Дэлхий дахинд

Европын холбоо Серби, Косовогийн харилцааг хэвийн болгох төлөвлөгөөгөө танилцуулжээ

Нийтэлсэн

2 жил өмнө

2023-02-28

Нийтэлч

Франц-Германы санал гэж нэрлэгддэг Серби, Косовогийн харилцааг хэвийн болгох төлөвлөгөөг даваа гарагт Европын холбоо танилцуулжээ.

Холбооны Гадаад бодлогын комиссар Жозеф Боррель Серби болон Косовогийн тэргүүнүүдтэй Брюссель хотод уулзсанынхаа дараа “Хоёр улсын эрх баригчид энэ төлөвлөгөөнд нь санал нэгдсэн” гэж мэдэгдсэн боловч хэрэгжилттэй холбоотой асуудлыг хэлэлцэх дараагийн уулзалт гуравдугаар сард болно гэсэн байна.

Кососвогийн Ерөнхий сайд Альбин Курти энэ талаар сэтгүүлчдэд мэдээлэхдээ “Сербийн Ерөнхийлөгч Александр Вучич Европын холбооны төлөвлөгөөг зөвшөөрсөн ч, гэрээнд гарын үсэг зурахаас татгалзсан тул гэрээ баталгаажаагүй” гэж ярьсан байна.

Харин Сербийн Ерөнхийлөгч “Бид асуудлыг үргэлжлүүлэн хэлэлцэхээр тохиролцсон” гээд “Эхлээд Приштина 10 жилийн өмнө үүргээ биелүүлэх, өөрөөр хэлбэл, нутагтаа Сербийн хотын захиргаадын холбоог байгуулахыг Косовогийн Засгийн газрын тэргүүнээс шаардсан” гэжээ.

Александр Вучичийн мэдээлснээр энэ талаарх дараагийн уулзалт гуравдугаар сарын 18-нд болох бол, Европын холбоо нөхцөл байдлын талаар гуравдугаар сарын 23-24-ний өдрүүдэд хэлэлцэх юм байна.

Европын холбоо Косовогийн тусгаар тогтнолыг хүлээн зөвшөөрөхийг Сербиэс хүсч шаардахдаа энэ нь тус улсын хувьд Европын улсуудын холбоонд нэгдэх урьдчилсан нөхцөл болно гэж байна. Мөн өнгөрсөн сард Франц, Германы дипломатууд хоёр улсын харилцааг хэвийн болгох саналыг Белград, Приштинад танилцуулсан ч өнөөг хүртэл олон нийтэд мэдээлээгүй байна.

Европын холбооны Гадаад хэргийн албанаас даваа гарагт нийтэлсэн тус саналд Серби, Косово хоёр улс байнгын төлөөлөгчийн газар солилцох, бие биенийхээ паспорт, диплом, улсын дугаар, гаалийн тамга, тэмдэг зэрэг тус тусын бичиг баримт, үндэсний бэлгэдлийг харилцан хүлээн зөвшөөрч, тэгш эрхийн үндсэн дээр бие биетэйгээ хэвийн, сайн хөршийн харилцааг хөгжүүлэх болно гэж тусгасан байна.

Мөн талууд аль нь ч нөгөөгөө олон улсын хэмжээнд төлөөлж, түүний нэрийн өмнөөс үйл ажиллагаа явуулах боломжгүй, ялангуяа Серби улс Косовог олон улсын аль ч байгууллагад гишүүнээр элсэхийг эсэргүүцэхгүй гэж заажээ.

Сэдвүүд:

Дэлгэрэнгүй ...

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

1 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...

Дэлхий дахинд

Сөүл хотод авто зам цөмөрч мотоциклтой иргэн унажээ

Нийтэлсэн

2 долоо хоног өмнө

2025-03-25

Нийтэлч

24barimt

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.

Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.

Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.

Одоогоор зам цөмөрсөн шалтгааныг тодруулахаар ажиллаж байна.

Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.

Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.

Дэлгэрэнгүй ...

Дэлхий дахинд

Өмнөд Солонгос даяар 30 шахам ой хээрийн түймэр гарав

Нийтэлсэн

2 долоо хоног өмнө

2025-03-24

Нийтэлч

24barimt

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.

Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.

Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.

29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.

Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.

Дэлгэрэнгүй ...