Дэлхий дахинд

Тедрос Аданом Гебрейсус: Хятадын нөхцөл байдал, хүндээр өвчлөгсдийн тоо нэмэгдэж байгаад түгшиж байна

Нийтэлсэн

2 жил өмнө

2022-12-23

Нийтэлч

ДЭМБ-ын тэргүүн Тедрос Аданом Гебрейсус Хятадад коронавирусний томоохон давлагаа гарч байгаад санаа зовниж буйгаа илэрхийлээд, хүн амын эмзэг давхаргынхаа вакцинжуулалтыг идэвхжүүлэхийг уриалжээ.

“ДЭМБ Хятадын нөхцөл байдал, хүндээр өвчлөгсдийн тоо нэмэгдэж байгаад түгшиж байна” хэмээн тэрбээр мэдэгдсэн байна.

Тус байгууллагын тооцоогоор Хятадад ойрын хэдэн сарын хугацаанд 800 сая орчим иргэн коронавирусний халдвар авах магадлалтай гэж гарчээ. Үүний зэрэгцээ Хятадаас мэдээлэл маш бага ирж байгааг тус байгууллага анхааруулсан байна.

Хятадад цар тахал гарсан цагаас хойш 386.2 мянган хүн коронавирусний халдвартай гэж оношлогдож, 5.2 мянган хүн өвчний хүндрэлээр өөд болсон байна.

Хятадын засаг захиргаа 2020 оноос хойш “Ковид-19”-ийн тэг түвшний бодлого баримталж, вирусийг тархахаас сэргийлэх зорилгоор хөл хорио тогтоож, халдвартай хүмүүстэй хавьтсан хүмүүсийг тусгаарлаж байлаа.

ДЭМБ-ын тэргүүн өнгөрөгч хавар энэ бодлогыг шүүмжилсэн ч Хятадын засаг захиргаа хүлээж аваагүй төдийгүй, үүнийг хамгийн сайн, үр дүнтэй арга гэж мэдэгдэж байжээ.

Гэвч саяхнаас Хятад улс вирусний эсрэг авсан зарим хязгаарлалтаа цуцалсан байна. Үүнээс болоод халдвар авсан хүний тоо огцом өсжээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...