Дэлхий дахинд

Өмнөд Солонгост хүйтний сэрэмжлүүлэг гаргав

Нийтэлсэн

2 жил өмнө

2022-11-29

Нийтэлч

Өмнөд Солонгос улсад арваннэгдүгээр сард ер бусын дулаахан байжээ. Ойрноос хүйтний эрч чангарах төлөвтэй болсон тул маргаашаас /2022.11.30/ эхлэн Сөүл тэргүүтэй олон хотод хүйтний давалгааны сэрэмжлүүлэг гаргана гэж Цаг уурын агентлаг мэдэгдлээ. Хүйтний давалгааны сэрэмжлүүлэг өмнөд хэсгийн Чежү арлаас бусад бараг бүх газарт хамаатай аж.

Өглөөдөө 10 хэмээс хүйтэн, өдөрдөө гурван хэмээс хүйтэн байх үед энэ сэрэмжлүүлгийг гаргадаг. Тэгвэл Сөүл хотод өнөөдөр 10 хэм, Лхагва гаригт өглөөдөө долоон хэм хүртэл хүйтрэх төлөвтэй байна. Нутгийн өмнөд хэсэг болон Чежү аралд хур тунадас орно гэж Цаг уурын агентлаг мэдээллээ.

БНСУ сүүлийн 17 жилийн хугацаанд анх удаа хүйтний сэрэмжлүүлэг гаргасан нь өнгөрсөн аравдугаар сард юм. Тодруулбал, аравдугаар сарын 16-ны Бямба гаригт төвийн 10 орчим хот, мужид сэрэмжлүүлэг гаргаж байв. Тухайн үед арктикийн агаарын нөлөөгөөр улирлын бус хүйтэн цаг агаар тохиосон гэж тайлбарласан.

Эх сурвалж: YONHAP, KOREA TIMES

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...