Дэлхий дахинд

ОХУ: Финландын хил дагуу цэрэг байршуулна

Нийтэлсэн

2 жил өмнө

2022-12-22

Нийтэлч

ОХУ-ын ерөнхийлөгч Владимир Путин өчигдөр /2022.12.21/ Батлан хамгаалахын сайд Сергей Шойгутай уулзсан. Энэ үеэр тэд Финландын хилийн дагуу цэргийн анги байршуулах талаар ярилцжээ.

Финланд, Швед улсууд НАТО-д элсэхээр хүсэлтээ өгөөд буй. Тиймээс цэрэг байршуулах шийдвэр нь Оросын хилийн ойролцоо байр сууриа нэмэгдүүлж, Финланд, Шведийн зардлаар холбоогоо өргөжүүлэх гэсэн НАТО-ийн хүсэлтэй холбоотой гэж Сергей Шойгу хэлжээ. Өдгөө Оросын армид нэг сая албан хаагч байна. Үүнийг 1.5 сая болгоно гэж Шойгу хэлсэн. Мөн 695 мянган сайн дурын гэрээт цэрэг нэмнэ гэжээ. Цэргийн хүчээ хэзээ нэмэгдүүлэхээ тэр хэлээгүй.

Харин Финланд улс Шойгугийн хэлсэн үгэнд олон тооны алдаа байгааг онцолсон. Финланд улс аюулгүй байдлын бодлогоо бие даан шийдвэрлэдэг гэж мэдэгджээ.

Финланд, Орос улсууд ойролцоогоор 1340 км хиллэдэг. Олон арван жилийн турш төвийг сахьсан байр суурьтай байсан Швед, Финланд улсууд дайн эхэлсний дараа НАТО-д элсэх хүсэлтээ өгсөн. НАТО-ийн гишүүн 30 орны 28 нь тэдний гишүүнчлэлийг хэдийнэ зөвшөөрчээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...