Дэлхий дахинд

Байден шинэ оноо Карибын тэнгист гэр бүлийн хамт угтана

Нийтэлсэн

2 жил өмнө

2022-12-28

Нийтэлч

АНУ-ын Ерөнхийлөгч Жо Байден Мягмар гаригт Санта Круз (АНУ-ын Виржинийн арлууд) арал дээр очиж, гэр бүлийнхэнтэйгээ шинэ жилийн баяраа тэмдэглэх юм байна. Энэ талаар өнгөрсөн Даваа гаригт Цагаан ордны хэвлэлийн албанаас мэдээлэв.

Тус албаны мэдээлэлд “Ерөнхийлөгч Жо Байден, Тэргүүн хатагтай Жилл Байден нар Мягмар гаригийн үдээс хойш Санта Круз арал дээр очиж, гэр бүлийнхний хамт шинэ оноо угтана” гэж дурджээ. Америкийн төрийн тэргүүн ирэх оны нэгдүгээр сарын 2-нд Вашингтонд буцаж ирэх аж.

Жо Байдены тамгын газрын дарга Рон Клейн арванхоёрдугаар сарын эхээр “Байден шинэ жилийн баярын дараа ерөнхийлөгчийн сонгуульд хоёр дахь удаагаа нэр дэвших эсэх эцсийн шийдвэрээ гаргана” гэж мэдэгджээ. Цагаан ордны Хэвлэлийн нарийн бичгийн дарга Карин Жан-Пьерийн хувьд Клейний хэлсэн үгэнд тайлбар өгөхдөө “Ерөнхийлөгч 2024 оны Ерөнхийлөгчийн сонгуульд оролцох бодолтой байгаа бөгөөд гэр бүлийнхэнтэйгээ ярилцаж, ирэх оны эхээр шийдвэрээ гаргана” гэж тэмдэглэсэн байна.

Эх сурвалж: AZERBAYCAN24, TASS

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...