Дэлхий дахинд

Шинэ Зеландад хар салхины улмаас онц байдал зарлав

Нийтэлсэн

2 жил өмнө

2023-02-14

Нийтэлч

Шинэ Зеланд улсад Габриэль хар салхины улмаас өнөө өглөө /2023.02.14/ онц байдал зарлажээ. Энэ нь тус улсын түүхэн дэх гурав дахь удаагийн хар салхины сэрэмжлүүлэг болж байна. Онцгой байдлын асуудал эрхэлсэн сайд Киран Маканулти өнөө өглөө онц байдал зарласан тунхагт гарын үсэг зурлаа. Онц байдалд Нортланд, Окланд, Тайравхити, Бэй оф Пленти, Вайкато, Хокс Бэй зэрэг бүс нутаг хамрагдана. Үүнтэй холбоотойгоор олон улсын 509 нислэгийг цуцалжээ.

Хар салхины улмаас бүс нутагт 38 мянган байшин цахилгаангүй болжээ. Окланд дахь нурах аюулд ороод байсан 30 метр өндөр цамхагийн ойр тойрны хүмүүсийг нүүлгэн шилжүүлэв. Түүнчлэн хотод олон арван нүүлгэн шилжүүлэх төвүүдийг байгуулаад байна.

Онцгой байдлын асуудал эрхэлсэн сайд Киран Маканулти энэ хар салхийг урьд өмнө хэзээ ч байгаагүй цаг агаарын үзэгдэл гэж тодорхойлов. Тиймээс өчигдөр тус улсын ерөнхий сайд Крис Хипкинс 7.3 сая ам.долларын тусламжийн багц зарлажээ.

Окланд болон түүний ойр орчмын нутаг дэвсгэрт хүчтэй аадар бороо, үерийн улмаас дөрвөн хүн амиа алдсан. Баруун эргийн Муривай сууринд хөрсний гулгалтын улмаас онцгой байдлын нэг алба хаагч сураггүй болж, өөр нэг нь хүнд бэртээд байна. Нөхцөл байдал хэтэрхий аюултай байсан тул хоёр хүнийг эрэн хайх ажиллагааг зогсоожээ. Арлын хойд хэсэгт мөн их хэмжээний үер бууж, цаг агаарын улам сэрэмжлүүлэг зарлаад байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

15 мин өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...