Дэлхий дахинд

Газрын тосны бүтээгдэхүүнийг алтаар худалдаж авна гэв

Нийтэлсэн

2 жил өмнө

2022-11-28

Нийтэлч

Өрнөд Африкийн Гана улсын засгийн газраас газрын тосны бүтээгдэхүүнийг ам.доллараар биш алтаар худалдан авах шинэ журмыг боловсруулж байна гэж дэд Ерөнхийлөгч Махамуду Бавумиа мэдэгджээ. Энэхүү арга хэмжээ нь газрын тос импортлогчдын ам.долларын эрэлтийг зохицуулах, дотоодын мөнгөн тэмдэгт седи суларч, амьжиргааны өртгийг нэмэгдүүлж байгаа болон гадаад валютын нөөц багасахтай тэмцэх зорилготой аж.

Ганын гадаад валютын нөөц нь энэ оны есдүгээр сарын байдлаар 6.6 тэрбум ам.доллар байгаа нь гурав хүрэхгүй сарын импортын хэмжээтэй тэнцэж байгаа аж. Валютын нөөц өнгөрсөн жилийн сүүлд 9.7 тэрбум ам.доллар орчим байжээ.

Шинэ журмыг 2023 оны нэгдүгээр улирлаар хэрэгжүүлж эхлэхээр төлөвлөж байгаа бөгөөд алтаар худалдаа хийснээр шатахуун болон бусад барааны үнэд валютын ханшийн хэлбэлзэл нөлөөлөх нөлөө нь багасна гэж тооцсон байна. Газрын тосны бүтээгдэхүүний импортыг алтаар бартердсанаар дотоодын худалдан авагчдад гадаад валютын хэрэгцээ шаардлага буурна гэж үзжээ.

Алтаар наймаа хийх нь ховор үзэгдэл аж. Улс орнууд заримдаа газрын тосоо өөр бараа, түүхий эдээр худалдаалдаг. Ийм хэлцэл нь голдуу газрын тосны бус барааг газрын тос үйлдвэрлэдэг улс оронд худалдан авах зарчмаар явагддаг байна.

Гана нь түүхий нефть олборлодог боловч 2017 оны дэлбэрэлтийн дараа газрын тос боловсруулах үйлдвэр нь хаагдсанаар импортын бүтээгдэхүүнээс хамааралтай болжээ.

ЭХ СУРВАЛЖ: ALJAZEERA

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...