Дэлхий дахинд

Катар улс Европын холбоонд авлига өгсөн байж болзошгүй

Нийтэлсэн

2 жил өмнө

2022-12-12

Нийтэлч

Катар улс Европын парламентын албан тушаалтнуудад авлига өгсөн байж болзошгүй байна. Энэ хэрэгтэй холбоотойгоор Европын парламентын дэд ерөнхийлөгч Ева Кайли тэргүүтэй дөрвөн хүнд эрүүгийн хэрэг үүсгэжээ. Ева Кайлигийн дэд ерөнхийлөгчийн үүрэг хариуцлагад Ойрхи Дорнод багтдаг. Нийт зургаан хүнийг цагдан хорьж байцаасан бөгөөд хоёрыг нь суллажээ.

Прокурорууд Катарыг мөнгө, бэлэг өгөх замаар парламентын шийдвэрт нөлөөлөхийг оролдсон гэж сэжиглэж байна. Гэхдээ Катарын засгийн газар энэ мэдэгдлийг үгүйсгэжээ.

Европын парламентын ажиглагчид болон сөрөг хүчний гишүүдийн үзэж буйгаар, энэ нь Европын парламентад урьд өмнө байгаагүй авлигын томоохон хэрэг байж магадгүй аж. Энэ хэргийн улмаас Ева Кайлид өгсөн бүх эрх мэдэл, үүрэг, даалгаврыг нэн даруй түдгэлзүүлэхээр шийджээ.

Түүний гэрт нэгжлэг хийсэн бөгөөд Европын парламентын ерөнхийлөгч Роберта Мецола нь Бельгийн Үндсэн хуульд заасны дагуу нэгжлэгийн үеэр байлцсан байна. Нийт 16 удаагийн нэгжлэгээр 600 мянган евро бэлнээр хураан авсан аж. Мөн доторх файлуудыг шалгахын тулд компьютер, гар утсыг нь хураан авчээ.

Катар улс 2022 оны хөлбөмбөгийн ДАШТ-ийг зохион байгуулахтай холбоотойгоор авлигын хэрэгт буруутгагдаж байсан удаатай. Тус улс энэ мэдэгдлийг няцааж, авлигын хэргээс чөлөөлөгдсөн билээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...