Дэлхий дахинд

Байгалийн бохирдолд анхаарал хандуулах зорилгоор Португалийн нийслэлийн төв талбайд 650,000 тамхины иш овоолжээ

Нийтэлсэн

2 жил өмнө

2023-04-24

Нийтэлч

Уур амьсгалын өөрчлөлтийн эсрэг тэмцэгчид өчигдөр буюу Ням гарагт Португалийн нийслэл Лисбон хотын төв талбайд 650,000 ширхэг тамхины иш овоолж, байгаль орчны бохирдолд олон нийтийн анхаарлыг хандуулах ажиллагаа зохион байгуулжээ.

Ажиллагааг санаачилсан Германы идэвхтэн Андреас Ной овоолсон хаягдал дээрээ хорт утааны баг зүүж суусан байна.

“Бид Португалийн иргэн бүрд хуванцар хог хаягдлын байгаль орчинд учруулдаг хор хөнөөлийн талаарх ойлголтыг өгөх зорилготой ийм ажиллагаа зохион байгууллаа. Тамхины ишинд хуванцар агуулагддагийг олон хүн мэддэггүй” гэж 34 настай тэрбээр ярьжээ.

Байгаль дэлхийгээ хуванцар хог хаягдлын бохирдлоос хамгаалах үйлсэд хүн бүр оролцох боломжтойн хамгийн энгийн жишээ нь тамхины иш болохыг тэр тайлбарласан байна.

Хоёр жилийн өмнө Ной хоёр сарын хугацаанд нэг сая тамхины иш цуглуулж, ийм төрлийн хог хаягдал ямар хэмжээнд хүрснийг харуулж байжээ.

“Бид тамхины ишээ газарт хаях зуршлаас хүмүүсийг салгаж, хогийн сав, халаасны үнсний сав ашигладаг болгохыг зорьж байна” гэж уг ажиллагаанд оролцсон идэвхтэн Дэвид Фигуэра ярьсан байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...