Энтертайнмент

П.Орхоны барилдах эрхийг дөрвөн жилээр хасчээ

Нийтэлсэн

6 жил өмнө

2019-02-21

Нийтэлч

Admin

Индонез улсад 2018 оны наймдугаар сард болсон Азийн зуны спортын XVIII наадмын аварга П.Орхоноос хориoтой бодис илэрсэн билээ. Удаан хэлэлцсэний эцэст шийдвэрийг Дэлхийн бөхийн холбооноос өчигдөр албан ёсоор гаргаж, түүний барилдах эрхийг дөрвөн жил буюу 2022 оны есдүгээр сар хүртэл хасахаар болсон байна. Мөн Монголын чөлөөт бөхийн холбоог мөнгөн торгуулиар торгохоор болжээ.

Индонезид болсон Азийн наадмын үеэр чөлөөт бөхийн хоёр тамирчнаас хориотой бодис илэрсний нэг нь Монголын П.Орхон байв. Тэрбээр эмэгтэйчүүдийн 62 кг-ын жинд өрсөлдөж аваргын алтан медаль хүртсэн ч stanozolol хэмээх хориотой бодис хэрэглэсэн нь шинжилгээгээр тогтоогдсон. Түүнээс гадна Туркменистаны чөлөөт бөхийн тамирчин Назаров допингийн шалгалтанд бүдэрчээ.

П.Орхоны хувьд Азийн наадамд оролцсон Монголын тамирчдаас анх удаа допингийн асуудалд холбогдсон юм.

П.Орхоны сэргээшийн хариу Азийн наадам өндөрлөсөний дараа буюу есдүгээр сард гарсан ч тэрбээр үүнийг үгүйсгэж байсан. Монголын чөлөөт бөхийн холбооноос албан ёсны мэдээллийг өгөөгүй бөгөөд удаан хэлэлцсэний эцэст Дэлхийн бөхийн холбооноос ийм шийдвэр гаргажээ.

Гавьяат тамирчин П.Орхон Азийн наадмаас хойш ямарч тэмцээнд оролцоогүй бөгөөд 2018 оны ДАШТ-д оролцох байсан ч яваагүй юм. Тэрбээр өөрийгөө допингийн төрлийн зүйл хэрэглээгүй гэдгээ хэлж, П.Орхоны багш Ц.Хосбаяр ч ийм зүйл байх учиргүй гэж ярилцлагадаа дурдаж байсан юм.

2016 оны нэгдүгээр сард ОХУ-д болсон Иван Ярыгиний нэрэмжит “Алтан гранпри” тэмцээний үеэр Японы алдарт бөх Каори Ичогийн ялалтыг зогсоож шуугиантайгаар гарч ирсэн П.Орхон дараа жил нь буюу 2017 онд дэлхийн аварга болсон юм. Тэрбээр Азийн болон олон улсын томоохон тэмцээнээс байнга медальтай ирж байсан бөгөөд “Жакарта 2018” Азийн наадамд аваргын алтан медаль хүртсэн ч хориотой бодис хэрэглэсэний улмаас 2022 оны есдүгээр сар хүртэл тэмцээнд оролцох эрхгүй боллоо.

Сэдвүүд:

Дэлгэрэнгүй ...

Сэтгэгдэл үлдээх

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

5 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

1 өдөр өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...