Дэлхий дахинд
Хятадын байлдааны онгоцууд Тайванийн бэлэн байдлыг шалгав

Хятад улсаас олон тооны байдааны нисэх онгоц болон хөлгүүд Тайванийн батлан хамгаалахын бүсэд нэвтэрсэн тул Тайпейгээс хариу арга хэмжээ авч, байлдааны онгоцнуудаа илгээжээ. Тайванийн батлан хамгаалах яамнаас мэдээлснээр орон нутгийн цагаар Лхагва гаригийн өглөө арлыг чиглэн байлдааны 25 нисэх онгоц, гурван хөлөг ойртон ирсэн байна. Тэдний 19 нь хэдийнэ арлын агаарын довтолгооноос хамгаалах таних бүс рүү нэвтэрсэн гэнэ.
Үүний хариуд Тайванийн талаас сөнөөгч онгоцнуудаа тэднийг угтуулан илгээж, пуужингийн системүүдээ бэлэн байдалд шилжүүлсэн байна. Мөн байлдааны хөлөг онгоцнуудыг ч далайд гаргажээ. Гэхдээ Тайванийн талтай тулгарахаасаа өмнө Хятадын “түрэмгийлэгчид” бүсийг орхин гарсан гэж Тайпей мэдэгджээ.
Хятадын эх газраас тусдаа орших Тайванийн арал нь өөрсдийгөө тусгаар улс гэдэг ч Бээжин үүнийг салан тусгаарласан муж үздэг. Улмаар Хятадын эрх баригчид Тайванийг Хятадтай эргэн нэгтгэхээ удаа дараа мэдэгдсэн билээ. Үүний хариуд албан ёсны дипломат харилцаагүй боловч АНУ-ын албаныхан Тайванийг хамгаалахаа мэдэгдсэн. Хятад, Тайванийн хооронд зөрчил хурцадсан үед АНУ-аас Тайвань руу дадлага сургуулилалтын зорилгоор 200 хүртэлх тооны цэргээ илгэхээр төлөвлөж байгааг эх сурвалж мэдээлжээ.

Дэлхий дахинд
БНСУ даяар галын нөхцөл байдал ноцтой түвшинд хүрснийг зарлалаа

Дэлхий дахинд
Сөүл хотод авто зам цөмөрч мотоциклтой иргэн унажээ

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.
Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.
Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.
Одоогоор зам цөмөрсөн шалтгааныг тодруулахаар ажиллаж байна.
Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.
Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.
Дэлхий дахинд
Өмнөд Солонгос даяар 30 шахам ой хээрийн түймэр гарав

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.
Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.
Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.
29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.
Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.
-
Нийгэм22 цаг өмнө
Онлайн худалдаа хийх нэрийдлээр иргэдийг залилж байна
-
Нийгэм23 цаг өмнө
Нөөцийн махны өргөтгөсөн худалдаа болно
-
Нийгэм22 цаг өмнө
Экстрем спортын талбай байгууллаа
-
Нийгэм4 цаг өмнө
Хамтран ажиллах төлөвлөгөөнд гарын үсэг зурлаа
-
Нийгэм4 цаг өмнө
1072 хувьцааны ногдол ашгийн үлдэгдлийг хэрхэн хүлээн авах тухай санал асуулга эхэллээ