Дэлхий дахинд
Хойд Солонгосын эмэгтэйчүүд Хятадад бэлгийн мөлжлөгт өртөж байна

Эрх чөлөө, аюулгүй байдлын төлөө Хятад руу дүрвэсэн Хойд Солонгосын охид, эмэгтэйчүүд бэлгийн мөлжлөг, хүний наймааны золиос болж байна гэж олон улсын хүний эрхийн “Global Rights Compliance” байгууллагын шинэ тайланд дурджээ. Энэхүү тайлан нь “улаан бүс” гэгддэг Хятад, Хойд Солонгосын хилийн бүс нутагт бэлгийн мөлжлөгийн золиос болж, хүний наймааны гэмт хэргийн бүлэглэлийн гарт хүчээр жирэмсэн болсон олон зуун мянган эмэгтэйн өмнө тулгарч буй хүнд нөхцөл байдлын талаар тодруулсан болно. Судлаачид хоёр улсад тогтоосон цар тахлын хөл хорио, хаалттай хил, мэдээлэл авах шугам тасарсан зэрэг нь дүрвэгсдийн хүний эрхийн зөрчлийг хэрхэн улам хурцатгасныг онцолжээ.
Сөүл дэх Хойд Солонгосын хүний эрхийн байгууллагуудын тооцоолсноор, өнөөдрийн байдлаар Хятадад 150-200 мянган хойд солонгос дүрвэгч байгаа бөгөөд тэдний 70-80 орчим хувь нь бэлгийн мөлжлөгт өртдөг гэнэ. Тайлангаас харвал Хойд Солонгосын эмэгтэйчүүдийн эсрэг хүний эрхийн 82 мянга гаруй зөрчил бүртгэгджээ. Түүнчлэн “улаан бүсэд” 12 настай охид хоригдож байгаа тухай мэдээллүүд ч байна. Тухайлбал, хэдхэн ам.доллараар Хятадын зүүн хойд хэсгийн Яньбянь хотод зарагдсан нэгэн хойд солонгос эмэгтэй ярихдаа, хятад нөхөр нь түүнийг хүүхэд гаргаж чадахгүй байсных нь төлөө байнга зоддог байсныг ярьжээ.
Гэхдээ эдгээр эмэгтэйн олонх нь Хойд Солонгост буцаж очсоноос Хятадад ингээд ч болов амьдрахыг илүүд үзэж байгаа нь сэтгэл эмзэглүүлэм. Хойд Солонгосын дэглэмийн дагуу эх орноосоо дүрвэсэн хүмүүсийг буцаад очвол “урвагч” хэмээн цоллож, хатуу эрүү шүүлт тулгадаг бөгөөд үүнээс эсэн мэнд гарч чадвал хүн амьдрах аргагүй хүнд нөхцөл, харгислал дунд хөдөлмөрийн лагерьт ажиллуулдаг аж.
Хойд Солонгос, Хятадын зохион байгуулалттай гэмт хэргийн сүлжээ нь охид, эмэгтэйчүүдийг наймаалцаж жилд 105 сая гаруй ам.долларын орлого олдог гэх судалгаа байна.

Дэлхий дахинд
БНСУ даяар галын нөхцөл байдал ноцтой түвшинд хүрснийг зарлалаа

Дэлхий дахинд
Сөүл хотод авто зам цөмөрч мотоциклтой иргэн унажээ

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.
Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.
Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.
Одоогоор зам цөмөрсөн шалтгааныг тодруулахаар ажиллаж байна.
Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.
Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.
Дэлхий дахинд
Өмнөд Солонгос даяар 30 шахам ой хээрийн түймэр гарав

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.
Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.
Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.
29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.
Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.
-
Нийгэм16 цаг өмнө
Онлайн худалдаа хийх нэрийдлээр иргэдийг залилж байна
-
Нийгэм20 цаг өмнө
Жендэрт суурилсан хүчирхийлэлтэй тэмцэх төсөлд хамтран ажиллана
-
Нийгэм21 цаг өмнө
ОХУ-ын “Эконива” компанийн төлөөлөлтэй уулзлаа
-
Нийгэм21 цаг өмнө
Төрийн албаны шинэчлэлийг эрчимжүүлнэ
-
Нийгэм17 цаг өмнө
Нөөцийн махны өргөтгөсөн худалдаа болно
-
Нийгэм21 цаг өмнө
Т.Мөнхсайхан: Эмч нарын нэр төр цаашлаад биед халдах байдал газар авч эхэлснийг хуулиар зохицуулдаг болно
-
Нийгэм22 цаг өмнө
“Магнит Импорт” компанийн хуурай хольцын үйлдвэрийг нүүлгэн шилжүүлнэ
-
Нийгэм21 цаг өмнө
Хамтран ажиллах “санамж бичиг”-т гарын үсэг зурлаа