Дэлхий дахинд
Зуны цагийн шилжилтийг хойшлуулсны улмаас Ливан улс хоёр хуваагджээ

Эдийн засгийн гүн хямралд нэрвэгдээд байгаа Ойрх Дорнодын Ливан улсад зуны цагийн хуваарьт шилжихтэй холбоотой маргаан дэгджээ.
Өнгөрсөн амралтын өдөр тус улс зуны цагийн хуваарьт шилжих ёстой байсан ч засгийн газар нь одоо үргэлжилж буй Исламын шашны Рамадан сарыг дуустал шилжилтийг хойшлуулах шийдвэр гаргасан байна.
Тухайлбал Ням гарагт шилжих байсныг дөрөвдүгээр сарын 20 хүртэл хойшлуулах шийдвэрийг Ливаны засгийн газар Пүрэв гарагт гаргасан юм.
Рамадан сарын үеэр муслимууд өглөөнөөс үдшийн бүрий хүртэл мацаг барьдаг уламжлалтай. Засгийн газар яагаад цагийн шилжилтийг хойшлуулснаа тодорхой тайлбарлаагүй байна.
Гэхдээ зуны цагийн хуваарьт шилжвэл мацаг барих хугацаа нэг цагаар сунжирна гэсэн үг юм. Харин одоогийн өвлийн цагаараа байвал мацаг эрт дуусах ажээ.
Ливаны нөлөө бүхий Маронит сүмийн захиргаа засгийн газрынхаа гэнэтийн шийдвэрийг шүүмжилж, дагаж мөрдөхгүйгээ зарласан байна.
Мөн өөр хэд хэдэн бизнесийн байгууллага засгийн газрынхаа шийдвэрийг дагалгүй, цагаа зуны хуваарьт шилжүүлэхээр болсноо мэдэгджээ.
Ливаны үндэсний агаарын тээвэрлэгч Middle East Airlines компани эрх баригчдын шийдвэрийг дагахаа мэдэгдсэн байна. Үүний улмаас нийслэл Бейрут хотын олон улсын нисэх буудал нислэгийн хуваарийг хоёр өөр цагаар зэрэгцүүлэн харуулах болжээ.

Дэлхий дахинд
БНСУ даяар галын нөхцөл байдал ноцтой түвшинд хүрснийг зарлалаа

Дэлхий дахинд
Сөүл хотод авто зам цөмөрч мотоциклтой иргэн унажээ

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.
Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.
Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.
Одоогоор зам цөмөрсөн шалтгааныг тодруулахаар ажиллаж байна.
Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.
Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.
Дэлхий дахинд
Өмнөд Солонгос даяар 30 шахам ой хээрийн түймэр гарав

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.
Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.
Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.
29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.
Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.
-
Нийгэм16 цаг өмнө
Онлайн худалдаа хийх нэрийдлээр иргэдийг залилж байна
-
Нийгэм20 цаг өмнө
Жендэрт суурилсан хүчирхийлэлтэй тэмцэх төсөлд хамтран ажиллана
-
Нийгэм21 цаг өмнө
ОХУ-ын “Эконива” компанийн төлөөлөлтэй уулзлаа
-
Нийгэм21 цаг өмнө
Төрийн албаны шинэчлэлийг эрчимжүүлнэ
-
Нийгэм17 цаг өмнө
Нөөцийн махны өргөтгөсөн худалдаа болно
-
Нийгэм21 цаг өмнө
Т.Мөнхсайхан: Эмч нарын нэр төр цаашлаад биед халдах байдал газар авч эхэлснийг хуулиар зохицуулдаг болно
-
Нийгэм22 цаг өмнө
“Магнит Импорт” компанийн хуурай хольцын үйлдвэрийг нүүлгэн шилжүүлнэ
-
Нийгэм21 цаг өмнө
Хамтран ажиллах “санамж бичиг”-т гарын үсэг зурлаа