Дэлхий дахинд

Азийн хөлөг онгоцуудыг хураахаас сэргийлэн ОХУ-д хэлэлцэх санал тавив

Нийтэлсэн

2 жил өмнө

2023-01-24

Нийтэлч

Хоккайдогийн маргаантай арлуудын ойролцоох усан дахь Азийн орнуудын хөлөг онгоцыг Москвагийн эрх баригчид хураахаас урьдчилан сэргийлэхийн тулд энэ оны хоёр талын аюулгүй загас агнуурын хэлэлцээрийг эхлүүлэхийг Японы эрх баригчид Орост уриалав.

“Орос улс тус гэрээний асуудлаар засгийн газар хоорондын хэлэлцээ хийх тохиромжтой огнооны талаар мэдээлэл өгөх боломжгүй гэдгээ Японд мэдэгдлээ. Оросын хариу арга хэмжээг хүлээн авах боломжгүй. Бид 2023 оны загас агнуурын үйл ажиллагаагаа аль болох хурдан эхлүүлэхийн тулд Оросыг засгийн газар хоорондын яриа хэлэлцээнд оруулахыг хатуу шаардах болно” гэж засгийн газрын ерөнхий нарийн бичгийн дарга Хироказу Мацуно хэллээ.

Москвагийн хяналтад байхын сацуу Японы хойд нутаг гэгддэг арлуудын орчмын усыг хамарсан энэхүү хэлэлцээрийг 1998 онд Оросын эрх баригчид Японы загас агнуурын хөлөг онгоцуудыг хураан авч, заримыг нь буудсаны дараа байгуулсан юм. Энэхүү хэлэлцээрийн дагуу Японы загасчид Москвагийн эрх баригчдад хамтын ажиллагааны мөнгө төлж, хариуд нь Оросын өмнөд Курилын арлуудын эргэн тойронд атка макрель, наймалж зэрэг далайн хэд хэдэн төрөл зүйлийг барих боломжтой юм. Нарийн нөхцөлийг жил бүрийн хэлэлцээрээр тодорхойлдог.

Орос улс 2022 оны зургадугаар сард Сахалин дахь бүтээн байгуулалтын төслийн төлбөрийг Япон царцаасан гэх үндэслэлээр гэрээгээ зогсоосон. Учир нь Япон улс АНУ тэргүүтэй орнуудын Оросын эсрэг хориг арга хэмжээнд нэгдсэнээр ийм алхам хийсэн юм. Гэвч Японы загасчдын ашиг тусын үүднээс уг төслийн санхүүжилтийг Орост төлсний дараа загас агнуурын үйл ажиллагаа сэргэсэн.

Дэлхийн хоёрдугаар дайнд Япон бууж өгсний дараахан ЗХУ арлуудыг хууль бусаар булаан авсан гэж Япон мэдэгдэж байгаа бол Москва энэ үйлдлийг хууль ёсны гэж үзэж байна. Украины дайнаас улбаалаад Оросын эсрэг хориг арга хэмжээ авсан тул Москва олон арван жил үргэлжилсэн хэлэлцээрээ зогсооно гэж мэдэгдлээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

19 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...