Дэлхий дахинд

Шувууны ханиадаар хүн нас барсан анхны тохиолдол гарлаа

Нийтэлсэн

2 жил өмнө

2023-04-13

Нийтэлч

Хятадын зүүн өмнөд хэсгийн Гуандон мужид 56 настай эмэгтэй шувууны ханиадны H3N8 вирусээр нас баржээ. Энэ нь шувууны ханиадаар хүн нас барсан анхны тохиолдол гэдгийг ДЭМБ мэдээлэв.

H3N8 вирус нь 2002 онд Хойд Америкт усны шувуудаас анх илэрсэн бөгөөд морь, нохой, далайн хав зэрэг амьтанд халдаж байсан. Гэвч Хятад улсад өнгөрсөн оны дөрөв, тавдугаар сард хүнд халдсан. Энэ нь үхлийн аюултай бус тохиолдолд тооцогдож байв.

Нас барсан эмэгтэйн бие хоёрдугаар сарын 22-нд хямарч эхэлсэн. Улмаар гуравдугаар сарын 3-нд хөнгөн шинж тэмдэгтэйгээр эмнэлэгт хэвтэж, гуравдугаар сарын 16-нд нас баржээ.

Тус эмэгтэй халдвар авахаасаа өмнө шувуутай харьцаж байсан. Мөн гэрийнх нь эргэн тойронд зэрлэг шувууд байдаг гэдгийг НҮБ мэдээлжээ.

Ойр дотны хүмүүсээс нь халдварын шинж тэмдэг одоогоор илрээгүй байна. Тиймээс хүнээс хүнд тийм амар халддаггүй байж магад гэж үзэв. Гэсэн ч томуугийн вирус нь байнга хувьсан өөрчлөгддөг тул дэлхийн хэмжээнд тандалт судалгаа хийх нь чухал гэж албаныхан мэдээллээ.

Хятадад өнгөрсөн жил гарсан хоёр тохиолдлын нэг нь хүнд, нөгөө нь хөнгөн шинж тэмдэгтэй байсан.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

23 цаг өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...