Дэлхий дахинд
Шинжаанд эрс хүйтэрсний улмаас 7 хүн нас барав

Шинжаан-Уйгурын өөртөө засах орны Алтай хотод цаг агаар огцом хүйтэрснээс болж замын ажил хийж байсан долоон хүн нас барсныг Даваа гаригт мэдээллээ. Тус бүс нутагт арваннэгдүгээр сарын 20-ноос хүчтэй салхи, цасан шуурга шуурч эхэлсэн бөгөөд энэ нь сүүлийн 10 жилд бүртгэгдээгүй хүйтэн цаг агаар болж байна.
Алтай, Бурчин хошууг холбосон хурдны замын ойролцоо найман хүн төөрсөн байна гэсэн дуудлага орон нутгийн цагдаагийн хэлтэст Бямба гаригийн 23:00 цагийн үед иржээ. Дуудлагыг хүлээж авсан даруйдаа аврах баг гарч, улмаар Ням гаригийн өглөөний 11:10 цагийн орчимд найман хүнийг олсон байна.
Хүмүүсийг эмнэлэгт хүргэсэн боловч долоо нь нас баржээ. Нэг хүнийх нь биеийн байдал тогтворжсон байна.
Эрс хүйтэрсэнтэй холбоотойгоор замын ажил түр хойшилж, 14 ажилтанг ойролцоох тосгон руу хоёр тусдаа машинаар зөөх болсон. Эхний машин нь тосгонд Бямба гаригийн оройн 21:00 цагийн үед хүрсэн боловч найман хүн тээвэрлэж явсан хоёр дахь машин нь цасанд боогджээ. Тэд замын ажил явагдаж байсан цэгээс 500 метр зайд гацсан байна. Машинаа цаснаас гаргах оролдлого нь бүтэлгүйтсэн тул тэд буцаад алхахаар шийдсэн. 20:30 цагийн үеэс салхи улам ширүүсч, цаг агаарын нөхцөл байдал хүндэрчээ. Замын зарим хэсэгт цасны зузаан нэг метр хүрсэн байв. Мөн машины гэрэл гурван метр хүрэхгүй зайг л гэрэлтүүлж дөнгөж байсан нь найман ажилтныг төөрөхөд хүргэжээ.
Орон нутгийн засаг захиргаа болон холбогдох барилгын төслийн нэгжүүдээс ажлын хэсэг байгуулж, мөрдөн байцаалтын ажиллагаа явуулж байна.
Эх сурвалж: CHINA DAILY

Дэлхий дахинд
БНСУ даяар галын нөхцөл байдал ноцтой түвшинд хүрснийг зарлалаа

Дэлхий дахинд
Сөүл хотод авто зам цөмөрч мотоциклтой иргэн унажээ

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.
Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.
Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.
Одоогоор зам цөмөрсөн шалтгааныг тодруулахаар ажиллаж байна.
Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.
Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.
Дэлхий дахинд
Өмнөд Солонгос даяар 30 шахам ой хээрийн түймэр гарав

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.
Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.
Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.
29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.
Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.
-
Нийгэм3 цаг өмнө
Төв аймаг бүх сумандаа киоск машинтай анхны аймаг болжээ
-
Нийгэм3 цаг өмнө
Хөдөлгөөнт “ХУРДАН” цэг нийслэлийн алслагдсан бүсэд ажиллана
-
Нийгэм49 минут өмнө
ЦЕГ: 513 хэргийг прокурорын байгууллагад хүргүүлжээ
-
Нийгэм3 цаг өмнө
Өнөөдөр дараах байршилд цахилгаан хязгаарлана
-
Нийгэм3 цаг өмнө
Хүүхэд нохойд хазуулах тохиолдол нэмэгдэх хандлагатай байна
-
Улс төр39 минут өмнө
Парламентын Ерөнхий нарийн бичгийн дарга нарын нийгэмлэгийн хуралд УИХ-ын Ерөнхий нарийн бичгийн дарга Б.Баасандорж оролцлоо
-
Энтертайнмент3 цаг өмнө
“Дүнхуан соёл Улаанбаатарт” үзэсгэлэнг нээв
-
Нийгэм2 цаг өмнө
О.Энхбаатар: Өвөр гүнтийн замыг шинэчлэхээр 3 удаа тендер зарласан боловч ААН-үүд оролцоогүй