Дэлхий дахинд

Месси FIFA-ийн оны шилдэг боллоо

Нийтэлсэн

2 жил өмнө

2023-02-28

Нийтэлч

FIFA буюу Олон улсын хөлбөмбөгийн холбоо 2022 оны шилдгүүдээ тодруулах “The Best” шагнал гардуулах ёслолын арга хэмжээгээ зохион байгууллаа.

Өнгөрсөн оны шилдэг эрэгтэй хөлбөмбөгчнөөр Лионель Месси тодров. Росариогоос гаралтай Аргентин эр 2022 онд удаан хүлээсэн алтан дагинаа өргөж, дэлхийн аварга гэх эрхэм цолны эзэн болсон. Түүний энэхүү амжилтын хажууд алтан бөмбөгийн эзэн Карим Бенземагийн УЕФА Аваргуудын лигийн дэлдэн чихт “жулдлаа”.

Ийнхүү Месси замналдаа хоёр дахь удаагаа FIFA-ийн оны шилдэг болж байна. Энэ амжилтаараа ч Кристиано Роналдо, Роберт Левандовски нартай зэрэгцэж ирсэн аж.

Шагнал хүртсэнийхээ дараа Месси “Багийнхандаа болон дасгалжуулагч Скалонид талархлаа илэрхийлмээр байна. Тэдэнгүйгээр би энд зогсохгүй байлаа. Миний дасгалжуулагч миний амжилтын нэг хэсэг. Бүх багийнхаа андуудад хүндэтгэл үзүүлье. Өнгөрсөн жил гайхалтай байлаа. Удаан хүсч мөрөөдсөн мөрөөдлөө биелүүлсэн. Эцэст нь би чадсан. Энэ бол тамирчин бүрийн мөрөөдөл. Тун цөөн тамирчин л үүнийг биелүүлдэг. Би харин азтай байлаа” гэжээ.

Шилдэг эмэгтэй хөлбөмбөгчнөөр Алексис Путеллас тодорсон бол шилдэг дасгалжуулагчдаар Аргентины Лионель Скалони, Английн эмэгтэй шигшээн Сарина Уаймэн нар тодорчээ. Мөн Аргентины хаалгач Эмилиано Мартинез болон Английн Мари Ирпс нар оны шилдэг хаалгач болжээ.

Оны шилдэг үзүүштэй гоолд олгодог Пушкашийн шагналын эзнээр Польшийн Варта Познан багийн Марчин Олески тодорлоо.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...