужийн 15 нь цахилгаан эрчим хүчний тасалдалтай, цэвэр усны хомсдолтой тулгарч байна гэж НҮБ-ын хүмүүнлэгийн байгууллагаас мэдэгджээ. Одоо НҮБ-ын хүмүүнлэгийн болон тусламжийн агентлагууд Украины иргэдийг дотоодод нь нүүлгэн шилжүүлэх мөн хилийн чанад руу гаргах асуудлаар Киевийн эрх баригчид болон хөрш улс орнуудтай нь яриа хэлэлцээ хийж байна. Оросын арми Украины Херсон хотоос 2 долоо хоногийн өмнө гарснаасаа хойш тус хотыг бөмбөгдөх нь сүүлийн өдрүүдэд эрс нэмэгджээ. Пүрэв гарагт гэхэд Оросын арми Херсон хот руу их буугаар галласнаас үүдэж Украины 10 энгийн иргэн амь үрэгджээ.

Сэдвүүд:

Дэлгэрэнгүй ...

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

2 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...

Дэлхий дахинд

Сөүл хотод авто зам цөмөрч мотоциклтой иргэн унажээ

Нийтэлсэн

2 долоо хоног өмнө

2025-03-25

Нийтэлч

24barimt

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.

Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.

Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.

Одоогоор зам цөмөрсөн шалтгааныг тодруулахаар ажиллаж байна.

Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.

Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.

Дэлгэрэнгүй ...

Дэлхий дахинд

Өмнөд Солонгос даяар 30 шахам ой хээрийн түймэр гарав

Нийтэлсэн

2 долоо хоног өмнө

2025-03-24

Нийтэлч

24barimt

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.

Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.

Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.

29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.

Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.

Дэлгэрэнгүй ...