Дэлхий дахинд

Исламын улсын сүүлчийн дайчид Сирийн жижиг тосгонд төвлөрөөд байна

Нийтэлсэн

6 жил өмнө

2019-02-19

Нийтэлч

Сүүлийн хэдэн жил Ойрх Дорнодыг түйвээсэн Исламын улс зэвсэгт бүлэглэлийн 300 гаруй дайчин Сирийн зүүн хэсгийн жижигхэн тосгонд хориглолт байгуулаад байна.

АНУ-ын дэмжлэгтэй Сирийн Ардчилсан Хүчнийхэн тэднийг бүслээд байгаа юм. Террористууд тосгоны иргэдийг барьцаалан хориглож байгаа нь Исламын улс бүлэглэл бүрэн ялагдсаныг зарлахад саад болж байна.

Багуз тосгонд бүгсэн зэвсэгт бүлэглэлийнхэн бууж өгөхөөс татгалзаж, баруун хойд Идлиб муж руу зугтаж гарах боломж өгөхийг шаардаж байгаа. Ингэхдээ тосгоны иргэдийн хамт нүүх аюулгүй корридор гаргаж өгөхийг шаардаж байна. Идлибт өөр нэг террорист бүлэглэл Аль Кайда хяналтаа тогтоосон хэвээр байгаа юм.

Үүнээс гадна хөрш Иракийн нутаг руу зугтаж гарах боломж өгөхийг хүссэнийг Сирийн Ардчилсан Хүчнийхэн хүлээж аваагүйг хэлэлцээрт ойр эх сурвалжууд мэдээлжээ.

Ирактай хиллэдэг цөлийн энэ бүс нутагт Сирийн Ардчилсан Хүчнийхэн АНУ тэргүүтэй эвслийн дэмжлэгтэй есдүгээр сараас хойш байлдааны ажиллагаа явуулж байгаа.

Нэгэн үе Сири, Ирак улсуудын газар нутгийн гуравны нэгийг эзлээд байсан Исламын улс зэвсэгт бүлэглэлийн сүүлчийн түшиц газар нь Багуз тосгон болоод байна.

АНУ-ын дэмжлэгтэй зэвсэгт бүлэглэлүүд Исламын улс төгсгөл болсныг өнгөрсөн долоо хоногт зарлах гэж байсан ч Багуз тосгонд жирийн иргэдээр халхавч хийсэн террористууд саад болсон юм.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...